ROMA 2:28 - PERJANJIAN BARU NALCA YUBA

²⁸ Anasa Yahudi nang enyaʾ anaʾ ara, nimek sam ak ok gom, anya bolaʾ garanaʾ anaʾ anaba, nim adya unulumaknya nek ok gom.

ROMA 2:28 Referans Kwoze

GALATIA 6:15

Nimi bolaʾ garanaʾ gom, orok gom ara, hnon dib nong unggulumla. Alda nimi wenyek nong unaʾ dolomakaʾ ak, hnonok dib nong ulumla.

MATIUS 3:9

Ugunda Abraham bera nu nang yilaʾ ak anasa, nunda obnesilaʾ ak ab blebdanamab senenggom, mem. Ban girik danyeb danyek, Imik Neyung adya Abraham nimi yilaʾ nenewanamso anyek, ugunda bekoka seiniwanalum!

WAHYU 2:9

Anak an yokaʾ-yokaʾ okna uboka ulunggelaʾ ara nara seleb ella ulumna. Anda bonaʾ garan ululamaʾ ara naba ella ulumna! (Bok saawoka anda aldib dubnya ululam.) Hnon nim era bisaʾ dubnya Satan alja bisaʾ mabo silibaʾ uboka, Yahudi nimi dibaʾ unaʾ orokjok, nunda Yahudi nim aldalamak nim edya anak an, geklewoka derewoka walasakaʾ ara nara seleb ella ulumna!

1 PETRUS 3:21

Ban youmaʾ unumokaʾ ara, sununaʾ dibaʾ ara wen an ugun blebsinaʾ damok ara, meka dalasak an. Ban meka dalasakaʾ adya, ugunja malya unaʾ ganya lomok ulusilaʾ nidyaʾ anyek doboka boloknenggulusak, alda ugunja Imik Neyung ak nara eimik saawoka hnon malya ub sounuwanggunumna, anya nenesa beknaʾ dibaʾ meka dalasak. Mek danaʾ adya nimi bleblesilnya nera, Yesus Kristus anyek malya unaʾ ak sam ab seleb somogoka suboka welewokaʾ adya ok bleblesil.

ROMA 2:17

Bok anda Yahudi nang abdangoka, Yahudi nim emba unuwanalum an yub ak kwebmouboka, Imik Neyung amba leboka habmerenga nonggo aldalalam.

YOHANES 1:47

Yesus adya Natanael oka yokaʾ eibuk dara, wenhyok, ”Israeli nang yokaʾ ara alan. Sondaʾ ara al lomok hyak unggulumla,” hyok.

EPESUS 2:11

Ugun Yahudi gom nim era, ugun nong ara, ”bolaʾ garawanggom nang” anaʾ ara, nim adya bolaʾ garalesikaʾ Yahudi nang edya dara, ugunuk wenyalasak. Dara, Yahudi gom nim o, anyek seiniwanalum. Nera nim adya ganya doboka nang era an wenyan beknaʾ beillilesik.