RASUL 4:20 - PERJANJIAN BARU NALCA YUBA

²⁰ Nunda seleb eiyinum kenum anyek lelenam ara, hyak lobnenggunusinim,” arek.

RASUL 4:20 Referans Kwoze

RASUL 22:15

Anja kebmenaʾ ab, henga eibmenaʾ danyek, nimi yok nang ek lero yabanaʾ anya danalam.

RASUL 5:32

Anasa nu hnon, Imik Neyung adya alja yuba pe keboka unulumak nang ak, Geisinya eleklesil Geisinya anyek hnon, ban unumok ak eillilimoub anyek, damok nang ulumab,” hyek.

RASUL 18:5

Wera Silas beb, Timotius beb dara, Makedonia mok eb ara, seleb Korintus moka yarek dara, Paulus bera yok wa loboka, Yahudi nang ek Kristus anyek, Imik Neyung adya nimi blebsinaʾ dubnya eleganesin aboka orowek lemoknya bera, Yesus anasa lemok aboka yuba sobaʾ lel eleklesuk.

RASUL 3:15

Alda nim embengaʾ unaʾ dubnya bek, ugunja dara, seleb oblum bok, Imik Neyung adya seleb somoknaʾ ak ab suboka bukiyimok. Unumoknya nera, nunja henga yokaʾ adya okoka kaboka eiyimoub nang nunda an.

RASUL 2:32

Dara, al ban Yesus benyek, Imik Neyung adya somoknaʾ ak ab suboka embengaʾ bukiyimok. Dara, ban unumok ara nunja okoka ok eiyimouba,” hyok.

RASUL 1:8

Bok, ugunda Imik Neyung Geisinya ugunuk sam seleb yeisilya dara, ugunda migibaʾ dobnelum. Dara, Yerusalem heik ab, nidyaʾ Yudea sokok ab, Samaria sam ab ara, nidyaʾ soko dagolongnaʾ me nidyaʾ, nasamba yuba bo lero yabalemnelum,” hyok.

LUKAS 1:2

Ban nidyaʾ yokaʾ-yokaʾ unulumokaʾ anyek, men ek ab okoka eiyiboka kemek nang edya, anya onoʾ sikja dara, yok nim ek leb elekdo yabalamak nang edya, nuk lero yeilisik sok, sikda anara lelewoka momnya dolomak.

RASUL 2:4

Wera dara, sikda nidyaʾ Imik Neyung ganya adya deknesuk dara, Imik Neyung Geisinya adya anyek sabnok senewoka elegesukaʾ adya, sikda yok-yok yuba nidyaʾ saro yabalamek.