ROMA 8:15 - PERJANJIAN BARU NALCA YUBA

¹⁵ Anasa ugunda wa orugoka anyek welemnelam henemlaʾ anyaʾ senewoka loka dabsin ganya enyek dobnenggublum, bok ugunda ugunuk Imik Neyung me nenesin ganya enyek seleb doblum. Dara ban ganya pik uboka nunda, ”Ai, na Neyung o, ai, na Neyung o!” wenyaro mololomab.

ROMA 8:15 Referans Kwoze

2 TIMOTIUS 1:7

Anasa wera, Imik Neyung adya nuk elegosukaʾ ara, lok ganya ak eleganggusuk. Bok, alda nuk elegosukaʾ ara, migib un ganya hnon, wanaʾ un ganya hnon, diri uldan ganya hnon, elegosuk.

1 KORINTUS 2:12

Wera nuk ara, soko enyek anyeb ganya ek eleganggusuk bok, alda Imik Neyung adya, alja Geisa ganya ek elegousuk. Anadya wera, Imik Neyung adya nidyaʾ yokaʾ-yokaʾ nuk elegousuknya nera, ella danokaʾ aboka Geisinya elegosuk.

ROMA 8:16

Dara ban Geisinya adya, nunja ganya ek, nunda Imik Neyung bedya mab ulumab aboka, laga neklesil.

IBRANI 2:15

Wera an unuwokaʾ adya, nimi nauba somoknaʾ ak sobaʾ lok ganya adya, igina kweiyiwoka bo bulusuknya nek ab, munaʾ gobdo bleboka dobsuk.

EPESUS 1:5

anadya nu nong anyek, Yesus Kristus pik uboka hyak men youmaʾ enyek orowek weboka doboka, alja mabo yokaʾ gebsuk. Wera alja men danyek perob senewoka unuwanamna senemokaʾ ara an unuwousuk.

1 YOHANES 4:18

Wanaʾ unaʾ ak sam ara, lok ganya hnon unggulumla. Wanaʾ unaʾ kanaʾ adya lok ganya dengallilimla. Lok ganya ara, heng goubnaʾ adya lanalamlaʾ anasa, lok ganya bololanya bera wanaʾ ganya anam kanggulumla.

MARKUS 14:36

Alja mololomokaʾ ara, ”Neyung o, wei, neyung o, anda yokaʾ-yokaʾ ak dara, unuwanasomaʾ ok. Ban mek hmeiya ara, nak anyeb dobnelam bok, nadya ganya edya anaso unuwanaso senenenya nek unuwalyek, alda anja senemenya nenyek or unuwonulul,” aboka mololomok.

ROMA 8:23

Nera sikinok gom, bok numba Geisinya men perob eleknaʾ seleb dowub nang eneba, me anasoʾ anyek somowanasil salek, nunja nonga blebnesil sum emba, numbabya nunja nong era ganya obdangdo diri ulumab.

LUKAS 11:2

Dara Yesus adya sikenek lebsukaʾ ara, ”Ugunda heng uboka molowanamun dara, ban nenyek wenyaboka molowanalumaʾ ara, Imik Neyung o, anja si nok munaʾ giblenggenok. Anja wenelemnesilaʾ ara dibaʾ dolul.

YOHANES 20:17

Danyek Yesus adya, Maria gek, ”Nadyaʾ neyung bek anam binggumnaʾ anasa, anda nak soruk salanenggom. Bok, anda berra aboka nadya hemyab ek bimenekanya, Yesus ara seleb nub alab, nunja neyung Imik Neyung bek, binimla aboka, wenyal bilom,” hyok.

LUKAS 22:42

Alja Imik Neyung ak ara, ”Neyung o, or dara, nak an nauba igina kweboka gweklamnaʾ anyek mok nenewalom. Bok nadya senenenya nek gom, alda anja unuwanamna senemenya nenyek or unuwanelom,” aboka mololemok.

YOHANES 16:8

Wera, Geisinya ben yalya dara, soko nim edya malya unaʾ ek hnon, pe unaʾ ak hnon, yana lelesinaʾ ak hnon, sikja seinilimakaʾ anyek, nenegom aboka, okoka neknesil.

RASUL 16:29

Dara wenyek nimi henga gereksin e damnya bera nimek wesaʾ bo yoululum aboka alda e lomok sam biniboka, ber-beranaʾ dib Paulus Silas adya saramek sam biniboka oumuwoka gisuk.

RASUL 2:37

Wera nimi nidyaʾ Petrus bedya wenyaboka lelemok anyek kemek dara, nimi nidyaʾ ganya soldowoka obdangamek. Dara, Petrus bek hnon, yok yuba lenaʾ gak nang ek hnon, ”Hemyab o, wera nunda hekaʾ huwanamab do?” aboka heisik.

LUKAS 8:37

Dara Gerasa mok sokok nimi nidyaʾ ara, hyak lok ganya bobekaʾ anasa, Yesus ak, wera anda nunja mok unaʾ ara lo binilam aboka wenyal byik. Anasa Yesus ara mek ekla bunaʾ ak bukoka saaboka yek.

LUKAS 8:28

Bera alda Yesus ak eibuk dara, alda Yesus adyaʾ saramek oumuwoka giboka yuba bii aboka lebokja, ”Imik ululanya, Imik Neyung bedya me, Yesus o! Anda nak ara hekaʾ ak ulumla do? Nak malya nenewoka lobaʾ nenenaʾ ara mem aboka molowagen!” hyok.

YAKOBUS 2:19

Ugunda Imik Neyung ara al hnonok ulumla senewoka dib senelelum gom? Nera onoʾ bisaʾ anaba alba dib senewoka, lok anasa ber-ber alamla.

ROMA 8:26

Dara neikik, nunda heng uboka molonaʾ ara, okoka pe elgom ulumab anasa, Geisinya bera ban nunja hmeng ulumabaʾ ak an, nuk arasil. Anya onoʾ Geisinya bera albeyokaʾ ganya doboka nunsamba Imik Neyung ak hyak lebnamenggomnya neneba, nekoka mololosil.

ROMA 9:4

Wera sikda Israeli nim ulumaakanya, sikda seleb alja mabo nenesuukanya, sikda perobaʾ senenggomaʾ ab, unubdanamab an yub eb, unuwanalum an yub eb, yuba longonaʾ amba yub eb, unu eleganasin hyok yub eb, dara sikda seleb domek.

2 KORINTUS 11:4

Nunja anaso leb elegesubaʾ Yesus yuba dibaʾ ak gom, alda yok nim edya yok so Yesus yub enyek nekel yalasak enyek, perobaʾ aboka dololum. Dara, perob seininaʾ ganya eb, perob lero yanggan yuba dib nongaʾ nunja leb elegesubnya nera loboka, salyaʾ dib gom seininaʾ eb, yok so perob lero yanggan yub eb danyek, dololum.

GALATIA 2:4

Hnon nang edya dara, or unuwanamla aboka lelemek bok, unuwolul aboka yo henggumek. Wera an wenyalamek nang era, yuba dib doboka ununaʾ orokjok, nunjaʾ Kristus Yesus ak dib senemoubaʾ adya, gobdo ganya doboka unaʾ ak gelelenga kemero yeilimek. Sikja dara, nu yuba dobnenggoma wenyek unulumoubaʾ anyek, neik so unulunokaʾ aboka pik nekoka igina kweiyiwanobaʾ aboka yeilimek.

GALATIA 5:1

Nuk ara seleb lobsuk nang geknebaʾ ulunokaʾ aboka, Kristus adya dara, unuwanalum an yub ek ab, seleb gobdo lobsuk. Ugunda oruknaʾ wa wen nang saawoka domunuk aboka, pe keeboka seklelulum.

MATIUS 25:25

Anasamba leboka, nara lok anasa, anja rupiah era soko lomok sam doknel bisekanya, wera an bo yan anasa dobnelam, wenyaboka elegok.