RASUL 3:15 - PERJANJIAN BARU NALCA YUBA

¹⁵ Alda nim embengaʾ unaʾ dubnya bek, ugunja dara, seleb oblum bok, Imik Neyung adya seleb somoknaʾ ak ab suboka bukiyimok. Unumoknya nera, nunja henga yokaʾ adya okoka kaboka eiyimoub nang nunda an.

RASUL 3:15 Referans Kwoze

RASUL 2:24

Bok Imik Neyung migib adya Yesus ak nimi somoklomakaʾ gangganek ab, suboka embengaʾ bukiyimok. Alda somoknaʾ lomok sam unggulumnamso anasa, somoknaʾ damok adya doboka menegemok bok, Imik Neyung adya henga loboka blebiyimok,” hyok.

WAHYU 21:6

Dara onoʾ hnon yuba lebnyokaʾ ara, ”Wera seleb gobdo unura dakdowan! Na nong anyek, men nongnya uboka, onoʾ eimik sidyaʾanya ulumna e. Nak danyek, men eininaʾ ak ab uboka, sidyaʾ daknaʾanya ulumna. Nimi nidyaʾ mek ok ulusil nim era, nim embengaʾ eleksin mek luk ab, embengaʾ unaʾ mek era or salyaʾ eleganamna,” hyok.

RASUL 2:32

Dara, al ban Yesus benyek, Imik Neyung adya somoknaʾ ak ab suboka embengaʾ bukiyimok. Dara, ban unumok ara nunja okoka ok eiyimouba,” hyok.

IBRANI 2:10

Dara, Imik Neyung alsamba leboka yokaʾ-yokaʾ nidyaʾ ululanya, onoʾ yokaʾ-yokaʾ nidyaʾ uyimoknya bedya, alja mabo gong dara si imik nenelesuukanya, sikja blebsinaʾ damok bo ulusuknya bek igina kweiyiwokaʾ adya gobdo gigiwok dara, anedya pebok.

1 KORINTUS 15:45

Nenesa Imik Neyung yub ek momnya dobokaʾ ara, ”Men uyimoknya bera, nera Adam benyek, embengaʾ ul eininaʾ men youbuka dangamok.” Bok sidyaʾ nong Adam bera, nim embengaʾ ganya eleklesilnya bek an ulumla.

YOHANES 5:26

Neyung bera nim embengaʾ unaʾ damok gaknya ulumla sok, onoʾ al adya alja me nek nim embengaʾ unaʾ gaknya dangiyimok.

YOHANES 1:4

Al lomok ara embeng unaʾ damok ulumlakanya, ban embeng unaʾ ara nim ek dilinaʾ yebellilisil.

WAHYU 22:17

Dara, Imik Neyung Geisinya ab, Imik Neyung me ak dobnomok gel geb dadya dara, ”Wera, anyagan yoululum!” wenyalarak. Nimi nidyaʾ ban yub en kebnelanya bera, ”Or, yangganok!” henok! Anya heknyek mek ok ubnamla dara, wera or meka del youlul! Heknyek nara embengaʾ ulunun senewalenya bera, wera nim embengaʾ eleklesil mek enyek, or salyaʾ doboka del youlul!

1 YOHANES 5:20

Nunda jong ulumla Imik Neyung ek ella ulunokaʾ aboka, Imik Neyung me ara seleb yeiniboka geremsenga seleb elegesukaʾ ara ella ulumab. Wera nunda jong ulumla Imik Neyung eblaboka neikaʾ kwebdangoka ulumab. Dib nong ara, alja me Yesus Kristus ablaboka neikaʾ kwebdangoka ulumab. Wera al benyek, jong ulumla Imik Neyung era an. Dara onoʾ, dib embengaʾ ulmoubnaʾ ara an.

IBRANI 5:9

Dara Yesus ara, munaʾ gobdo pe meebdakok dara, nimi nidyaʾ alak pe keboka unulumak nim emba, dibaʾ blebsinaʾ gaknya dok.

YOHANES 17:2

Neyung o, anja me nek, neyung anja doboka alak elegolum nimi nidyaʾ ak, dib embeng unaʾ elegosulul aboka, migib unaʾ era nimi nidyaʾ ak unuwolulaʾ aboka seleb elegelum.

YOHANES 14:6

Yesus alak, ”Nak dara, pik ab, dib yub ab, embengaʾ unaʾ ab, ulumna. Nim ara nak pik orok dara, Neyung bek yangguneseng.

YOHANES 4:14

nadya elegeisinya mek enyek delenya bera, eimik saaboka mek ok ubnenggunumla. Bok saaboka, nadya elegeisinya mek ek dara, alja nong lomok sam ara sob-sobaʾ yabalmorulamla mek anaso dangoka, dib embengaʾ ulmoubnaʾ eleganamla,” hyok.

YOHANES 4:10

Gela ara ban wenhyok dara, Yesus adya alak, ”Anda Imik Neyung adya eleklesilaʾ ab, heknedya anak meka mololenggelaʾ ab, ella ulusom dara, anja alak molowanasom dara, alja dib embengaʾ unaʾ mek era eleganenggeso,” hyok.

WAHYU 22:1

Wera onoʾ lero enedya nak nim embengaʾ eleklesil mek era, Imik Neyung ab, domba me ab, sikja bunaʾ ekla ek ab, goboka, eleb-alab arobaʾ ak yabalamok mek enyek, nak aawanyok.

YOHANES 10:28

Nara sikenek sobaʾ ulmorulunokaʾ aboka embengaʾ unaʾ eleganesin dara, sikda hyak somoganggunumak. Nimi yok nim edya nadya soruk ak ab hyak bleboka dobnenggunusak.

EPESUS 1:20

Kristus nonga nimi somoknaʾ lomok ab embengaʾ suboka bukiyiwookanya, Kristus ara, Imik Neyung ab neikaʾ ulumnerak aboka beibuk. Dara ban migib enyek, nunsamba ulusil migib era anasoʾ ak ulusilaʾ anyek ella dololumaʾ aboka mololesin.

RASUL 5:31

Dara, nimi Israeli nimi ganya dangawoka malya unaʾ memelemnesilaʾ dobnokaʾ aboka, Imik Neyung adya Yesus ak imik weliyiwoka, alja sirik soruk sam bukiyiwoka, onoʾ nimi diri bo usinaʾ damok hnon, nimi blebsinaʾ damok hnon alak elegemok.

LUKAS 24:48

Ugun nong anyek, ban damok en eiblum nang ulumnelum e.

RASUL 4:2

Sikda Petrus Yohanes adya, Yesus ara somoknaʾ damok al seleb suboka embengaʾ welewok aboka lelerek adya, nimi seleb somogamna nimi suboka welewanamak ak nekerek anasa, hyak yu ganya bomek.

IBRANI 12:2

Anasa nunda nunja, ganya dib senenaʾ arawoka bo balasilnya be Yesus bek, nunja ganya dib senenaʾ ara pe munaʾ peldaknaʾ ak bo balasilnya bek heng yokaʾ bekoka hyak pe unulumnamab. Alda derelemekaʾ ara eiwaawom aboka, ganya eiya dabnaʾ alsamba ulumokaʾ ara lunuwoka on gal enyek ganya gouluwoka jaboka bobok. Anya wera alda Imik Neyung bedya ekla bunaʾ ek ara sirik ek sam bulumla.