ROMA 16:15 - PERJANJIAN BARU NALCA YUBA

¹⁵ Filologus, Yulia geb, Nereus beb, al hmal gel geb, Olimpas beb, munaʾ Imik Neyung mabo nidyaʾ sikeneblaboka ulumak nang eb, perob aboka gibsin.

ROMA 16:15 Referans Kwoze

ROMA 16:2

An lebnanya nera, anedya ugunda alak Wenelesilnya pik ganya gwelelek aboka, neikso yok munaʾ Imik Neyung mab emba arawoka ulumak sok, alda yokaʾ hnon doroweisinya senewanamla dara, arawoka ubnelum. Wera alda yok nang ek hnon, na nong ak hnon, hyak nauba seleb arawousuk anasa.

ROMA 1:7

Ugunda Roma heik ululum nimi nidyaʾ ara, wera Imik Neyung ara seleb wanaʾ ulusuukanya, ugunuk munaʾ Imik Neyung mabo danalum aboka youbosuk nim ek ara, wanaʾ uboka eleksinaʾ ab, perob dangoka pe namenaʾ unaʾ ab danyek, Imik Neyung bek ab hnon, nunjaʾ neyung Wenelesilnya, Yesus Kristus bek ab hnon, ugunuk arawoka bo ulusulul.

1 PETRUS 1:2

Neyung Imik Neyung bedya albeyok men seinimokaʾ sunuwoka, Imik Neyung Geisinya adya, alja geisa mabo nenelesilaʾ adya, ugunda Yesus Kristus ak pe keeboka unuwolulumaʾ aboka, Yesus eneng adya mek elegosululaʾ aboka, Imik Neyung adya ugunuk weboka dobsuk. Anara Imik Neyung amba ok munaʾ gobdo ulunokaʾ aboka ubsuk.

EPESUS 1:1

Ugunda Epesus heikek munaʾ Imik Neyung mabo Kristus Yesus ak doboka bojam ululum nim ek perob aboka gibsin. Imik Neyung ganya adyok seiniwoka, Kristus Yesus adya yuba lenaʾ gaknya nenewanyoknya, nara Paulus bedya,

ROMA 16:14

Asinkritus beb, Flegon beb, Hermes beb, Patrobas beb, Hermes beb, hemyabo nang sikeneb neikaʾ ulumak nang eb, perob aboka gibsin.

MATIUS 5:47

Imik Neyung ak elgom ulumak nim eneba unulumak bok anasa, ugunda ugunjaʾ hemyab ok perob aboka giboka ulumnelum dara, pelelum de?

RASUL 9:13

Bok Ananias bedya dara, ”Wenelesilimnya, o nara ban benesa nimi nauba alsamba, alja nimi munaʾ Imik Neyung mab Yerusalem heikek ara nauba oboka unulusil alamaknya bek anasa,” hyok.