RASUL 8:40 - PERJANJIAN BARU NALCA YUBA

⁴⁰ Bok wera onoʾ, Pilipus bera biliga Asdod heikek sekok ok eibdok. Dara, alda onoʾ yabalamookanya, Yesus adya perob Imik Neyung yuba yok-yok heikek sam leb elekgiga balamok ara, Kaisarea heikek lanal bilimok.

RASUL 8:40 Referans Kwoze

RASUL 21:8

Wera onoʾ ampum ara lanawoka balamoubaʾ ara, Kaisarea heikek lanal byuba. Kaisarea heikek ek ara, Kaisarea heikek lanal byuba. Kaisarea heikek ek ara, Imik Neyung yuba lennya Pilipus bedya ek biniboka neikaʾ mamouba. Pilipus bera alda Yerusalem heik ab, Imik Neyung yuba lelemnelum aboka, sekbadya nang sekiyisuk sum enyek, al hnon sikiyemeknya.

RASUL 25:4

Bok Festus bedya Yahudi nang ek lebok ara, ”Paulus bera Kaisarea heikek sam or ulumla anasa, na nong anyek mek anam onoʾ saawoka ono bununaʾ aboka umna,” hyok.

RASUL 23:33

Wera abaksin pam ak abagoka yina bolomek nang era, Kaisarea heik nong ok byik dara, yin bonaʾ dubnya bedya mok soko dubnya bek bo binilum aboka, weboka elegesuk momnya donaʾ era, Feliks bek elegek dara, onoʾ Paulus beneba onoʾ alak abonggemek.

RASUL 23:23

Wera onoʾ senenggom yin bonaʾ dubnya bera, yin bonaʾ dub nang ek penya nang yoururum asuukanya, sikenek lebsukja, ”Yin bonaʾ oldan nang denga yuba sekbadya hnon gegeb loboka, abaksinaʾ pam ak bukoka oldan nang denga winilya, doluknaʾ mal bolomak nang era denga yubaʾ sekbadya doboka gegeworurum. Al wen inimnek jam sembilan anyek Paulus be eboka Kaisarea heikek bo binilum aboka gegeworurum hyok.

RASUL 10:1

Kaisarea heikek ara nimi si ben hnon Kornelius ulumok. Alda Italia nang aboka si simek yin bonaʾ nang dubnya ulumok.

ROMA 15:19

yok lok so beknaʾ migib adya hnon, yok senenggom lok so ununaʾ adya hnon, Geisinya migib adya na pik uboka, welemlaʾ anyek hnonok, nara asaʾ ganya boboka wenyaro yabalamnamna. Dara nara Yerusalem heik ab ara Ilirikum heik dongolamsa dara, nara Kristus bedya perob lero yanggan yub era hyak senenya loboka leb elekdo yibisa.

RASUL 25:13

Wera onoʾ liga wen maboka gwelegok dara, Agripa dubnya beb, alja gel Bernike geb, Festus bek perob aboka gibnom aboka Kaisarea heikek yeilirek.

RASUL 25:6

Wera onoʾ Festus bera, Yerusalem heikek ara li linbadya gom, sagobadya gom anaba, maldabnaʾ loboka, onsok Kaisarea heikek saawoka yeilimok. Wera ampum yenebok dara, Festus bera yuba longowoka sabnamab aboka umekaʾ seleb dara, Paulus bera anyagan doboka bo yoululum aboka orugosuk.

RASUL 25:1

Wera Festus bera mok enyegan seleb yeiniboka, li winilya ok maboka gwelegok dara, alda Kaisarea mok eb ara, Yerusalem moka byuk.

RASUL 21:16

Wera nunda Manason bedya ek biniboka, mabnemoubaʾ anasa, Kaisarea heikek ab dara, nimi wene nang diriga ban nang nublaboka neikaʾ lanawoka byuba. (Manason bera alda Siprus nang bok, alda seleb youmaʾ ek Yesus yuba doboka diriga balamoknya ulumok).

RASUL 12:19

Dara, Herodes bedya Petrus bek onsok eboka dobnelum aboka orugusuk dara, elemek nang era eiriwanggumek. Wera dara, Herodes bedya nimi henga gereksin ek sam welemek nang era sikenek pe wenggulumak badya aboka, nidyaʾ heiboka onoʾ obnelum aboka orugusuk. Ban unubgogowok dara, Herodes bera Yudea sokok ab ara Kaisarea heikek biniboka liga wen malamok.

RASUL 10:24

Balamek ara pikik li hnonok maboka, Kaisarea heikek lanal bilimek. Dara, Kaisarea heik ara Kornelius bera alja ek mabo nimi yilaʾ eb, alja hemyabo pe ganya olokdangoka ulumek nang eb, nadya ek yoululum aboka e bilisuk nang anyek, diri ulusikaʾ ak Petrus benya arobaʾ ara byik.

RASUL 8:25

Wera Petrus beb, Yohanes, beb, sikda Samaria nim ek seleb Imik Neyung yuba lebgogowoka, yokaʾ-yokaʾ nidyaʾ laga leboka nekoka seleb ubdek dara, sik penya dara, on pik Yerusalem heikek birik. Dara, pikik balarek ab dara, Samaria heik gokgobok pik mek heik gong pik Imik Neyung yuba leb elekgiga balarek.

RASUL 9:30

Wera Yesus yuba dolomek nang edya, Saulus bek Yahudi nang edya obnobaʾ aboka ubak an yuba kemek dara, sikda Saulus bek eboka bobeknya nera Kaisarea heikek bo mal byik ara, onoʾ Tarsus alba eilinya heikek bokol byik.

RASUL 11:11

”Bok onoʾ al wene sab-sab enyek, Kaisarea heikek ab nak el bululum aboka orugeisik nang era, winilya nang na mamsa ek seleb bilimek.

RASUL 18:22

Wera Paulus bera Kaisarea heikek yinggyuk dara, Yerusalem heikek welewoka, Imik Neyung yuba doboka ulumek nang ek perob aboka gibgogowosuk dara, onoʾ alda Antiokhia heikek byuk.