ROMA 9:22 - PERJANJIAN BARU NALCA YUBA

²² Anasa alja uruma dogoma anaʾ ab, alja migib ab, laga eleganamlaʾ amba dara, Imik Neyung ara yokaʾ-yokaʾ alja uruma dogom henemlaʾ somoganamla aboka orowek memewokaʾ ak ara, alda or eimik ek senewoka diri ulumla.

ROMA 9:22 Referans Kwoze

YUDAS 1:4

Imik Neyung orowek obnamna senewoka memeb gegewok nang era, nu gangganek sam seleb gelelenga wekel yalamakaʾ anasa lebna. Sikja malya ubnob senewoka, Imik Neyung adya gouluwom aboka wanaʾ un yub enyek, nimi ganya oka desinaʾ amba samab menegoka, sikda malya nim ek ulumak. Anya sikda nunja hnonok dubnya Yesus Kristus anyek, Wenelesilnya gomaʾ aboka boro dorogol dilimak.

1 PETRUS 2:8

Anya, ”Nimi yok oluka diknaʾ girika dok, hnonda alja yok nim ek malyanggal dilisil girika dok,” hyok. Nimi nidyaʾ oluka diklesilaʾ ara, Imik Neyung yuba nong ak dib senenggulumakaʾ nong adya ulusil. Nenesa leboka, sikda yuba dib senenaʾ orok nim era, ban amba orowek gegewoka beibsuk.

ROMA 9:21

Dara go soko adya yok-yok bonaʾ memelanya bera, ban neik go soko winirobaʾ enedya perobaʾ ak senesonya nera nen memewoka, ono yoknya nera or sobnya memewanamna senesonya nera nen memelamla dara, anadya alda meknelemla heneseng de?

2 TIMOTIUS 2:20

Hyak senenggomaʾ somna ek ara, yok-yok bonaʾ beilinaʾ ara, nauba ulumla. Wera bonaʾ beilinaʾ ara, hnonda dangman meilik yubaʾ adya memelemak dara, hnonda gal adya gom, soko adya gom, mememnaʾ ak ulumla. Dara beilinaʾ ara, hnonda hyak pero-pero senenggom bonaʾ enesa ulumla dara, hnonda dom digum so bonaʾ danasa ulumla.

1 TESALONIKA 2:16

Orokaʾ anaba nunja Yahudi gom soko nim ek, nimi blebsin Imik Neyung yuba leb elegeisinobaʾ ulumna enyek, sikja pika garawoka malya nenelesik. Wera ban unulumakaʾ adya, Yahudi nimi malya unaʾ ara nauba dangoka einildaknaʾ okna dangalamla. Anya wera sikda Imik Neyung adya yu ganya boboka obnesin senelamla.

ROMA 9:17

Anasa Imik Neyung yuba momnya dobokaʾ ara Firaun bek wenhyok, ”Wera anasa nara anak sekiyiwagesaʾ ara, wera anedya, nara nadyaʾ migibaʾ anak laga amab elegoka, anya anedya nadya si nera mok soko nidyaʾ perobaʾ ob lelewolul aboka ununggesa,” wenhyok, hyok.

2 PETRUS 2:3

Sikenek sondaʾ yub ok miniwoka neklesak nang ek adya, ugunja sikenek perobaʾ elegosunuk senewoka, dib gomnya nenyek miniwoka ugunuk neklemnesak. Bok ban unulumakaʾ amba leboka, Imik Neyung adya igina yakaʾ ara seleb orowek beibuk, hnonda nenesemba leboka Imik Neyung adya sikenek obnesin aboka gegewoknya nera or anam diri ulusil.

1 TESALONIKA 5:9

Imik Neyung ara yu ganya boboka obsununaʾ aboka dobnenggusuk, nunja Wenelesilnya Yesus Kristus adya dib blebsululaʾ aboka dosuk.

2 PETRUS 3:15

Imik Neyung ara men yangganggulumlaʾ ara, nuk blebsununaʾ ubokaʾ senewoka ugunda ganya enyek, pe boblulum. Nunjaʾ hem be hiboka wanaʾ ulumabnya Paulus bedya ugunuk wenyaboka momnya doboka beibsuk. Alda ugunuk momnya doboka beibsukaʾ ara, Imik Neyung adya alak geremseng eleklelanya nedya ubsuk.

2 PETRUS 2:9

Anasa ban eini lebmanaʾ adya eillilemab. Imik Neyung ara alak ella uboka, pe ulumak nim era, sikenek yokaʾ-yokaʾ adya geregoka malya nenelesil sum era, har so blebnamnaʾ ara pe ella ulumla. Dara onoʾ Imik Neyung ara, nimi malya ulumak nim era sidyaʾ daknamla sum ek henga geregoka yana lelewanamna senewoka, ban amba bo unaʾ ara alda ella ulumla.

1 PETRUS 3:20

Nera Nuh be ulumok salek, Imik Neyung ak keboka ununggulumek nim ek lel elegel byuk. Ban salek era Nuh bera anam mek ekla bunaʾ e solomok dara, Imik Neyung ara or siklewoka diri ulumokaʾ ara, seleb sobdakok sum era, nimi nidyaʾ seleb gobdo somogek bok, nimi linbadya nim ok blebsuk.

ROMA 1:18

Dara nim ara malya ganya boboka malya ulumaknya nera, ban dib yub enyek siklilimak, anasa Imik Neyung adya yu ganya bonaʾ ara imik ab nimi malya ulumak nang ek laga dangalamla.

ROMA 9:20

Wei, nim o, anda heknya do, anedya Imik Neyung ak sondaʾ anasa mel-mel alalam do? Wera uyiwoknya bedya al uyiwoknya bek, ”Anda hekasa nak an uyiwonulum do?” wenyhenemso de?