ROMA 15:15 - PERJANJIAN BARU NALCA YUBA

¹⁵ Bok Imik Neyung adya wanaʾ uboka eleksinaʾ anyek, nak seleb eleganyoknya nenesa, nara or ono sam gom, anasam gom, ugunuk hnon an wenyamsaʾ anyek ella ublulum aboka, asaʾ gebdangoka momnya doboka an seleb beibsisa.

ROMA 15:15 Referans Kwoze

ROMA 12:3

Nak wanaʾ uboka eleksinaʾ damok enyek sunuwoka, nara ugunuk nimi yok-yok wenyhenemna, Ugunda ugun seiniwoka unuwanasomnya nera hwiboka, hyak senenggom imik unuwanggunusomnya nenyek seininggom, mem. Bok ganya onoʾ yok so uboka pe seinililulum, wera anedya ugun nong ara, ban Imik Neyung adya nimi yok-yok eleklesilaʾ, ganya dib senenaʾ pik uboka, yokaʾ ak ganya sobaʾanya senewanalum.

1 KORINTUS 15:10

Bok, Imik Neyung adya wanaʾ uboka eleksinaʾ nong edya, nara wera an seleb wen ulumna sok dasa. Imik Neyung adya nadya unulamsa malya unaʾ doboka boboganyokaʾ ara, salyaʾ lelem ub lobnenggubnyok. Nadya yok yuba lenaʾ nang era, nauba so ununaʾ orok bok, nak danyek nauba yeiriwoka welemsa. Bok, nera nadya ok wenggulumsa. Alda nenera Imik Neyung adya nak wanaʾ uboka eleksinaʾ elegenyokaʾ adya unumsa.

ROMA 12:6

Wera nunda nidyaʾ ara yok-yok perobnya nenyek, wanaʾ uboka eleksinaʾ sunuwoka elegousuknya nera nunjaʾ dangoka bo ulumab. Anasa ban yok perobnya ununumnaʾ lenaʾ amba elegesilya dara, wera nunda ganya dib senenaʾ adya sunuwoka ununumnaʾ pe lelemnemab.

ROMA 1:5

Dara al si pik ab uboka, nunda wanaʾ uboka eleksinaʾ ab, yuba lenaʾ gak wa dara, nidyaʾ yok-yok mok soko nim era yub ak ganya dib donaʾ pik uboka pe keboka, sikda alja si nek aldib senewanok aboka dobub.

1 YOHANES 5:13

Ugun Imik Neyung bedya me si nek dib senelelum nim ek, ban momnya doboka beibsin. Anadya ugunda dib embengaʾ ulmoubnaʾ ara seleb nunjaʾ ak ulusil senewoka ella dolulumaʾ aboka ubna.

2 PETRUS 3:15

Imik Neyung ara men yangganggulumlaʾ ara, nuk blebsununaʾ ubokaʾ senewoka ugunda ganya enyek, pe boblulum. Nunjaʾ hem be hiboka wanaʾ ulumabnya Paulus bedya ugunuk wenyaboka momnya doboka beibsuk. Alda ugunuk momnya doboka beibsukaʾ ara, Imik Neyung adya alak geremseng eleklelanya nedya ubsuk.

1 PETRUS 5:12

Nadya ban burum momnya donaʾ beibsinaʾ anara, Silas benya arawoka beibsinem. Nadya dara, Silas bera nunjaʾ hem be yuba donaʾanya bojamnya bek ulumla. Nadya ban weboka beibsinaʾ anara, Imik Neyung adya perobaʾ eleklesilaʾ dibaʾ anyek, ugunuk unuwaneseng senewoka, unuwanalumaʾ anyaʾ aboka beibsin. Ugunda ban unu eleklesilaʾ anyek pe salabmoubuka ulululum.

IBRANI 13:22

Dara ban nadya ugunuk wenewoka beibsin yub era, or burum anasa, hemyabo nim o, nara ugunuk wenewoka wenyhenesinaʾ ara ban yub era hyak ugunja ganya siklewoka kelululum.

TITUS 3:1

Wenewoka bo usin nang ek hnon, senenggom dub nang ek hnon, pe giboka yuba kelemunukanya, onoʾ perobnya nera, sobaʾ yeng ganya boboka unulululum aboka, anja yuba dolomak nim ek pe wenelesilom.

2 TIMOTIUS 2:14

Ban nidyaʾ lebnanya nera, nim ek pe unululum aboka wenewoka bekellilisilom. Anya onoʾ, Imik Neyung saramek sam ab, mek yok-yok seininaʾ ok adya waldalamaknya nera, mem aboka wenelesilom. Nera perobaʾ nenenggulusil, alda kelemak nimi ganya malya nenelesilaʾ ok.

2 TIMOTIUS 1:6

Ban nenesa leboka, nadya anak soruka diyiwoka heng uboka yuba lelelom aboka lenggesa sum enyek, Imik Neyung adya anak elegenjoknya nenyek nauba nenelelomaʾ aboka, gokoka neklenggen.

1 TIMOTIUS 4:6

Ban nidyaʾ lelenanya nenyek, nunja hemyabo yuba dolomak nim ek, pe neklesimen dara, wera anda Yesus Kristus adya perob wa wenya dangamenaʾ adya ulumenja. Onoʾ nunja dib senelemabnya, Imik Neyung bedya alja yub edya, anja ganya ek lulungaʾ hmobdangoka anja wen an neklenjakaʾ doboka ululam yub ek an, sunuwoka ulumen dara, perob wa wenya ulumenja.

GALATIA 2:9

Wera Imik Neyung adyaʾ wanaʾ uboka eleksinaʾ enera, nak eleganyokaʾ ak eibek dara, Yakobus beb, Petrus beb, Yohanes beb dadya dara, sikda yuba lenaʾ gak dub nang ulumekaʾ anasa, nab Barnabas beb soruka salawoka gibdanggogowouba dara, wera anara nunda neikaʾ kwebdangoka, ugunda Yahudi gom nim ek welemnerum bok, nuk dara, Yahudi nim ek welemnemab aboka ububa.

1 KORINTUS 3:10

Imik Neyung adya nak wanaʾ uboka eleksinaʾ edya wera, nara e sonya beneso uboka, nadya men e igimsaʾ ak ara, yok nanga makoka solomak. Bok, nimi nidyaʾ ara, nadya egomnaʾ igimsa ak, hekaʾ huboka sobnamna do senewoka pe kendenemso.