RASUL 5:36 - PERJANJIAN BARU NALCA YUBA

³⁶ Anasa wera, youmaʾ dara, nimi si Teudas bera, alda nara senenggomnya aboka gigibdangoka, nim alak diriga biniboka neikaʾ ulumek nim era hiboka dara, denga yuba odaraʾ badya nim ulumek. Bok, al nong ak obek dara, wera alja yuba dolomek nim era doluwoka, bokgokdangoka, alja yuba lelemok anaba gobdo dengaro lomok.

RASUL 5:36 Referans Kwoze

RASUL 8:9

Dara onoʾ, Samaria heik ara, nimi si Simon alda nimi hwelesuk adya, Samaria nimi lobaʾ nenelesuknya hnon ulumok. Dara, nimi nidyaʾ alak lok ganya bolomek. Onoʾ al onnya bedya nara hyak senenggomnya abdangoka leldalamok.

2 PETRUS 2:2

Nimi nauba ara, ban malya nim enedya sikja unulumaknya nenyek diliwoka unulumnemak. Sik nong anyek unuro malya unaʾ ganya enyek diliwoka unulumnemak. Dara, ban nim enedya, nimi nauba ara jongaʾ perob pik Imik Neyung pik ab malya geboka unulumnemak.

WAHYU 17:5

Dara alja asok ok ara, yok si gunuwoka sin si nenyek momnya domek. Ban unu momnya domek si nera, ”Babel heik hyak senenggom nong heik era, nimi sokok an malya dangoka, salyaʾ dongon gelewa sikjaʾ genong genyaʾ!” wenyaboka webemek.

YUDAS 1:16

Wera an unu malya unaʾ hwam ok ulumak nim era, sobaʾ yu yaboka gaga kiboka yok nim ek meknelelum aboka malya geblesak. Sikja nong unaʾ era, malya ubsinya ganya diligaʾ enyek ulumaakanya, sikda nonggo aldalamaakanya, nuk perob dosulul senewan dara, dibnya gom bok, miniwoka leboka, yok nim edya unuruwaʾ amba, pe makaʾ lelewoka lelemak.

GALATIA 6:3

Anasa nimi ben hnon alda perob gomnya bokaʾ anyek, nara perobnya seneldalamla dara, al dam nang sondaʾ leldalamla.

GALATIA 2:6

Si sinaʾ nang edya dara, nak ara anda anyek yokaʾ-yokaʾ mekaʾ hnon unuwanalam aboka lebnenggubnyek. (Imik Neyung ara nimi hogunga perobaʾ malyaʾ anyek kemenggulusilnya bek anasa, sikda perob nang gom, malya nang gom ara, weboka seininanya nera, nak dara, dib nong gom.)

RASUL 21:38

”Wera anda Mesir nang ak adya, eijanok so ban nimi denga yubaʾ linbadya nang malya damok lanalamak nang eboka, hwalek sam bolosulumukanya, dub lunulumnya de?” hyok.

MATIUS 24:24

Dara eimik era, sondaʾ nimi blebsinaʾ dub nang eb, sondaʾ ununumnaʾ len nang eb nauba lanawanamak. Sikda nimi nauba malya nenewoka sondaʾ lebnobaʾ aboka, yokaʾ-yokaʾ senenggom beknaʾ eb, hyak lok soʾ ab, hogung ak laga nauba unura yibinemakaʾ adya, Imik Neyung ara hnon or senewanamso dara, nim Imik Neyung mab anaba sikenek dib senewanasiseng.

WAHYU 17:3

Dara nara Imik Neyung Geisinya adya gologanyookanya, lero enedya holaʾ seknaʾ orok mok bo binyok. An bo binyok ak ara, gela hnon yokaʾ yu nongaʾ goron houm-houm arobaʾ eilibik bulumokaʾ ak eibsa. Anya ban yokaʾ yu nongaʾ ak anera, Imik Neyung ak geklewoka walamekaʾ si gong-gong momnya enyek domekaʾ anyek ulumok. Wera ban yu nongaʾ ara, huk ara sekbadyakanya, bong ara sagobadya bogomok.

2 PETRUS 2:18

Sikda umeng-ameng aboka, hyak salyaʾ nong yuba hnon, dengdang ganya bon yub enyek nekdo yabalasak. Sikda nimi ganya oka desinaʾ anyek unuwolulum aboka wenewoka, nimi wenyek malya unaʾ ak abaʾ ganya dangawanob senen ulumak nim ek wenewoka gliboka bo malya nenelemak.

MATIUS 24:26

Anasa nim adya ugunuk, Nimi blebsinaʾ dubnya bera wera hwalek sam ono ulumlaʾ bar kemel bululum henesak dara, ugunda dib senewoka kemel banaʾ ara mem. Gom, sikja ugunuk, Alda ban e lomok an ulumla henesakaʾ anaba, ugunda dib senenaʾ ara mem.

MATIUS 24:5

Dara eimik era, nimi nauba nadya si nek sibuka, Nara nimi blebsinaʾ dubnya bera an! wenyaboka, nimi nauba sondaʾ leboka malya nenewanasak.

RASUL 5:35

Dara, alda Yahudi Imik Neyung yuba dub nang ek, ”Hem yab Israeli nang o, ugunja ban Yesus adya yuba doboka lelemak nang ek unululum anyek, ugunja pe seiniwanalum.