ROMA 3:21 - PERJANJIAN BARU NALCA YUBA

²¹ Bok wenyek dara, unuwanalum an yub orokaʾ anaba, Imik Neyung adya peldisinaʾ ara, oruksin yuba lomok ab, ununumnaʾ lelemek nang buku lomok ab, seleb laga neklesuk sok, wera seleb laga gebsuk.

ROMA 3:21 Referans Kwoze

RASUL 10:43

Men ununumnaʾ lelemek nang eneba alsamba yuba geklewoka lelemek. Dara, sik lelemek yub era, ban wenyaboka lelemek ara, nimi nidyaʾ Yesus si ak dib senewanamak dara, Yesus migib adya sikja malya unaʾ memelemnesil, hyek,” hyok.

PILIPI 3:9

Anya aldib nara Kristus lomok ulunun senewoka unumsa. Nara Imik Neyung ak ganya kwebdonumaʾ ara, nadya ganya doboka nim adya unuwanalum an yub eboka dobnenggubsa. Wera nara Imik Neyung ab perobaʾ lebdangoka ulunamaʾ ara, nara Kristus ak dib senemsaʾ adya ulumna. Anasa ban unu Imik Neyung ab kwebdangoka jong ulumak unaʾ era, Yesus Kristus ak dib senelemakaʾ nong adya ok dangalamla.

GALATIA 3:8

Imik Neyung yuba momnya dobokaʾ adya dara, nimi Yahudi gom nim era sikda Imik Neyung ak dib senewanamak dara, ban adya perobaʾ nenewanasilaʾ ara, orowek ella ulumookanya, wera ban perob lero yanggan yub era men danyek Abraham bek, ”Imik Neyung ara an pik uboka, mok soko me nidyaʾ ara perobaʾ nenewanamla,” hyok.

ROMA 5:19

Anasa, be hnonoknya bedya bleknaʾ edya, nimi gong ara malya unaʾ nang dangamek sok, onoʾ be hnonoknya bedya pe keboka unuwokaʾ adya, neik so nimi gong ara perobaʾ nenelesil.

ROMA 1:17

Imik Neyung adya peldisinaʾ ara perob lero yanggan yuba pik ab laga dangalamla. ”Pellililanya bera ganya dib senenaʾ nong adyok ulumnamla,” an wenyaro momnya dobok sok, ban Imik Neyung adya peldisinaʾ ara ganya dib senenaʾ adya mengewoka sidyaʾ daklamla.

ROMA 1:2

Ban aljaʾ perob lero yanggan yub era, alja ununumnaʾ lelemek nang, men sik pik uboka geisa Imik Neyung yuba momnya dobokaʾ lomok wenyalasuk.

RASUL 15:11

Nera hyak mem nong! Wera Wenelesilnya Yesus alja wanaʾ uboka eleksinaʾ pik uboka, numba hnon, sikda hnon, neik so bleblesil senelemab,” hyok.

LUKAS 24:44

Seleb dara Yesus adya sikenek, ”Ban yub enyek ugunda nablaboka anam ulumouba dara, seleb ugunuk leb elegesisa ara, Imik Neyung yuba bukuk sam, Musa bedya unuwanalum an yuba webok bukuk sam hnon, ununumnaʾ len nang edya webek bukuk sam hnon, Mazmur yub ek momnya dobokaʾ nidyaʾ ara gigiwoka unuwanamla amsaʾ ara an,” hyok.

2 PETRUS 1:1

Yesus Kristus ara nunjaʾ Imik Neyung uboka, blebsinaʾ dubnya ulumlakanya, alda perob nenenaʾ edya dib blebsuk. Dara, nuk dib blebsinaʾ elegosuk sok, ugun hnon ban dib senenaʾ dolum nim ek momnya donaʾ en beibsin. Ban momnya donaʾ enera, Yesus Kristus adya wa arawoka yuba lenaʾ gaknya Simon Petrus bedya ugunsamba beibsin.

1 PETRUS 1:10

Ban ugunja ganya blebsinaʾ nong anasa leboka, youmaʾ ununumnaʾ len nang era ella ubsibya senewoka eboka dulumek. Hnonda ugunja ganya blebnesilaʾ anyek, sikda orowek lelemek.

GALATIA 5:5

Pewolum anaʾ dibaʾ elegosukaʾ anasa, nunda dib senelemabakanya, Geisinya aralesilaʾ adya, ganya wenaʾ dobnobaʾ aboka diri ulumab.

ROMA 16:26

Hnon gunuwok bok, wenera Imik Neyung ulmoubnaʾanya bedya orugosukaʾ sunuwoka, yok-yok mok soko nimi nidyaʾ ara sikda ganya dib senewoka pe kenaʾ ak bo binok aboka, ununumnaʾ lelemek nang momnya dobokaʾ pik uboka seleb wenyalasukaʾ ara, wera seleb laga dok.

RASUL 26:22

Bok Imik Neyung adya nak sobaʾ arawoka, wera nara sumen anyagan mek nang ek hnon, hnonda nauba nang ek hnon, ugun gangganek an sekoka, wera laga lel yibin an. Nadya nidyaʾ wenyaboka lelesinya nenera, yoknya nek lenggulusin. Alda ununumnaʾ len nang edya, hnon Musa bedya unuwanamla ak alameknya nenyek gigimoknya nek ok lelemna.

YOHANES 1:45

Pilipus bedya Natanael be eiyiboka alak, ”Musa bedya unuwanalum an yub sam alak weboknya bera, ununumnaʾ lelemek nang alak wemeknya bera, eiyimab. Nazaret heik nang Yusuf bedya me Yesus alak eiyimab,” hyok.

2 KORINTUS 5:21

Kristus pik uboka, nuk Imik Neyung alja peldisinaʾ danokaʾ aboka, Kristus ara malya unaʾ elgomnya benyek, Imik Neyung adya Kristus ara nunsamba leboka malya unaʾanya nenemok.

1 KORINTUS 1:30

Imik Neyung adya ganya doboka albeyok unumokaʾ adya, wera ugunda Yesus Kristus ablaboka geisa nong gebeiyisuk. Dara, Imik Neyung adya, Kristus doboka, nunja geremsengaʾ alan aboka dangiyisuk. Dara onoʾ, al Yesus ara nunjaʾ ganya peldisinaʾ ab, geisa unaʾ ab, blebsinaʾ ab danyek, ulusil.

ROMA 9:30

Wera anaso dara, nunda hekaʾ hnon henesibya do? Henesibnya nera ban: yok-yok mok soko nim era perob nenesinaʾ ak we dobnenggulumek bok, ganya aldib senenaʾ adyok, ban perob nenesinaʾ ara seleb dorob.

ROMA 5:21

Anedya, malya unaʾ ara soko me nidyaʾ ob lelewok sok, nunjaʾ Wenelesilnya Yesus Kristus pik uboka, wanaʾ uboka eleksinaʾ anaba, perob nenesin pik uboka, embengaʾ ulmoubnaʾ amba ob lelewanamla.

RASUL 28:23

Dara onoʾ, sikja Paulus bek anda sumenyek ansamba yana lelewoka lebnesilim anasa yanamab aboka leiyimek. Wera Yahudi nang edya Paulus bek an ululam ak yanamab amek sum era seleb yenebok dara, wera nimi nauba so yeilimek. Wera seleb yeilimek dara, Paulus bedya yeilimek nim ek, Imik Neyung adya senenggom wenesinaʾ yub amba geklewoka laga yana lelewoka leboka, Musa bedya unuwanalum an yub eb, ununumnaʾ lelemek nang edya hnon, Yesus anasa eimik era unuwanamla aboka lemeknya okoka laga poboka gararob aboka leb elegesuk. Wenyaboka yuba en lebdibigemok salek era lugunaʾ ebaʾ ara sin dok.

ROMA 3:28

Nunja dib senelemabaʾ nong ara, nim ara Yahudi nim emba unuwanalum an yub ek sunuwoka unulamlaʾ adya perob nenenggulusil, alda ganya dib senenaʾ nong adyok perobaʾ nenelesil.

2 KORINTUS 3:9

Nimi somoknaʾ bo lanalamla unuwanalum an yub enyek babya, senenggom dilinaʾ yebemok dara, eimik nim ak peldisinaʾ elegousukaʾ amba dara, hyak senenggom dilinaʾ ak ulumla.