ROMA 10:15 - PERJANJIAN BARU NALCA YUBA

¹⁵ Sikenek hnon yuba bo ban nang enyek orok dara, alsamba yub era hekaʾ uboka leb eleganaseng do? Wera anesemba leboka momnya dobokaʾ ara, ”Sikda perob lero yanggan yuba bo yalamak nang enyek yalamak dara, hyak perob nongja!” wenyaro momnya webok.

ROMA 10:15 Referans Kwoze

EPESUS 2:17

Ban nenesa leboka, ugunda Imik Neyung al ara mok geboka ululum Yahudi gom nim ek hnon, Imik Neyung berem ulumak Yahudi nim ek hnon, Kristus adya perob lero yanggan heknaʾ yub era, ugunuk lel elegel yousuk.”

EPESUS 6:15

Imik Neyung adyaʾ perob lero yanggan yuba, ganya heklamlaʾ anyek, lero yabalemnamna senenaʾ anyek, ugunja ganya ak yan ongonaʾ dibaʾ ongowoka ulululum.

EPESUS 3:8

Nimi munaʾ Imik Neyung mab ulumakaʾ gangganek ara perob nim ek ulumak bok, nak dara, hyak meilinya bek ulumna. Bok anyek babya, Imik Neyung adya aljaʾ perobaʾ eleksinaʾ ara nak eleganyokaʾ ara, Kristus adyaʾ nidyaʾ olowoka ella damenggom ununaʾ yuba ugunda Yahudi gom nim ek lel eleknaʾ wa nek hnonok eleganyok.

1 PETRUS 1:12

Imik Neyung adya ununumnaʾ lelemek nang ek ara, ugunsamba leldanggululum, alda eimik ulumnemak nim emba lelelum aboka nekesuk. Anara ugun wen an Imik Neyung yuba len nang ek ab, Yesus Kristus amba yuba kelelumaʾ anyek lelesik. Sikja ugunuk lero yalasikaʾ ara, Imik Neyung Geisinya adya, imik heikek abaʾ ara, eleklesilaʾ anyek ugunuk lelesak. Dara, lero nang edyaʾ anaba, sikja lelesak yub era ella danob senewoka dulumak.

YOHANES 20:21

Dara onoʾ, Yesus adya saaboka lebsukja, ”Maly, lok ganya bonggom. Neyung bedya nak sokok sam bokol yeilinyok sok, nadya ugunuk Imik Neyung yuba lero balalulum aboka boksin,” hyok.

RASUL 22:21

Bok Wenelesilnya bedya nak saawoka lebnyok ara, Nadya anak hyak mok Yahudi gom nim ek bilom aboka orugenggen anasa, or bilom, anyok,” hyok.

RASUL 13:26

”Wei, hemyab o, Abraham nang yilaʾ hnon, onoʾ yok nang bok Imik Neyung ak lok ganya boboka anyagan longolum nang nidyaʾ ak lebsin, Ban Imik Neyung adya nim embengaʾ blebsin yub ara, nuk bokol yeilisuk.

RASUL 9:15

Bok Wenelesilnya bedya Ananias bek, ”Anda or bilom e,” hyok. ”Nadya Saulus bek, nak aralenulul aboka, nadya yub enyek Yahudi gom nim ek hnon, mok soko dub nang ek hnon, alja mok nim Israeli nim ek hnon, leb elekdo yibilul aboka, nadya gaboka domna anasa, anda or alak bilom.

LUKAS 10:1

Onoʾ yok sum era, Wenelesilnya Yesus ara, nimi yok yuba len nang denga penya uboka ebdobnya goklomdaraʾ badya nang era penya-penya yandara nang uboka, yok-yok heikek al yibinemok heik me nidyaʾ heikek binilum aboka boksuk.

LUKAS 8:1

Nen seleb dara, mandewal henggonggom Yesus ara nauba heikek abaʾ ara hnon nauba heikek uboka, onoʾ mek heikek abaʾ ara hnon mek heikek sam, Imik Neyung adya wera seleb wenelemnesil aboka, perob lero yanggan yuba leb elekgiga yabalamok. Dara aljaʾ obadya yuba doro diriga ban nang eneba alab neikaʾ yabalamek.

LUKAS 2:14

”Senenggomaʾ perobaʾ ara, Imik Neyung hyak imik ululanya bembakanya, ganya hekoka namenaʾ pe unaʾ ara, sik sokok an alak urumuk dangalamlya nim emba ulumnamla,” wenyaro giblemek.

LUKAS 2:10

Bok lero era sikenek, ”Nara nimi soko nimi nidyaʾ amba ganya hekoka eiya dabnesil yub ek ugunuk wenyhenesinaʾ anasa, ugunda lok ganya bonggom mem.

MATIUS 9:38

Anasa wa damnya bek, gwaneng nonga yongon nanga bokol yousululaʾ aboka, mololelulum,” hyok.

RASUL 10:36

”Hem yab o, Israeli nim ek Imik Neyung adya lesuk yub era ugunda seleb ella ululum. Ban lesuk yub era, Yesus Kristus adya ganya hekdangoka un yub ek lebsuk. Ban Yesus ara nimi nidyaʾ siksamba Wenelesilnya ulusil.

ROMA 1:15

Wera ban nenesa, ugun Roma heik ululum nim ek, nara perob lero yanggan yuba era leb elegesisinya senelamna.

ROMA 15:20

Anya ban yub en lero yabalamsa dara, nara nadyaʾ perobaʾ anyaʾ senelamsaʾ ara, Kristus si seleb ella unggulumeija nang mok soko era, yok nang edya seleb yangameija damok enyek, onoʾ nadya sounuwoka an eilib sob siklewanyek aboka, sikja mok heik era lelemsa.