RASUL 5:33 - PERJANJIAN BARU NALCA YUBA

³³ Dara Yahudi nang era, ban wenyaboka lemek anyek kemek dara, sikda hyak yu ganya boboka, yuba len nang ek obnemab aboka ulumek.

RASUL 5:33 Referans Kwoze

RASUL 7:54

Yahudi yuba san nang edya, Stefanus bedya lelemok yuba kemek dara, sikja ganya oblumugoka mona yeilib menegesuk dara, sikda Stefanus bek si gleng darawoka yu ganya bomek.

RASUL 2:37

Wera nimi nidyaʾ Petrus bedya wenyaboka lelemok anyek kemek dara, nimi nidyaʾ ganya soldowoka obdangamek. Dara, Petrus bek hnon, yok yuba lenaʾ gak nang ek hnon, ”Hemyab o, wera nunda hekaʾ huwanamab do?” aboka heisik.

YOHANES 16:2

Ugunuk Imik Neyung ek sam abaʾ ara, yaklemnasak. Dara, onoʾ hnon, sik unulusija nim edya dara, Imik Neyung amba nunda pe giboka unulumab senelemeija salek era, yanamla.

MATIUS 24:9

”Anasa ugunuk dara, henga gouboka malya nenewoka dibaʾ obsinokaʾ aboka yok nim ek eleganesak. Ugunda nadya yuba donaʾ nim uboka nasamba ululumaʾ anasa, nidyaʾ soko nim edya ugunuk lek senewanesak.

MATIUS 10:25

Neklamna me nera, eilibe neklenanya beneso dan dara, anya arawoka wa welenanya bera, alja wa welenanya beneso dan dara, nera al seleb perob dangalamla. Sikjaʾ neyung benyek babya si Beelzebul aboka sibuk dara, wera nidyaʾ aljaʾ ek an ulumak nim era wanok,” hyok.

MATIUS 10:21

”Nimi nidyaʾ nadya weis ek obnelum aboka, yok nim ek lebdangdo yibinemak salek hnon yanamla. Neiksonya nera hnonda eili bedya alaʾ me ak gom, alja me nedya eili bek gom unubdangdo yibinemak. Meneng mab edya, sikjaʾ genong neyung ak yok nang ek obnelum aboka yuba dibdangdo yibinemak.

RASUL 22:22

Wera nimi nidyaʾ ara Paulus bedya lelemok yuba pe kelemek bok, ban sidyaʾ nonga lebok yub edya dara, sikda Paulus bek ebngalogoka, ”Ban benesonya bera ob lobnok. Alda ul mandenaʾ lek bar,” aboka lelemek.

RASUL 9:23

Wera li gong wenebadya balamok dara, Yahudi nang edya, yuba saboka Saulus bek obnemab senewoka gegeb lobek bok,

YOHANES 15:20

Wa wenanya bera, alja neyung bek ab imik so unggulumla seleb wenyamsaʾ ara, beklulum. Dara, sikda nak olonyek dara, ugumba olomnesak. Sikda nadya yuba kelenyek dara, ugumba ugunja yuba kelemnesak.

LUKAS 20:19

Yahudi Imik Neyung yuba wa gakaʾ dub nang eb, yuba neksin nang eb dara, Yesus adya ban yokaʾ ak sunuwoka leboknya nera, sikja dara, nunsamba lebsil senemek. Anasa Yesus ak wene salek heng goubnemab senewek bok, nimi nauba anyek lok anasa lomek.

LUKAS 6:11

Bok, Parisi nang eb, Yahudi Imik Neyung yuba neksin nang eb dara, yu heiboka, ”Hekaʾ huboka Yesus ak malya ubnemab do?” senewoka yuba sab einimek.

MATIUS 1:19

Yusuf bera Imik Neyung ak pelemoknya bek adya, alja molob lomok gel ge me boboka dara, Maria gera nimi hnoum laga lobnamna dara, alya dablyek senewoka, gelelenga lobnamna senewoka ganya lomok unu seinimok.