ROMA 1:4 - PERJANJIAN BARU NALCA YUBA

⁴ bok Geisinya bedya geisa migib enedya, alja somoknaʾ gangganek ab suboka embengaʾ bukuk anyeb, alda Imik Neyung me hyak migibnya, nunjaʾ neyung Wenelesilnya, Yesus Kristus ulumlaʾ laga nenebdokaʾ ara an.

ROMA 1:4 Referans Kwoze

IBRANI 9:14

hyak nauba ara Kristus eneng ara, nauba so unulusil. Kristus ara, hyak sobaʾ ulumla Geisinya pik uboka, alja nong enyek Imik Neyung ak, mekaʾ diligaʾ orok pam enesoʾ anyek, beibdok. Anedya, Kristus alja eneng edya, nunja ganya salyaʾ hwam ununaʾ ak ab, Imik Neyung embengaʾ ululanya bek giboka welenokaʾ aboka, geisa nenelesil.

2 KORINTUS 13:4

Kristus nong anyek, hmengaʾ lomok, oboka gal ak glabemek bok, wera Imik Neyung migib adya ulmorulamla. Numbabya Kristus lomok uboka hmeng ulumabjok, ugunuk an wa welemnesab anasa, Imik Neyung migib adya Kristus ablaboka ulumnamab.

2 PETRUS 1:21

Nera Imik Neyung yub ara, hnon nim adya ok salyaʾ ganya doboka lebnesinya senewoka lenggulumek. Bok, alda Imik Neyung Geisinya anyek, Imik Neyung yuba leblulaʾ aboka, nimi ganya ak wekemok nang edya lelemek.

1 PETRUS 1:11

Kristus aljaʾ Geisinya sikjaʾ ganya lomok an ulusuukanya, al Geisinya adya Kristus ara hekaʾ huboka somogoka, eimik era al nong ak imik nenewanamokaʾ anyek unuwanamla aboka sikenek lelesuk. Dara hekaʾ huboka, hek sum ek dib gigiwanamlaʾ ella danob senewoka dulumek.

ROMA 1:3

Alja me nek dara, nim ek sam dara, Daud nang yilaʾ ak ab beibek;

RASUL 3:15

Alda nim embengaʾ unaʾ dubnya bek, ugunja dara, seleb oblum bok, Imik Neyung adya seleb somoknaʾ ak ab suboka bukiyimok. Unumoknya nera, nunja henga yokaʾ adya okoka kaboka eiyimoub nang nunda an.

RASUL 2:32

Dara, al ban Yesus benyek, Imik Neyung adya somoknaʾ ak ab suboka embengaʾ bukiyimok. Dara, ban unumok ara nunja okoka ok eiyimouba,” hyok.

RASUL 2:24

Bok Imik Neyung migib adya Yesus ak nimi somoklomakaʾ gangganek ab, suboka embengaʾ bukiyimok. Alda somoknaʾ lomok sam unggulumnamso anasa, somoknaʾ damok adya doboka menegemok bok, Imik Neyung adya henga loboka blebiyimok,” hyok.

WAHYU 19:10

Wenyek, nara al yan berem oumuwoka gibnunaʾ ul yabasa bok, alja dara, ”Anaso ununaʾ ara mem! Nababya anaso uboka, an kabo Yesus ak laga lemok yub ek salawoka ulumak nang eb, neik wa wen nang ulumab. Alda Imik Neyung ok giblelom!” wenyhenyok. Anasa Yesus ak laga lenaʾ ara, ununumnaʾ len ganya era an.

WAHYU 1:18

Nak danyek, embengaʾ ulmorulunanya bera an! Nak dara, seleb somogasebok, wera nara hyak sobaʾ ulmorulumnamna. Nara somoknaʾ amba dubnya uboka, nimi soko nimi somoknaʾ heikek amba dara, nara pik baknaʾ salananya ulumna.

RASUL 17:31

Anasa wera, Imik Neyung adya nimi nidyaʾ soko ak ulumaknya nenera, pe jong yana lelewanesin senewoka seleb li orowek gegewoka dibuk. Ban unuwoka yana lelewoka ubnesilnya bera orowek Imik Neyung benedya unuwanamla aboka gegebok. Dara, nimi nidyaʾ anara dib senewoka ella danokaʾ aboka dara, nimi somoknaʾ ak ab sam, bera seleb embengaʾ suboka bukiyibok,” hyok.

MATIUS 4:3

Dara Iblis adya Yesus ak yeiniboka, ”Anda Imik Neyung me ulumen dara, banyan girik danyek gwanenga nenewanelam,” hyok.