RASUL 9:36 - PERJANJIAN BARU NALCA YUBA

³⁶ Dara onoʾ Yope heikek ara gel hnon, alja si nera Tabita gek ulumok. Dara, alda Yesus ak dib senewoka domok gel ulumok. (Alja si nera Yunani yub adya dara, Dorkas alamek, nera nunja yub era bei busaʾ pam alamab.) Dara, gel gera perobnya nok unuwoka, bonaʾ garan ulumna nim ek arawoka ulusuk.

RASUL 9:36 Referans Kwoze

TITUS 3:8

Ban lebna yub era hyak dib yuba. Nadya senelamnaʾ ara, ban seleb wenyhenya nenyek, yok nimi seleb Imik Neyung ak dib senelemak nimi nidyaʾ ara, perob wa nong enyek hyak duboka yeiriwoka welenokaʾ aboka, hyak nauba so pe neklemnesilim. Ban anaso unaʾ era, nimi nidyaʾ ak dara, perobaʾ ab perobnya neb danyek ulusil.

TITUS 2:7

Anda yokaʾ-yokaʾ nidyaʾ unulumenaʾ ak ara, yok nang edya diliwagenokaʾ aboka, perob ok unululom. Anda yuba neklesimenaʾ ak ara dib nong ok anyek, laga angawoka neklesilom.

IBRANI 13:21

ugunuk yokaʾ-yokaʾ perobaʾ ak alja senelamlaʾ sunuwoka unulunokaʾ aboka pe munaʾ lelewoka eleklesulul. Anya dara, alja perob senelamlaʾ ara Yesus Kristus pik uboka, nu lomok welesulul. Wera nidyaʾ senenggomaʾ perobaʾ ara al alsamba ok sobaʾ ulmorulul! Aldib, al unululul.

YAKOBUS 1:27

Imik Neyung adya nim ek yuba donaʾ ara, yuba pe dib senenaʾ ganya ab, neyung Imik Neyung bek dib senewoka bojam unaʾ damok alja perob senelelanya nera, genonga neyung orok mab ek pe arawoka, onoʾ nenya orokaʾ yamen nim unuruwaʾ oka kwelesil nim ek pe arawoka, sokok anyeb malya ub eleganelyek senewoka, pe diri uldalamak nim era pelemakaʾ ara an.

TITUS 2:14

Nuk malya unaʾ nidyaʾ ak ab blebsununaʾ aboka, al nong anyek nunsamba leboka elegosuk. Anadya wera alja mab ok nenewoka, malya unaʾ mekaʾ unggom nimi neniyiwoka, perobnya nenyek, yeng ganya boboka ulunokaʾ aboka, ubsuk.

EPESUS 2:10

Nu nong ak dara, Imik Neyung adya uyiwousukaʾ ara, Yesus Kristus pik uboka nu meewoka, alja orowek yokaʾ-yokaʾ perobnya nenyek unulumnemak senewoka gegewoka beibsuk nim ek ulumab.

RASUL 10:31

Dara, benedya nak lebnyok ara, wei Kornelius o, Imik Neyung adya anja molonaʾ ara kebgelekanya, wera anja yok nang ak eleklelam ara perob senewoka beklenggel.

1 TIMOTIUS 5:10

Gelewa danara ban lebna yub enyek, wera youk gelewa henelumaʾ ara, pe welemla senewoka ella ulumeija dara, alja mabo pe bong-bong aboka weiboka nellilimlya dara, aljaʾ ek yalameija nimi perobaʾ leboka doro diyiwoka, yuba dolomak yok nim ek arawoka, unuruwaʾ garana ulusil nim ek arawoka, nidyaʾ perob wa nenyek dib ganya goluwoka bojam welemeija gelewa enyek, wera or youk gelewa henelumakanya, momnya dobnelum.

1 TESALONIKA 4:10

Al dib, ugun kabo nimi Makedonia sokok ulumak nimi nidyaʾ ak wanaʾ ulusulum. Bok, hemyab o, nauba so unul sounululumaʾ aboka dukaʾ lolom-lolom alasab.

PILIPI 1:11

Dara, ugunja nong unaʾ enyek, perob unaʾ adya ok, Yesus Kristus adya pe deknelesilya dara, wera Imik Neyung si ak imik nenewoka, alak sobaʾ giblemnemak.

YOHANES 15:8

Ugunda doka nauba molumnesil dara, nadyaʾ neyung bedya si imik nenewoka, ugunda nadya yuba doro diriga ban nang dibaʾ ulumnulum,” hyok.

YOHANES 15:5

Nara gal nong ulumna. Ugunda, gal soruk ululum. Heknedya nak ulumnenelekanya, nara alak ulumnamna dara, alda doka nauba moulumnamla. Bok, na orok dara, ugunda yokaʾ-yokaʾ pe unuwanggunusom.

KOLOSE 1:10

Dara, alja senelamla anyek pe ella ubmun adya, ugunja ululumaʾ ara, al saramek ab dom digum ulumla adya or unu ulunok senewanemlakanya, yokaʾ-yokaʾ unululumaʾ nidyaʾ ara perob senewanamla. Nunda heng uboka mololosab ara, ugunda yok-yok perob wa weboka doka moulumnelumukanya, Imik Neyung ak ella danganaʾ nauba danggiga balalul aboka mololosab.

RASUL 9:38

Yope heikek ara, Lida heik ab dara, hyak oka, mok gom anasa, Yesus yuba doboka Lida heikek ulumek nang edya Petrus bera Yope heikek ulumla an yuba kemek dara, ban wenyaboka e yorurum aboka, ”Men hyak berra aboka yalom,” aboka el bururum aboka penya nang orugusik.

RASUL 9:42

Petrus bedya ban unuwoka hwemok yub era, Yope moka nidyaʾ oboka lelemok dara, anadya nimi nauba Wenelesilnya bek dib senemek.

RASUL 10:8

Wera Kornelius bedya alak hekaʾ huboka lemok anyek nidyaʾ nekoka lebgogomok dara, Yope heikek bululum aboka orugosuk.

RASUL 10:23

Wera, Petrus bedya, ”E nenyek an neikaʾ mabnemab anasa, or ek wekel yoululum,” hyok. Dara, maboka gwelegok dara, Petrus beb neikaʾ lanawoka balamek dara, Yope heikek ab Imik Neyung mab anababya neikaʾ bilimek.

RASUL 11:5

”Nara Yope heikek sam henga uboka mololamsa enyek, ononaʾ dib bo aawanyok ak eibsa. Dara al onoʾ ara akleng yuba dombadya gonggaragoka hnonok hiboka boksom akleng eneso ak, nara ulumsa ak sam imik ab ara doblinggemokaʾ ak eiyimsa.

RASUL 11:13

Wera danyek, Kornelius bedya alak Imik Neyung bedya lero be hnonja alja ek sam sekoka alak sam lemok yub era nak anaso unuwanyok aboka, nimi ben hnon si ara Simon Petrus benyek Yope heikek ulumla anyek, e yanok aboka nim orugeisilom aboka nak wenyaboka lebnyok aboka nuk nekesuk.

MATIUS 25:17

Dara onoʾ penenya rupiah doboknya beneba, neik so sounuwoka onoʾ yok penya rupiah dobok.