RASUL 20:31 - PERJANJIAN BARU NALCA YUBA

³¹ Anasa wera ugunda keebmoubuka diri ulululum. Nara gibnaʾ winilya ulumsa ara, inimnek yubyek pik noruwoka heng mekaʾ nauba yabalenen bok, ugunja mok nang ek dek-deka sonaʾ loboka wenewoka nekeldibilloklosisa ara, beklelulum,” hyok.

RASUL 20:31 Referans Kwoze

RASUL 20:19

Nara ganya sokok nenebdangoka, heng mekaʾ yabalenen anababya, Yahudi nang ununaʾ adya yokaʾ-yokaʾ igina kwellilinyek bok, oka kweboka gweklenadyok, Wenelesilnya bedya wa nera welemsa.

RASUL 19:10

Paulus bera ban unuwoka unulumok salek era, gibnaʾ penya gobdo lemok dara, Yahudi nang yokaʾ babya, onoʾ Yahudi gom nang eneba, nidyaʾ sikda Asia moka ulumeknya nera, gobdo Yesus yuba nidyaʾ kemek.

RASUL 19:8

Paulus bera walaʾ winilya Epesus heikek uboka, anyagan Yahudi nim edya yuba don ek wekoka Imik Neyung adya eimik wenelemnesil yub enyek, nimi yok nang ek lolowoka anyek aboka bekellilisuk.

IBRANI 13:17

Dara ugunjaʾ dub nang era, ugunuk bo un nang nenebdangoka, sikda ugunjaʾ ganya nong anyek, Imik Neyung kemelesil senewoka, pe keeboka bo ulusakaʾ anasa, ugunda sikenek pe keboka ganya imik doro dillilisululum. Wera ugunda sikenek igina nenewanalum dara, ugunuk perob damok lanawanggunumla anasa, sikda eiya daboka welesinokaʾ aboka, ugunda sikenek pe keboka unulululum.

KOLOSE 1:28

Dara, ban benyek, nunda nim ek neklesab. Nidyaʾ yok-yok geremseng adya wenewoka, neklesab ara, nimi yok-yok Kristus lomok unaʾ anyek munaʾ kabnok aboka unulumab.

2 TIMOTIUS 4:5

Bok anak dara, nidyaʾ yokaʾ-yokaʾ lanalamla ak ab, ganya pe siklewoka diri ululom. Anda Imik Neyung bedya wa wennya dibaʾ uboka, yokaʾ-yokaʾ igina kwelenggel bok pe kaboka ululom. Anda perob lero yanggan yuba len wa hyak pe lelewoka welelom. Anak elegenjok wa nidyaʾ anyek, sobaʾ luka bongoldililom.

LUKAS 21:36

Ugunda yokaʾ-yokaʾ eimik nimi dibaʾ me yanamla sum unuwanamlaʾ ak ab goboka binobaʾ aboka hnon, nimi dibnaʾ me saramek seknobaʾ aboka hnon, wenyek heng uboka molowoka pe diri uldalalulum,” hyok.

MATIUS 13:25

Wera yok sum inimnek enyek, nimi nidyaʾ seleb hogunga maro lobek enyek, yok isaʾanya bedya yeiniboka, gandum doka yamamokaʾ ak sam walenja yinaʾ hnon yamawok dara, byuk.

WAHYU 16:15

Wera keblulum! Nara hokaʾ donya benesoʾ ak yanamna! Alda nong baneng yibinyaʾ adya, nimi hogung ak alya dabnelyek aboka dara, alda pe diri uboka, alja boksom pe keeboka bo ululanya bera, hyak pe ulumla.

2 TESALONIKA 3:8

Nunda yok nimi denaʾ doboka denemna dara, hnon salyaʾ del lonaʾ ara unuwanggumouba. Alda nimi yok nang ugun gangganek anaba, ganya malya ub elegeibyek aboka, yubyek inimnek pik moruwoka sobaʾ wa yeiriwoka welemouba.

1 TESALONIKA 5:14

Na kabo nim o, hnon ara ugunuk dukaʾ lolom-lolom alasab, Salyaʾ ulumak nim ek yuba seklulum, lok ganya bolomak nim ek ganya gwelelek aboka leblulum, hmeng ulumak nim ek arawolulum, nimi nidyaʾ ak, yongon ganya boboka berra ununggom.

1 KORINTUS 4:14

Nara ban wenyaboka ugunuk momnya dobsinaʾ ara, ugunuk alya dabsululaʾ aboka ubnenggubsin bok, ugunda nadya mab eneso ululumaʾ anasa, wenesin danasa lebsin.

RASUL 24:17

”Nara gibnaʾ wen Yerusalem heikek unggulumsa ara, onoʾ wenyok ara, nadya mok soko nim emba sikenek arasik bonaʾ enyek, boboka onoʾ Imik Neyung ak gibgiga yokaʾ-yokaʾ beil bunun aboka anasa Yerusalem heikek yeilimsa.

RASUL 20:11

Seleb unumok dara, Paulus bera onsok imik sam welewoka bukumok. Dara, roti gwanenga nim ek bokosuk seleb dara, sikda nidyaʾ demek. Wera onoʾ inimnek pik Paulus bera yok nang eb, onoʾ yuba saldalamekaʾ seleb dara, gwelegel yabok dara, ban salek era lanawoka balamok.

RASUL 20:7

Troas heikek ara, ban minggu en men sum enyek, hemyab eb bolowoka neikaʾ ak delemouba. Paulus bera ampum lanawoka binimna senemok anasa, anyagan ulumek nim emba yuba nauba lebdibigemok. Wera inimnek dukdukanek dangamok anaba Paulus bera anam yuba lelmorulomok.

MATIUS 3:7

Parisi nim eb, Saduki nim eb, nimi Yohanes bek meka dabsululaʾ aboka yalamek. Bok Yohanes bedya kemelemok enyek, nang enyek yekaʾ ak eibuk dara sikenek, ”Ugunda hyak malya unaʾ hwam nim ek ululum! Ugunuk ara heknedya Imik Neyung adya obnesilaʾ ak sam ab dara, blebdanalum asuk do?

PILIPI 3:18

Nara sobaʾ hnon ugunuk wenyalasisedyok, onoʾ nimi nauba ara sikja nong unaʾ era, Kristus gal dubuk somogokaʾ ara salyaʾ senewoka malya nenelemak. Bok, wen hnon engelamnakanya, ugunuk onoʾ saawoka lebsin.

2 TESALONIKA 2:5

Wera nara ugunub neikaʾ ulumouba salek, ban men ugunuk lesisaʾ anyek, ugunda pe seiniwoka beknelum.