RASUL 6:10 - PERJANJIAN BARU NALCA YUBA

¹⁰ Bok, Stefanus bedya yuba nidyaʾ salamoknya nera, Imik Neyung Geisinya adya anyek-anyek sablul aboka geremseng ganya eleklemok adya salamok dara, sikda nidyaʾ nang adya dara, nera malya lelemla aboka, alak saawoka lenaʾ okna dangasuk.

RASUL 6:10 Referans Kwoze

LUKAS 21:15

Ugunjaʾ isaʾ nang edya, ugunuk malya nenewoka obneboka, ugunja lebnemun yub era sondaʾ amba lebak senen dalyek aboka, nadya ugunuk sabnemun yub eb, ella dangan geremseng eb eleganesin.

1 KORINTUS 2:4

Yuba ugunuk leb elegeisisaʾ ara, nadya ganya geremseng edya, ganya sangasin yub ek lebnenggusisa bok, nadya ugunuk yuba leb elegeisisa dara, alda Imik Neyung Geisinya alja migib unaʾ era laga dangamok.

YOHANES 7:46

Pikek welesik nang edya lelemekja, ”Nimi soko nim era, ban benedya lelemla sok hyak lenggulumak,” alamek.

LUKAS 1:17

Anya alda Wenelesilnya bek ab dara, alak men yuba lero bokol yangganya danamla. Dara alda Elia be ulumok sok, eili bera alaʾ me ak ganya dangawoka, ganya malya nim era pelemak nimi ganya ak dangawoka unuwanokaʾ aboka, hyak migibnya senenggomnya ulumnamla. Ban unuwanamlaʾ adya, Wenelesilnya bemba nimi nauba orowek meewoka beibnamla,” hyok.

RASUL 7:51

”Hemyab o, ugunda hyak ganya gasa uboka Imik Neyung yub ak dib senenggululum anyek hyak lok nong. Ugunda Imik Neyung yub ak sene o onugamna anasoʾ ok ululum. Ugunja neyung yab edya Imik Neyung Geisinya ol yangalemek sok, ugumba unulum.

RASUL 5:39

Bok, sikja unulumak nidyaʾ ara Imik Neyung ak ab lanalamlya dara, wera ugunja sikenek yokaʾ-yokaʾ ununaʾ okna ubnesil. Nauba so ara, ugunda Imik Neyung ak isaʾ nenebdangoka mala boboka oldanaʾ danalum,” hyok.

RASUL 6:9

Bok yok nang edya, sikda Meebdanggogomek Nang e aboka silimek ek Yahudi nim edya yuba don ek dolomek nang edya alak walamek. Ban nang era Yahudi nang bok, si yok-yok, hnonda Kirene nang, dara onoʾ hnonda Aleksandria nang. Dara, hnonda Kilikia mok eb, Asia mok eb, sikda Stefanus beblaboka yuba gangawoka mala lanab dangamek.

RASUL 6:11

Anasa wera Yahudi nang edya, Stefanus bera Musa bek hnon, Imik Neyung ak hnon, malya lelemla aboka, nimi wene nang edya sondaʾ anasa, miniwoka lebnok aboka, onowoka orugosik.