ROMA 8:13 - PERJANJIAN BARU NALCA YUBA

¹³ Dara, ugunda nimi malya unaʾ ganya ak sunuwoka ulumnelum dara, ugunda eimik era somoganalum. Bok ban Geisinya pik uboka ugunja ganya nong adya unuwounun senelamlaʾ anyek pika garawoka olomnelum dara, ugunda embengaʾ ulumnelum.

ROMA 8:13 Referans Kwoze

GALATIA 6:8

Heknedya ganya oka den yinaʾ doklamla dara, alda ganya oka den doka somoknaʾ ak daklamla bok, heknedya Geisinya bedya senelamlaʾ sunuwoka yinaʾ doklamla dara, alda Geisinya bek ab embengaʾ ulmoubnaʾ doka daklamla.

1 PETRUS 2:11

Nadya wanaʾ ulusin hemyabo nim o! Ugun nong ara sekel yanggan nim uboka, salyaʾ soko pik dongol girikna nim ululumaʾ anasa, nimi malya ubsinya ganya bolomakaʾ anyek, nimi ganya lomok sam malya ul eleklesilaʾ anyek, ugumba hnon ununaʾ mem aboka yuba garawoka sekna.

1 KORINTUS 9:27

Nadya nong enera pe mel-mel aboka, nauba sunubdangoka diri uldalamna. Ban unulunanya nera, nadya yok nim ek nauba leboka glinyebok, eimik sum era, na nong anyek lobnelyek aboka, anara unulamna.

TITUS 2:12

Ban Imik Neyung adya wanaʾ uboka eleksinaʾ adya, nunda sokok an ganya oka denaʾ ulumlaʾ digum unaʾ hnon, yokaʾ-yokaʾ Imik Neyung adya perob gom senelelanya nek hnon, hyak loblulum aboka nuk neklesil. Nunda sokok an ulumeibya danyek, pe ganya siklewoka, geisa uboka, Imik Neyung ak pe bojam ulunobaʾ aboka, alja wanaʾ unaʾ era neklesil.

GALATIA 5:24

Nim ara, Kristus Yesus adyaʾ seleb dangarob nim era, sokok an nimi ganya era, yok-yok malya unaʾ salyaʾ doro unulusinya ganya ab, salyaʾ meknewoka unulusinya ganya anyek, seleb oboka gal ak glabek.

EPESUS 4:22

Wera youmaʾ nong unaʾ eb, youmaʾ ganya eb dara, wen alja malya unaʾ hwam ok unulunun ganya adya seleb malya dangalamlaʾ anasa, gwiriwoka lobnobaʾ aboka doblum.

1 PETRUS 1:22

Ugunda Imik Neyung yub anyek dib senelelumaʾ adya, ugun nong ara seleb geisa nenebdangoka, neik yuba dololum nim ek ara pe wanaʾ ulusulum. Anasa leboka, ugun moumen pe ganya goluwoka wanaʾ uldalalulum.

ROMA 7:5

Anasa nunda malya unaʾ ganya lomok anam ulumoub salek era, Yahudi nim emba unuwanalum an yub adya dara, malya unaʾ ganya ek onowoka, nunja ganya nong lomok welemok adya, somoknaʾ damok ak bo balasuk.

EPESUS 5:18

Nimi ganya uu aboka serema salalesil mek era nauba den dara, nimi malya nenewoka soldelesilaʾ anasa, mek era ganya uu hesilyek aboka denggom, mem. Bok, ugunja ganya era, Imik Neyung Geisinya adya ok deknewoka bo ulusulul.

ROMA 6:21

Anasa an youmaʾ unululumnya nera, wen banyek bekoka, dara alya ulusilaʾ amba dara, anasemba perob soʾ digum ara, hekaʾ ak dololum do? Ban anaso unaʾ nidyaʾ ara, sidyaʾ nong ara, somoknaʾ ak dangalamla.

EPESUS 4:30

Imik Neyung adya blebnesil sum emba, Geisinya bedya seleb ouma debsukaʾ anasa, Imik Neyung Geisinya bek ganya sugul eleknaʾ ara mem.

ROMA 6:23

Malya unaʾ adya deknaʾ ara, somoknaʾ damok ak ulumla, bok Imik Neyung adya perob eleknaʾ era, nunja Wenelesilnya Kristus Yesus lomok ulumla embengaʾ ulmoubnaʾ unaʾ ak ulumla.

ROMA 8:12

Anasa hemyabo nim o, nunda nim ek del lonaʾ nang ek ulumab, bok nimi ganya ok denaʾ sam ak gom, anedya nimi malya unaʾ ganya ak sunuwoka unggulumnemab.