RASUL 20:3 - PERJANJIAN BARU NALCA YUBA

³ Wera Yunani mok era, Paulus bera alda walaʾ winilya ulumok. Dara onoʾ Yunani mok eb ara, Siria moka bununaʾ aboka bobgegewoka ulumok enyek, yok nang edya Paulus bek, ”Yahudi nang edya anak obgenobaʾ aboka gegeb lobjakbok anasa, banggom mem,” wenhyek anasa, Paulus bera alda Makedonia pik uboka saawoka on pik yanamna senemok.

RASUL 20:3 Referans Kwoze

RASUL 20:19

Nara ganya sokok nenebdangoka, heng mekaʾ yabalenen anababya, Yahudi nang ununaʾ adya yokaʾ-yokaʾ igina kwellilinyek bok, oka kweboka gweklenadyok, Wenelesilnya bedya wa nera welemsa.

2 KORINTUS 11:26

Hyak omom uboka okna pika, nauba yabalamsa. Meka gwenel lendelenyok, hokaʾ don nang ek loka kwelenyok, Yahudi nang ek hnon, onoʾ Yahudi gom nim ek hnon lok ubnen bok yabalamsa, senenggom heikek hnon, gak denaʾ ak hnon, loka kwebnenbok yabalamsa. Mek dubuk ab loka dabnen bok, onoʾ yuba donaʾ orokjok, nunda yuba don nang alamak nang ek ab hnon loka kwelenyok.

RASUL 25:3

Wera Yahudi nang edya dara, Paulus bera Yerusalem heikek bo yanamak salek enyek, obnamab senemek anasa, wera Festus benyek alda ganya perob senewesilya dara, or Paulus bo yanok aboka orugesilom aboka molomek.

2 KORINTUS 7:5

Nunda Makedonia moka byuba sum eneba, goʾ pe bukoka dek-deka sobnenggububa. Nunda yok-yok pik ab uboka igina nenewoka ol neblesikaʾ ara, eilibek ara oldalamoubakanya, onoʾ meneng ganya lomok ab dara, lok ganya bolomouba.

GALATIA 1:21

Wera Yerusalem heikek ab danyek, nara Siria sokok sam hnon, Kilikia sokok ara, eimik bisa.

2 KORINTUS 1:15

Ban unu dib senenaʾ enedya, nara men ugunuk kemel yanasin senemsaʾ ara, anadya perob eleknaʾ li penenya dobnelum senemsa bok, nara lanab lobsa.

RASUL 21:3

mek dubuk sokok Siprus mok era, nunja waneng ek gek sam eibuba bok, nunda nera piboka Siria moka byuba. Wera nu bukumouba mek ekla bunaʾ era, alja bonaʾ bomok ara heikek yokoka beibnemok anasa, Tirus heikek an yinggyuba.

RASUL 19:21

Yokaʾ-yokaʾ nidyaʾ seleb unuru dakdomok dara, Paulus bera Makedonia moka binyekanya, onoʾ Akhaya mok eb ara, Yerusalem heikek binimna senen ganya bobok. ”Wera seleb ono sam byukuk ab dara, onoʾ nara wen Roma binimna,” hyok.

RASUL 18:18

Ban nen seleb unumok bok, Paulus bera or nauba Korintus heikek ulwenelemok. Wera Paulus bera Korintus nang ek or pe ululum abgogosuk dara, alda Akwila beb Priskila geblaboka, Siria sokok sam mek ekla bunaʾ adya bukoka bilimek. Men binggumok bok, Paulus bera Kengkrea heikek ab danyek Imik Neyung amba gwanga lomokaʾ ara, alja honga gomek.

RASUL 16:9

Troas heikek sam inimnek mabekek ab danyek, Paulus bedya lendara mabok enyek, nimi Makedonia nanga ben hnon sekoka Paulus bek sam lelemokja, ”Anda anasam garal yamenekanya, nuk aral yeisilom,” aboka molowoka bii alamok.

MATIUS 4:24

Yesus ara anaso uboka unulamla an yub era mok soko me nidyaʾ oboka lelemok dara, nimi nauba alak yalamek. Nimi nidyaʾ ara igina kweboka, yok-yok neiknaʾ salalesuk nim era Yesus ak bo yalamek. Wera nimi nidyaʾ koma bulumek nim eb, bisaʾ goloklesuk nim eb, nonga heilisuk nim era, Yesus adya meriyisuk.

RASUL 16:12

Neapolis heikek ab uboka dara, Makedonia mok bokoka hnonok ak sam heikek si ara Pilipi heikek lanal byuba. Dara, Pilipi heik ara Roma nang nadya aboka alawoka domok heik ulumok. Dara, nunda anyagan biniboka liga wen ulumouba.

RASUL 20:1

Wera Epesus heikek ara yok-yok malya yub edya yeiriwoka, iriri aboka lelemok ara seleb dengamok dara, Paulus bera Imik Neyung yuba doro diriga ban nang mamagoka, wera anyagan ugunda pe ulululum aboka wenebgogowosuk dara, perob aboka gibgogowoka wenewoka ubsuk dara, Paulus bera alda Makedonia sam lanawoka balamok.

RASUL 20:2

Paulus bera alda Makedonia moka nidyaʾ yibiniboka, wera anyagan ulumek nim ek pe ululum aboka wenyaboka wenero yabalesuk. Bok nen unubgogowokaʾ seleb dara, Paulus bera Yunani moka byuk.