ROMA 1:14 - PERJANJIAN BARU NALCA YUBA

¹⁴ Dara, Yunani nim gom, Yunani gom nim gom, sekolah dorob nang gom, dobnenggom nang gom, sikinek bol lonaʾ dangalanel bok ulumna.

ROMA 1:14 Referans Kwoze

KOLOSE 3:11

Ban nenyek dara, Yunani Yahudi nang gom, bolaʾ garaweknya oroknya gom, yu hwam nang Skit nang gom, wa wenya oruknanya gom, ban wenyaboka si singgulumak bok, Kristus ara ban nidyaʾ amba damok ulusilekanya, alda sik nidyaʾ lomok ulusil.

RASUL 9:15

Bok Wenelesilnya bedya Ananias bek, ”Anda or bilom e,” hyok. ”Nadya Saulus bek, nak aralenulul aboka, nadya yub enyek Yahudi gom nim ek hnon, mok soko dub nang ek hnon, alja mok nim Israeli nim ek hnon, leb elekdo yibilul aboka, nadya gaboka domna anasa, anda or alak bilom.

RASUL 22:21

Bok Wenelesilnya bedya nak saawoka lebnyok ara, Nadya anak hyak mok Yahudi gom nim ek bilom aboka orugenggen anasa, or bilom, anyok,” hyok.

ROMA 12:16

Ugunda hnonok ganya seininaʾ ok boboka ulululum; ugunda unuwanggunusomnya hyak imiknya nenyek seininggom, mem. Bok anja ganya era or sobnya domdigumnya nek an doro dilililom. Na nong ak hyak geremseng nong seneldanaʾ ara hyak mem!

ROMA 16:19

Ugunja pe keboka unululumaʾ anyek, an unu ulumak an yub era nimi nidyaʾ ara kelemak. Wera anasa, nara ugunsamba leboka, hyak eiya dablenel. Bok nadya senelenanya nera, ugunda perobaʾ amba dara ganya pe ella uboka, malyaʾ ak dara sembejaʾ orokaʾ anyek ulunok senelamna.

ROMA 13:8

Ugunda yokaʾ-yokaʾ bol lonaʾ ara hyak mem. Bok ugunda yok nang eb wanaʾ uldalalulum. Wera anasa heknedya alaʾ nim ak wanaʾ ulusil dara, alda Yahudi nim emba unuwanalum an yuba beknaʾ sunuwoka unulamla.

ROMA 8:12

Anasa hemyabo nim o, nunda nim ek del lonaʾ nang ek ulumab, bok nimi ganya ok denaʾ sam ak gom, anedya nimi malya unaʾ ganya ak sunuwoka unggulumnemab.

ROMA 1:22

Sikda geremseng uboka, pe ulumna nang enesoʾ seneldalamek bok, sikda hyak dongdang anaʾ hwam nang dangamek.

TITUS 3:3

Anya wera, nunda numbabya youmaʾ dara, yuba blekoka dongdang anaʾ ak ulumouba. Nunda youmaʾ dara, bob nenewoka lelesiikanya yok-yok ganya seininaʾ edya hnon, yokaʾ-yokaʾ unuweisinya senen ganya edya ok goluwoka malya ulumouba. Nunda yu hwam ok uboka, hmana lebdangoka, hyak lek senebdangoka ulumouba.

2 TIMOTIUS 2:10

Wera anasa, ban nenesa leboka, Imik Neyung weboka gaboka dolosil nim enyek, sikda Kristus pik uboka eleklesil blebnaʾ damok hnon, anya sikenek si imik nenesinaʾ damok anaba, dobnokaʾ aboka, onoʾ nara yokaʾ-yokaʾ ara igina kweboka goululumaʾ aboka gweklamna.

2 KORINTUS 10:12

Nunda perob aboka nonggo aldalamak nim ek, neikaʾ maknenggunusibya. Onoʾ sikja ununaʾ hnon, nunja ununaʾ hnon, anaso-anaso aboka webnenggunusibya. Sikda sik nong ara, anaso nang ek ulumab aboka sunubdangoka, sik nong anyek nunda hekaʾ anasoʾ ak ulumab aboka makaldalamak. Dara sikda ban unuldalamaknya nenedya dongdang alamak.

1 KORINTUS 14:16

Dara, anja ganya adya Imik Neyung ak perob aboka mololemnelam bok, yok nim edya anja mololomenaʾ ara, yok yuba saboka mololemen adya kebnenggublya adya, anja mololemen molonaʾ ek hekaʾ huboka perob henemso do?

1 KORINTUS 14:11

Bok, nimi ben hnon nak yuba sab onowananesobok, elgom ubnesinya dara, wera nera, mok soko nimi moumen ulusinim.

1 KORINTUS 3:18

Nimi ben hnon, al damnya bol neneldanggom. Onoʾ nimi ben hnon ugun gangganek ara, nara yokaʾ-yokaʾ nauba el nong seneldalamla dara, Imik Neyung adya alak yok geremseng hwamnya nenewonululaʾ aboka, wenera dongdang anaʾ anyaʾ dangoka ululul.

1 KORINTUS 2:13

Anasa wera, nunda yok-yok Imik Neyung yub era, Geisinya aralesilaʾ adya sunuwoka lelemab. Dara, nim adya ella dangalamak ganya seininaʾ geremseng enyek lenggulumab bok, Imik Neyung Geisinya nuk neklesilnya nenyek lel eleklemab.

ROMA 11:25

Hem yab nang, wera anedya ugunda nunugok hyak ella ulumab senewoumunuk anasa, ban damok enyek ugunda ella doululum aboka, nara wenyhenesin: Israeli nang era sikja ganya hyak gasa adya, yok mok soko nim enyek hyak nauba wekel yok.

RASUL 28:4

Wera sik ulumek nim era, Paulus bedya soruk ak sam bagaʾ hnon doldol yabok ak eiyimek dara, sik moumen lebdangdobekja, ”Ban benera alda mek ekla bunaʾ ak ab si denaʾ orok ubokaʾ lobok ab dara, nunja yana lelesinaʾ bisaʾ dubnya bedya alda or ululul aboka yeboka lobnenggubla anasa, alda aldib nim olesilnya be nong ara alan,” aboka lelemek.

RASUL 28:2

Malta sokok an ulumek nim era, nuk hyak perob senewoka pe arawoka ulusik. Wera moka nauba bliboka onoʾ saragenaʾ ul yabasuk anasa, anyagan heik yokaʾ nim edya uka lolowoka ul yabasik.

LUKAS 10:21

Dara ban neik salek Yesus anaba, alda ei-ei ganya bomokaʾ ara, Imik Neyung Geisinya adya deknemokaʾ adya umok. Anasa Yesus adya dara, ”Neyung, Wenelesilimnya o, anda soko ab im ab dubnya ululam! Nara anak perob aboka gibgenaʾ ara, ban nidyaʾ unulusilimaʾ ara, geremseng nang eb, yokaʾ-yokaʾ ella danganaʾ dolomak nim ek ara gunuweisinjok, alda mek so nim ek anyek laga nekoka amalesilimaʾ anasa gibgen. Ban unululamaʾ ara, anja ganya adya uboka, perob senelelamaʾ anasa perob,” hyok.

MATIUS 11:25

Ban sum enyek, Yesus adya heng uboka molowanamokaʾ ara, ”Neyung o, anda im ab soko ab dara, anja uyilum! Ban unulumaʾ damok ara geremseng nim eb, yok-yok ella danganaʾ dolomak nim ek sam ara, anda doknowoka gunulumukanya, alda yokaʾ-yokaʾ ella danganaʾ orok nimi mek nang ek sam amalesilimaʾ anasa, nara anak perob aboka giblenggen.