RASUL 23:16 - PERJANJIAN BARU NALCA YUBA

¹⁶ Bok Paulus bek unuro obnemab aboka gegel yabek anyek, Paulus ben eilibsal gedya me nedya kebok. Dara, al mam Paulus bera, al ulumok ek wekoka, ”Wera mam o, obnemab senelenjak,” wenyaboka nekdo bilimok.

RASUL 23:16 Referans Kwoze

RASUL 23:10

Wera hyak senenggomaʾ mala dibaʾ lanabdangoka oldal yibik dara, anyagan yin bonaʾ dubnya bedya dara, unuldeijekanya, Paulus bek giliwoka gal wabnaʾ geboka obijek aboka, yin bonaʾ nang hnon ak, Paulus be doboka bo bimunukanya, e lomok bo bululum aboka orugusuk.

1 KORINTUS 3:19

Nera sokok anyek geremseng nong senelemaknya nera, Imik Neyung adya dara, dongdang anaʾ anya senelamla. Imik Neyung bukuk momnya dobokaʾ ara, ”Yokaʾ-yokaʾ geremseng ulumak nim ek, Imik Neyung adya geremseng ulumakaʾ ak ab, henga weboka youlusil,” aro dobok.

RASUL 23:32

Wera ampum maboka gwelegek dara, abaksin pam ak abagoka yina bolomek nang enyek, wera ugunjok Kaisarea heikek abal binilum aboka boksik dara, dem yin bonaʾ nang era, sikda on pik sik ulumek heikek yek.

RASUL 21:34

Bok ban salek enyek anyagan ulumek nim edya dara, ”Paulus ben an hnon unulamla,” alamek dara, onoʾ hnon yok nim edya dara, ”Anyek hnon unulamla,” aboka lelemek. Wera sabsobuk-sabsobuk abdangoka lelemek adya, yin bonaʾ dubnya bera damok ara anyek senewoka elgom anasa, al adya dara, Paulus bek doboka bobmunukanya, yina bonaʾ nang ulumek ek bo bululum aboka orugosuk.

RASUL 21:37

Dara wera, Paulus bera yin bonaʾ nang adya sikja gasa ek bo weknunaʾ ul yabok salek, Paulus bedya senenggom yin bonaʾ dubnya bek, ”Or nara anablaboka mek yuba sabnenam gom?” aboka heimok. Dara yin bonaʾ dubnya bedya, ”Anda Yunani yub ara ellaʾ salalam gom?” aboka heimok.

RASUL 23:17

Dara onoʾ Paulus bedya yin bonaʾ dubnya bek ben hnon yalom aboka lebokja, ”Senenggom yin bonaʾ dubnya bek ban me nenedya yokaʾ don neknamla anasa, eboka bo abal bilom,” aboka orugumok.

RASUL 24:23

Dara onoʾ Feliks dubnya bedya, Paulus henga goubuka bo ulumek yin bonaʾ gaknya bek, pe diri bo ululum aboka orugosuk bok, Paulus bek onoʾ Paulus alja hemyab edya alak denaʾ bo aral yeiniboka unulunok aboka orugosuk.