ROMA 9:16 - PERJANJIAN BARU NALCA YUBA

¹⁶ Dara Imik Neyung unulusil era, nim adya seininaʾ ak gom, yeiriwoka enaʾ ak gom ununggulusil. Bok Imik Neyung adya yadyek anasa ganya doboka unulusil.

ROMA 9:16 Referans Kwoze

EPESUS 2:8

Imik Neyung ara ugunuk wanaʾ uboka eleksinaʾ anasa leboka, ugunda Yesus ak dib senewoka doblumaʾ adya, ugunuk dib blebsuk. An blebsukaʾ ara, ugunja ununaʾ edya dobnenggublum. Anara Imik Neyung adya ok elek loboka blebsuk. Anaso ubsuk bok dara, nimi hnon ara nabeyok dobsa aboka nonggo henggunumso.

PILIPI 2:13

Nenesa leboka Imik Neyung adya, alja ganya ek hekel eleklenenokaʾ aboka ugunja ganya lomok sam weboka, unuweisinya ganya hnon, unuwanokaʾ aboka migiba hnon eleklesil.

YAKOBUS 1:18

Alja ganya edyok albeyok ganya doboka, alja dib nong ulumla yub edya nuk alja mabo dangiyisuk. Ban unusuknya nera, anadya nidyaʾ yokaʾ-yokaʾ uyimokaʾ ara mek so bok, nuk perob ekla oulyanga dobnokaʾ aboka unusuk.

ROMA 9:11

Bok ban mab era anam beibnenggusuukanya, perobaʾ malyaʾ gom anam unuwanggurek bok, Ribka gek an wenhyok, ”Men karob so me nera goubenya so me nedya wa wenya danamla.” Anedya Imik Neyung ara alja weboka dobsuk yub era migibaʾ kablul aboka, bok ununaʾ adya gom, alda Imik Neyung alja yoululum hyoknya nedya unuwok.

LUKAS 10:21

Dara ban neik salek Yesus anaba, alda ei-ei ganya bomokaʾ ara, Imik Neyung Geisinya adya deknemokaʾ adya umok. Anasa Yesus adya dara, ”Neyung, Wenelesilimnya o, anda soko ab im ab dubnya ululam! Nara anak perob aboka gibgenaʾ ara, ban nidyaʾ unulusilimaʾ ara, geremseng nang eb, yokaʾ-yokaʾ ella danganaʾ dolomak nim ek ara gunuweisinjok, alda mek so nim ek anyek laga nekoka amalesilimaʾ anasa gibgen. Ban unululamaʾ ara, anja ganya adya uboka, perob senelelamaʾ anasa perob,” hyok.

YOHANES 3:8

Kaboʾ ara alja dorogunun senemnaʾ ak ara nidyaʾ doroklamla. Dara, alja uu alamlaʾ ara kelelam bok, hanyagar ab sam yalamla, hekmok balamlaʾ ara, anda elgom ululam sok, Imik Neyung Geisinya adya beillilisil nim ek dara, al anaso ulusil,” hyok.

MATIUS 4:8

Dara onoʾ Iblis adya Yesus ak eboka boboknya nera, senenggom mok soko meinik sam biniboka, yok-yok mok soko nidyaʾ ab, sikja yokaʾ-yokaʾ perobaʾ ulumlaʾ nidyaʾ ak aawonunaʾ aboka bo bilimok.

MATIUS 11:27

Dara Yesus adya lebokaʾ ara, ”Yokaʾ-yokaʾ nidyaʾ ara neyung bedya nak elegoka lobongganyok. Nimi nidyaʾ ara me ak ara elgom ulumak bok, neyung bedya ok hnonok ella ulumla. Nimi nidyaʾ anaba, neyung anak ara elgom ulunjak bok, me adya ok ella ulunggel, anya me adya nadya neyung bera ban aboka amalesin nim edya hnon anak ara ella ulunjak.”

GALATIA 2:2

Imik Neyung adya or Yerusalem heikek binilam aboka aawoka nekenyokaʾ anasa, bilimsa. Wera Yerusalem heikek ara, hnonda si sinaʾ nang eb neikaʾ longowouba dara, nadya Yahudi gom nim ek perob lero yanggan yuba lel eleklamsaʾ anyek, neksisa. Nera youmaʾ wesenya gom, eimik welemnenanya gom anyek, hnon nim era salyaʾ lelem welemla seneweneijek aboka, si sinaʾ nang ok gelelenga neksisa.