ROMA 15:25 - PERJANJIAN BARU NALCA YUBA

²⁵ Bok nara wenera Yerusalem heik sik bonaʾ garan munaʾ Imik Neyung mab amba bonaʾ arawoka bo balamna.

ROMA 15:25 Referans Kwoze

RASUL 24:17

”Nara gibnaʾ wen Yerusalem heikek unggulumsa ara, onoʾ wenyok ara, nadya mok soko nim emba sikenek arasik bonaʾ enyek, boboka onoʾ Imik Neyung ak gibgiga yokaʾ-yokaʾ beil bunun aboka anasa Yerusalem heikek yeilimsa.

RASUL 19:21

Yokaʾ-yokaʾ nidyaʾ seleb unuru dakdomok dara, Paulus bera Makedonia moka binyekanya, onoʾ Akhaya mok eb ara, Yerusalem heikek binimna senen ganya bobok. ”Wera seleb ono sam byukuk ab dara, onoʾ nara wen Roma binimna,” hyok.

RASUL 20:22

Anasa wenyek dara, Imik Neyung Geisinya adya nak onolonel anyek bleknyek aboka, Yerusalem heikek binimna. Binya dara, nak hekaʾ unuwanenel ara, naba elgom bok binimna.

RASUL 20:16

Paulus bera Asia mok eb li salyaʾ maboka yeneb loblyek aboka, orowek pika bannya dara, Epesus heik pik bukgiga binggunumna senewoka gegemok. Paulus bedya dara, or perob dara, Yahudi nang perob sum Pentakosta yenewanggumlya bok, Yerusalem heikek men bisinya senen ulumok.

RASUL 18:21

Bok, onoʾ binimok sum era lebokja, ”Imik Neyung adya or helya dara, eimik onoʾ ugunuk saawoka yanasin,” hyok. Paulus bera seleb wenyabgogomok dara, mek ekla bunaʾ pik Epesus heikek ab ara, Antiokhia moka bununaʾ aboka lanawok.

GALATIA 2:10

Sikja dara, nimi bonaʾ denaʾ garan ulumak nim enyek, arawoka unulumnulum aboka, banyek ok moloweisik. Nadyaʾ anaba wa nera dib nong wa senewoka, hyak unuwanamna senemsa.

RASUL 9:13

Bok Ananias bedya dara, ”Wenelesilimnya, o nara ban benesa nimi nauba alsamba, alja nimi munaʾ Imik Neyung mab Yerusalem heikek ara nauba oboka unulusil alamaknya bek anasa,” hyok.

ROMA 12:13

Sik Imik Neyung mabo okna ubnesil dara, arawanalumukanya, an nong ak dara nara pik eboka, men arawounun senen ganya enyek sobaʾ bolomnelum!

2 KORINTUS 8:4

Sikja nuk, munaʾ Imik Neyung mabo Yudea sokok ulumak nim ek, numba hnon arawanamab aboka dukaʾ lolom-lolom aboka moloweisik.

2 KORINTUS 8:6

Ban unumek anasa, ugun gangganek sam hnon, Imik Neyung adya pe arawoka unulusilaʾ adya, neik unaʾ unulumnulum aboka, Titus bedya nek einimoknya nenyek webdaknamla aboka orugomouba.

IBRANI 6:10

Imik Neyung ara hyak pe sunuwoka eleklesilnya ulumla. Ugunja alsamba leboka, neik munaʾ Imik Neyung mab ek wanaʾ leblumukanya youmaʾ hnon aralelumaʾ ara, onoʾ wen hnon aralesulumaʾ amba dara, Imik Neyung ara, ugunuk hiliknenggulusilaʾ ak ulumla.

1 KORINTUS 16:4

Naba neikaʾ banaʾ perob dalyaʾ eibnya dara, wera sikeneb neikaʾ bo binimab.