RASUL 27:21 - PERJANJIAN BARU NALCA YUBA

²¹ Wera liga wen mabek ara, gwaneng ara hyak gobdo denggumek. Dara Paulus bedya nimi hnoum gangganek sam sekoka lebok ara, ”Hem yab o, ugunda men nadya lemsa yuba kesomokanya, Kreta sokok ab lanawoka yangganaʾ orok dara, unuwoka bonaʾ yokaʾ-yokaʾ nidyaʾ heboka bobogoka unuwanggunusibya bok,” aboka lelemok.

RASUL 27:21 Referans Kwoze

RASUL 27:7

Wera Italia moka balamoubuk ab dara, mek ekla bunaʾ ara hyak mandewoka nemen balamouba. Wera hyak oknaʾ ulusuk bok, mabgiga balamoub ara, Knidus mok era ok berem ubok bok, or hnomunga salyaʾ ak byuba. Knidus moka heikek byubuk ab dara, kaboʾ anyek or sobaʾ dolomoknya nenesa, men danyek anyan binimab senemouba pik era binggububa. Bok kaboʾ orok pik binob senebuba dara, Salmone moka yema amoʾ leboka Kreta mek dubuk soko pik byuba.

RASUL 27:12

Wera perob mek ekla bunaʾ malamla ak ara perob gom adya, wera anyagan ara, saragenaʾ li dara, kaboka mabdabnenggunumso anasa, wera mek ekla bunaʾ gliboka bolomek nang nauba so edya dara, anyagan ara loboka saragenaʾ li ubnalabok anasa, men Feniks moka binimab senemek. Feniks alamek heik era, Kreta mek dubuk sokok sam uboka, mek ekla bunaʾ bul yalamok mek gemek ara, kemban dabo sam hnon, kemban woru sam hnon ulumok.

RASUL 27:13

Dara ban salek era, woru sam ab kaboʾ enyek nemen dolomok dara, onoʾ danyek mek ekla bunaʾ bolomek nang edya dara, or pe lanawoka balanob senemek. Wera igin yakaʾ dolinglemakaʾ ara glibsalawoka seleb gwanewoka doro beiyiwoka, Kreta moka gek sam ok dobgiga balamouba.

RASUL 27:20

Wera nunda liga wen anam pikik balamoubuk ab dara, heng ab, guraʾ ab dara, mekaʾ gobdo eilinaʾ ara hyak eibnenggumouba dara, onoʾ kaboʾ nong anaba hyak sobaʾ sounum-sounum aboka doldibilloklemok. Wera unulumok adya, wera nunja dara, embengaʾ merewanamab senenaʾ era hyak gobdo dengarawosuk.