ROMA 13:7 - PERJANJIAN BARU NALCA YUBA

⁷ Anasa anda nidyaʾ yok nang ek anja deklemnelamnya nera, yokaʾ amba leboka dololanya bek, wera yokaʾ amba leboka deknaʾ benyek an deklelom. Mok soko amba dara, mok soko amba donaʾ geknewanalanya bek an deklemnelam. Lok ganya bonaʾ amba dara, lok ganya bonaʾ geknewanalanya bek deklemnelam. Gibnaʾ amba dara, gibnaʾ amba donaʾ geknewanalanya bek eleklemnelam.

ROMA 13:7 Referans Kwoze

LUKAS 20:25

Yesus adya sikenek lebnesukaʾ ara, ”Anaso ulumlaʾ ak eiblum dara, dubnya bedyinya nera, dub nang elegolulum, Imik Neyung adyinya nera, Imik Neyung ak elegolulum,” hyok.

MATIUS 17:25

Wenyek Petrus bedya sikenek, ”Beillilamlaʾ aja!” hyok. Wera Petrus bera ek balamok enyek, Yesus adya alak, ”Simon, anja dara, hekaʾ senelam do? Sokok an dub nang edya dara, rupiah bonaʾ amba garanaʾ gom, mok soko amba deknaʾ gom ara, hek nim ek ab dub nang era dolomak do? Heik yokaʾ nim edya gom, sekel yanggan nim edya gom?” aboka heibok.

1 TIMOTIUS 5:17

Ugun yuba dololumaʾ ak pe weboka bo usin nang ek ara, ugunja li penya so sikenek ganya hek elegoka gigilelulum. Nauba so ara, Imik Neyung yuba yeiriwoka nekoka, lel eleklesak nang enyek anaso pe unulululum.

MATIUS 22:21

Wenyek sikja, ”Dubnya Kaisar benyaʾ,” hyek. Dara Yesus adya sikenek, ”Anasa wera ugunda dubnya bedyinya nera dubnya bek eleganalum bok, Imik Neyung adyinya nera Imik Neyung ak eleganalum,” hyok.

EPESUS 6:5

Hemyab ugun nim edya wa welelum nang ek lebnesin. Ugunjaʾ neyung yabo dangalamla nang edya yuba pe kelelulum. Ugunda yuba keboka wa webnemun dara, Kristus amba welemna senen ganya boboka, ganya hyak dib goluwoka, lok ganya boboka bleknyek senewoka pe welelulum.

1 PETRUS 3:7

Onoʾ neik so ugun nengmab ak dara, ugunja gelewa ek anaso nim ek ulumla senewoka ella dangoka ulululum. Gelewa ara sikda hmengaʾ yakaʾ ak ulumak senewoka, ugunda sikenek perobaʾ leboka pe unulululum. Ugun nengmab ab neikaʾ Imik Neyung adya embeng unaʾ ara dolomab senewoka sikenek pe unulululum. Wera ugunja molonaʾ era okna dabsilyek anasa, ban nidyaʾ unulululum.

1 TIMOTIUS 6:1

Nunja Imik Neyung si ak hnon, nunja neklesab yub ek hnon, nim adya malya neneweisijik aboka, nidyaʾ yok nim edya ek uboka wa welemun nim ek sikenek wa oruklesak nim ek, sikenek perob senewoka ganya sokok nenebdangoka gigilinok.

EPESUS 5:33

Bok onoʾ Imik Neyung yuba wenyalamlaʾ ara, ugunsamba hnon lelemlaʾ ara ban: Nenya ara al damnya wanaʾ uldalamla sok, alaʾ gel ak wanaʾ ululul; dara onoʾ gel ara alaʾ nenya ak, nadyaʾ dubnya senewoka giblelul.

LUKAS 23:2

Bo biniboka wera sondaʾ amba miniwoka Yesus ara unulamla-unulamla aboka yana kiboka lelemek. Anya sikja dara, ”Ban benera nunda Yahudi nimi sokok an malya nenelesilaʾ ak eillilemabnya bera an,” alamek. Alak danyek, ”Nara Kristus dubnya ulumnaʾ, alamlakanya, Kaisar dubnya bek ara ugunja dara, rupiah eleknaʾ ara mem, aboka yuba seklamla,” aboka lelemek.

MARKUS 12:17

Anasa, Yesus ara sikenek lebsukaʾ ara, ”Wera anasa, Kaisar dubnya wenesinya bedyinya nera, dubnya Kaisar bek elegolulum. Anya, Imik Neyung adyinya nera, Imik Neyung ak elegolulum,” hyok. Dara sikda alja wenyaboka neksukaʾ anyek, sikda hyak loka dabsuk.

1 TIMOTIUS 5:13

Onoʾ hnonda nenyek ok gom, alda hnonda neikaʾ ak uldabnaʾ loboka, nim edya ek sam wele goluga unaʾ anasa, loblom. Hyak nauba omomaʾ loksonya nera, yuba miniwoka bol giriknaʾ hnon, yub era sabnenggom yuba bok, meka lelewoka len yuba hnon, yok nim ek bera unulamla aboka salyaʾ hmouna doboka sal giriknaʾ yuba hnon lelemak. Sikenek nera ugunja unuwanalum anaʾ orok wa bok, sikjok salyaʾ welemak.

LUKAS 20:22

Anasa nunja yuba donaʾ ak sam lelemlaʾ sunuwoka unuwanalum wenyhenesilim, soko dubnya Kaisar bek ara, mok soko amba dara rupiah or deknesibya gom, orok gom?” aboka heibek.

ROMA 12:10

Ugunda nadyaʾ hem senewoka wanaʾ uldalamunukanya, perob aboka gibildanaʾ ak dara, anja hem bek men nonokdangoka gibildalamnelum.

ROMA 13:6

Dara an ganya en bololum adya ugunda sikja mok soko yok-yok amba deklemnelum alamaknya nera keboka deklelum. Wera anera sikda ban wa nen memewoka welemak nang era, Imik Neyung ak welemak adya unululum.