RASUL 9:33 - PERJANJIAN BARU NALCA YUBA

³³ Wera Lida heikek ara, Petrus bera, nimi hnon alda nonga heimokaʾ anyek malamok salek era, seleb gibnaʾ ara linbadya lemok ak, alja si nera Eneas alameknya beb neikaʾ ehwibdangarek.

RASUL 9:33 Referans Kwoze

LUKAS 13:16

Yo, anasa anyagan ara gela hnon Abraham nimi yilaʾ ak neiknaʾ salawoka Satan bedya goubmoruwok salek era, gibnaʾ sago daraʾ badya lebokaʾ ak ulumla. Al nong ara, Sabat mem sum era bleboka loboka hwebnenggunuseng de?” hyok.

RASUL 14:8

Wera Listra heikek ara, nimi ben hnon anam beiyimekaʾ wek ara moruwoka, li hnonok sirik anaba yabanggulumoknya yana heimoknya hnon ulumok.

RASUL 4:22

Dara, nonga heimokaʾ anyek Petrus Yohanes adya hwereknya bera gibnaʾ ara denga hnonok uboka ebdobnya mek badya anaso dangamok bok, meremok.

RASUL 3:2

Wera, Imik Neyung ek senenggom pik sindamak ara, perob nong pik aboka si silimekaʾ ak sam ara, nimi ben hnon anam beiyimek salek eb ara moruwoka nonga nidyaʾ heimoknya bek bulumok. Dara, bera Imik Neyung yuba dol yanggeija nim ek rupiah mololamlya enyek, eleklenokaʾ aboka sobaʾ jaboka pikik sam bo beil yalamek.

YOHANES 9:21

Bok Yahudi nang edya, nimi nidyaʾ ak lebekja, ”Kristus ara nimi blebsinaʾ dubnya al yabija nim era yuba donaʾ lobnamak,” hyekaʾ anyek, lok ganya borekaʾ anasa, sik nang penya edya lebdekja, ”Hekaʾ humlaʾ adya henga gwelegalaʾ ara numba elgom onoʾ heknedya umla ek meremlaʾ ara nunda elgom anasa, alda seleb nauba nebokaʾ anasa, nara ban adya henga luma denganel henelulaʾ aboka alak heiblulum.”

YOHANES 9:1

Dara, Yesus ara pikek sam yabalemookanya, naubenya bok beiyimek salek ebaʾ ara henga luma yeilimoknya bek hnon eiyimok.

YOHANES 5:5

Dara al onok ara, nimi be hnon neiknaʾ salamokaʾ anasa, malamok salek era gibnaʾ denga hnon goboka ebdobnya goklombadya dangamoknya be hnon malamok.

MARKUS 9:21

Dara Yesus ara me nen eili bek, ”Me nenera hwer salek ek an neiknaʾ era salamok do?” aboka heibuk. Dara, me nen eili bera Yesus ak, ”Anam beiyimsa salek ek moruwoka unubmoruwok!” hyok.

MARKUS 5:25

Dara anyaganara, gela hnon neik ek dangamookanya, gibnaʾ obadya lemok gel gek hnon ulumok.

MATIUS 4:24

Yesus ara anaso uboka unulamla an yub era mok soko me nidyaʾ oboka lelemok dara, nimi nauba alak yalamek. Nimi nidyaʾ ara igina kweboka, yok-yok neiknaʾ salalesuk nim era Yesus ak bo yalamek. Wera nimi nidyaʾ koma bulumek nim eb, bisaʾ goloklesuk nim eb, nonga heilisuk nim era, Yesus adya meriyisuk.

RASUL 9:32

Petrus bera yok-yok moka biniboka, Imik Neyung yuba doboka ulumek nim ek kemel giriklesuk. Dara ono yok sum enyek, Petrus bera Lida heik sam munaʾ Imik Neyung mab ek kemel bilisuk.

RASUL 9:34

Petrus bedya Eneas bek lebokja, ”Eneas, Yesus Kristus adya anak seleb hwebgel anasa, anda bukoka anja ekla malalamaʾ nidyaʾ pe winiwoka ul yabalom,” hyok. Dara, wene sab-sab Eneas bera bukuka sekemok.