ROMA 11:14 - PERJANJIAN BARU NALCA YUBA

¹⁴ Wera anedya nara nim ek sam dara, nadya mok soko nim ek sikja ganya soloma gebnesisinya adya, sikenek nimi wene nimi hnon blebnesisinya.

ROMA 11:14 Referans Kwoze

1 KORINTUS 7:16

Ugun Imik Neyung yuba dololum gelewa edya dara, anja dara, nadya nenya era, Imik Neyung ak bleboka bo yanamna gom, orok gom ara, ugunda elgom ululum. Anasa onoʾ, ugun Imik Neyung yuba dololum nengmab edya dara, neikik nadya gel gera bleboka bo yanamna gom, orok gom ara, ugunda elgom ululum.

1 TIMOTIUS 4:16

Anja unulumenaʾ hnon, anja neklesimenaʾ hnon ara, an moumen anaba pe keebmoubdangoka unulumnelam. Ban nenyek pe unulmorulemen dara, an dam nang hnon, anja yuba kelenjak nimi hnon, nidyaʾ blebnesil.

TITUS 3:5

Alda nuk blebsukaʾ ara, nunja alak perobaʾ ak unumouba amba blebnenggubsuk bok, alda alja men nuk angoo yadyek senewoka arasinaʾ adya ok blebsuk. Imik Neyung Geisinya adya dib embengaʾ damok ab, penya beilinaʾ ab dara, nuk elegoka mek elegosukaʾ adya blebsuk.

2 TIMOTIUS 2:10

Wera anasa, ban nenesa leboka, Imik Neyung weboka gaboka dolosil nim enyek, sikda Kristus pik uboka eleklesil blebnaʾ damok hnon, anya sikenek si imik nenesinaʾ damok anaba, dobnokaʾ aboka, onoʾ nara yokaʾ-yokaʾ ara igina kweboka goululumaʾ aboka gweklamna.

1 TIMOTIUS 2:4

Imik Neyung alja hnonok senelamlaʾ ara, nimi nidyaʾ ara blebsinaʾ damoka doboka dib yub ara nidyaʾ ella danok senelamla.

1 KORINTUS 1:21

Imik Neyung nidyaʾ ella ulumlaʾ adya, nimi soko nim era hyak yokaʾ-yokaʾ nauba ellaʾ anaba, sikja ella unaʾ edya dara, nak ella danggunuseng senemookanya, nunja lero yabalamab yub era, nim adya malya yuba senelemak bok, ban adya nak dib senelemak nim era, blebnesin senewoka perob senemok.

ROMA 11:11

Dara nara heibnesin: Sikda ouluka dibek anasa malyingginimak de? Hyak orok nong! Bok sikja meknenaʾ enesa, sikda soloma dabsulul aboka, blebsinaʾ damok ara yok mok soko nim ek byuk.

YAKOBUS 5:20

ugunda ban yub enyek seiniwanalumaʾ ara, Nimi malya unaʾ pik balanabok doboka perobaʾ ak sam beil yalalanya bera, malya ulumna nong unaʾ hnon bleboka, onoʾ somoknaʾ ak ab bleboka dolomlakanya, wera dololanya bedya malya unaʾ nauba doboka boloklamla. Nara Yakobus bedya gibsin e.

ROMA 9:3

Anya nara nim unaʾ sam ak dara, nadya mok soko nimi nang yilaʾ amba leboka, nara malya nenebdanakanya, nadyaʾ hemyab amba, Kristus bek ab, yok gebdonun senelamna.

PILEMON 1:12

Nadya ban hyak wanaʾ ulunanya bera, wera anak sam saawoka bokol yagen.

ROMA 10:19

Bok nara heibnesin: Dara Israeli nim era anyek lel yabel senewoka dobek de? Musa bera hyak men wenhyok, ”Nunja nim gom bok, ugunda siksamba leboka ganya angoo senewoka oka dusulul aboka, nadya ugunuk ganya en gebnamnakanya, ugunda yok elgom mok soko nim ek wablulumaʾ aboka, yu ganya nenewanasin,” hyok.

1 KORINTUS 10:33

Ugunda naba ulumna sok, ugumba unu ulululum. Nara nak pewonululaʾ aboka ununggulumna. Alda yok nim enyek, yokaʾ-yokaʾ nidyaʾ ak ganya sangillilisununaʾ aboka ulumna. Ban nadya nidyaʾ unulunanya nera, nimi nidyaʾ blebsululaʾ aboka ulumna.

1 TIMOTIUS 1:15

Ban yuba nong enyek, hyak dib nong anasa, doboka dib senewanamakaʾ ara ban: ”Yesus Kristus sokok an yeilimokaʾ ara, malya unaʾ nim enyek blebsununaʾ aboka yeilimok.” Dara sik unulumakaʾ gangganek ara, na nong anyek hyak okoka yu hwam malya unaʾanya bek ulumna.

2 TIMOTIUS 1:9

Imik Neyung adya nuk bleboka doboka, nuk geisa ulunokaʾ aboka youbosuk. Imik Neyung adya ban unuwosukaʾ ara nunja yoknya nek pe unumoubaʾ amba ubnenggubsuk. Alda alja wanaʾ ulusukaʾ orowek unuwanamna senemokaʾ ak sunuwoka ubsuk. Ban soko en anam uyiwanggom salek enyek, Yesus Kristus pik uboka, alja wanaʾ unaʾ ara, nuk seleb elegesuk.

IBRANI 1:14

Wera anaso dara, lero nang era, dib nongaʾ ara hek nang ek ulumak do? Lero nang ek dara, sikda Imik Neyung bedya wa welemak nang ek uboka, nim Imik Neyung adya blebnamla nim ek ganya arasinaʾ amba ulumak nang ek ulumak.

IBRANI 2:3

nunda senenggom blebsinaʾ damok ek, dolbaleka gebnesibya dara, igin eleknaʾ lobnesusu de? Ban blebsinaʾ damok enera, Wenelesilnya bedya men leb elegesuukanya, alak ab kemek nim edya, nuk aldib an beknaʾ elegesik.