ROMA 2:11 - PERJANJIAN BARU NALCA YUBA

¹¹ Wera anera, Imik Neyung ara, hogunga ak kemewoka ununggululanya anasa, unuwanesil.

ROMA 2:11 Referans Kwoze

RASUL 10:34

Wera Petrus bedya leb einiwokja, ”Nara wenyok Imik Neyung adya nimi nidyaʾ mok soko nang era neik nang nenelesil ara wenyok ella dan.

GALATIA 2:6

Si sinaʾ nang edya dara, nak ara anda anyek yokaʾ-yokaʾ mekaʾ hnon unuwanalam aboka lebnenggubnyek. (Imik Neyung ara nimi hogunga perobaʾ malyaʾ anyek kemenggulusilnya bek anasa, sikda perob nang gom, malya nang gom ara, weboka seininanya nera, nak dara, dib nong gom.)

KOLOSE 3:25

Anasa, Imik Neyung ara alda nimi hogung ak kemewoka perob senenggulululanya anasa, meknelelanya bera, ban meknelemlaʾ damok sunuwoka dobnamla.

EPESUS 6:9

Dub nang dangoka ululum nang ek lebnesin! Ugunda neik so, ugunja wa oruknaʾ nang edya ugunuk arawoka welesak sok, onoʾ sikenek anaba, pe sunuwoka unulusululum. Yu ganya boboka baralaʾ seingim-seingim anaʾ ara, mem. Ugunub ugunja wa oruknaʾ nang eb dara, hiboka senenggom dubnya, Imik Neyung bera imik heikek ulumlaʾ ara, alak ok hnonok beklemnelum. Imik Neyung ara, nimi hogung ak kemenggululanya bek ulumlaʾ anyek, ugunda pe beklemnelum.

MATIUS 22:16

Anasa Parisi nim era, sikja yuba doro diriga ban nang hnon, Herodes bek sam ab nim hnon, Yesus ak sam bokek. Dara nim enedya Yesus ak, ”Neyung neklesilimnya o, neyung aldib ok unululamaʾ ara numba ella ulenjab. Neyung anda yuba neklesilim dara, nimi hogung ak keeboka neknenggulusilimikanya, yok nim edya perob seinilimaknya nera loboka, alda Imik Neyung adya senelamlaʾ anyek ok neklesilimaʾ anasa, pelelam.

LUKAS 20:21

Wenyaboka deknaʾ dekesik nang edya Yesus ak, ”Neklesilimnya o, neyung anja lelesilimaʾ ab, neklesilimaʾ ab dara, hyak dib nongaʾ ak lelelam. Anda nimi nidyaʾ lek senesinaʾ loboka, perobaʾ lelesilimaʾ anasa, Imik Neyung adya nim ek anaso unuwaseng senelamlaʾ anyek laga poboka neklesilimaʾ ara, ella ulumab.

1 PETRUS 1:17

Ugunda heng uboka mololyabenek ab dara, Imik Neyung ara nunjaʾ neyung aboka giblelum. Ban wenyalalum Imik Neyung enedya, nim adya hekaʾ unulumakaʾ ara, hnonok-hnonok nidyaʾ sunuwoka yana lelelesil. Anasa wera, ugunda sokok an anam ululum salek enera, Imik Neyung ak lok ganya boboka ulululum.

ROMA 9:14

Wera anaso dara, nunda hek henemab do? Dara Imik Neyung ara pe sunuwoka unuwanggubuk de? Hyak unuwanggunumso, orok!