RASUL 25:19 - PERJANJIAN BARU NALCA YUBA

¹⁹ Bok sikda lelemek ara, sik Yahudi nang yuba donaʾ damok amba hnon, onoʾ somogomoknya Yesus benyek, Paulus benen nong adya, embengaʾ ulumla alamoknya nenesa hnon, yana kiboka lelemek,” hyok.

RASUL 25:19 Referans Kwoze

RASUL 23:29

Wera yuba doboka yana lelewoka ulumoung enyek, alak gasa ek henga geregoka beibneseng gom, obneseng gom malya unaʾ era, alja hnon ununaʾ ara orok. Yahudi nim edya yana kilimong ara, sikja Imik Neyung yub anyek beklesil aboka yana kiboka miniwoka lelemong.

RASUL 18:15

nenera ugunja si nemba hnon, ugunja unuwanalum an yuba sanaʾ amba hnon, ugunja unululumnya nenesa leboka ululum anasa, nera ugumba yok unulululum. Nara unurubnya nera lek anasa, ugumba yok unulululum. Nara unurubnya nera lek anasa, ugumba yok dan meewoka uldalalulum,” hyok.

WAHYU 1:18

Nak danyek, embengaʾ ulmorulunanya bera an! Nak dara, seleb somogasebok, wera nara hyak sobaʾ ulmorulumnamna. Nara somoknaʾ amba dubnya uboka, nimi soko nimi somoknaʾ heikek amba dara, nara pik baknaʾ salananya ulumna.

RASUL 25:7

Wera Paulus bera seleb yok dara, Yahudi nang era Yerusalem heikek ab yeilimek nang edya, Paulus bek, wera alda nunja sokok malya ulusilnya aboka alja hogung ak sekoka nauba yana kiboka lelemek. Bok, sikja ban nenyek malya ubok anasa lelemab aboka, Paulus bek damoka yana lelenaʾ ara orok.

RASUL 18:19

Wera sikda Epesus heikek seleb byik dara, Paulus bera Akwila beb, Priskila geb dara, anyagan loboka, alda Yahudi nim edya yuba don ek biniboka, sikenek yuba saboka neklesuk.

RASUL 17:31

Anasa wera, Imik Neyung adya nimi nidyaʾ soko ak ulumaknya nenera, pe jong yana lelewanesin senewoka seleb li orowek gegewoka dibuk. Ban unuwoka yana lelewoka ubnesilnya bera orowek Imik Neyung benedya unuwanamla aboka gegebok. Dara, nimi nidyaʾ anara dib senewoka ella danokaʾ aboka dara, nimi somoknaʾ ak ab sam, bera seleb embengaʾ suboka bukiyibok,” hyok.

RASUL 2:32

Dara, al ban Yesus benyek, Imik Neyung adya somoknaʾ ak ab suboka embengaʾ bukiyimok. Dara, ban unumok ara nunja okoka ok eiyimouba,” hyok.

RASUL 25:18

Wera al Paulus bek sondaʾ anasa, miniyiwoka yana kimek nang edya, sikda sekoka Paulus bek malya ululanya bera an aboka yana kiboka lelemek dara, nadya anyek-anyek malya umok senesenya nenyek, sikda hyak neknenggumek.

RASUL 26:3

Bok hyak dib nong so ara, Agripa dubnya anda Yahudi nang edya sikja yokaʾ-yokaʾ nidyaʾ unulumak ara, anda nidyaʾ ella ululam. Anasa wera, nara Paulus bedya lebnamna yub enyek, neyung anda pe siklewoka bukwenewoka kebnelam,” hyok.