RASUL 2:4 - PERJANJIAN BARU NALCA YUBA

⁴ Wera dara, sikda nidyaʾ Imik Neyung ganya adya deknesuk dara, Imik Neyung Geisinya adya anyek sabnok senewoka elegesukaʾ adya, sikda yok-yok yuba nidyaʾ saro yabalamek.

RASUL 2:4 Referans Kwoze

MARKUS 16:17

Ban nim enera, yuba dib dobek beknaʾ dibaʾ ara, ban migib enyek ulumnesil, yuba dib senewoka domeija nim edya, nadya si sibuka bisaʾ yaklemnemak, sikda sikba elgom yuba, wenyok yok yuba, saro yabalemnemak,

RASUL 13:52

Wera Antiokhia heikek ulumek yuba doro diriga ban nang era, hyak ei-ei ganya boboka, Imik Neyung Geisinya adya deknewoka ulumek.

RASUL 4:31

Wenyaboka Imik Neyung ak seleb mololgogol yabek dara, sik longomek e nera warawoka lobok. Dara, sikda nidyaʾ ara Imik Neyung Geisinya adya deknewoka, asaʾ nong anyek, Imik Neyung yuba nim ek lero yabalamek.

EPESUS 5:18

Nimi ganya uu aboka serema salalesil mek era nauba den dara, nimi malya nenewoka soldelesilaʾ anasa, mek era ganya uu hesilyek aboka denggom, mem. Bok, ugunja ganya era, Imik Neyung Geisinya adya ok deknewoka bo ulusulul.

1 KORINTUS 12:10

Hnon nim ek ara, yokaʾ-yokaʾ senenggomaʾ migib ununaʾ anyek, unuro yaban danasa wa migib en damok eleklamla. Onoʾ yok nim ek ara, ununumnaʾ lelelulaʾ aboka, an wa nen migibaʾ eleklamla. Al onoʾ neik Geisinya bedya hnon nim ek ara, ban nenera Imik Neyung wa ara ban, alda ban nenyek dara, Imik Neyung adyinya gomaʾ an wa migib eleklamla. Hnon nim ek ara, yok-yok sokok yuba ella danganaʾ damok migibaʾ eleklamla, hnon nim ek ara, yuba damok danyek nera damok ara, banyek lebok an danasa migib eleklamla.

YOHANES 14:26

arasinya bera, Neyung bedya nadya si pik uboka bokol yanasil Geisinya edya, yokaʾ-yokaʾ nidyaʾ ugunuk neklemnesilikanya, nara ugunuk lesisa yuba nidyaʾ bekellilimnesil.

RASUL 19:6

Wera Paulus sikenek soruka salawoka heng uboka lelesuk sum enyek, Imik Neyung Geisinya sikenek gologol yingginiboka, sikda yok-yok yuba saboka, Imik Neyung yuba lel yabek.

RASUL 10:46

Kornelius bedya ek longomek nim era sikba elgom yuba saboka, Imik Neyung ak alja unulamla ara perob aboka giboka lelemek anyek kemek anasa, loka dasuk. Dara, Petrus bedya lemokja,

RASUL 9:17

Dara Ananias bera, Yudas bedya ek biniboka, Saulus bek soruka diyiwoka umok. Ananias bedya Saulus bek lebokaʾ ara, ”Hem Saulus o, ampum pikik yalamom danyek eiyimomnya Wenelesilnya Yesus bedya, nara anyagan yanamna adya anda merewoka, Imik Neyung Geisinya adya deknewanenggel anasa, wenyaboka alak bilom amla anasa yeilimna,” hyok.

RASUL 7:55

Bok Stefanus bera, Imik Neyung Geisinya adya deknewoka ulumoknya adya imik sam kemelemok enyek, Imik Neyung dilinaʾ yebokaʾ eiyimok. Dara, Yesus ara Imik Neyung bedya sirikek sam sekemokaʾ ak eiyimok.

RASUL 1:5

Dara, Yohanes Pembaptis bera, alda mek dem adya ok dalasuk bok, mek anam mandewal henggonggom ugunuk Geisinya adya mek dibaʾ dabnesil,” hyok.

1 KORINTUS 13:8

Wanaʾ unaʾ dibaʾ ara, hyak denghemenggomaʾ ulumla. Wenyek dara, nimi ganya geremseng uboka, Imik Neyung yuba lel eleklesak bok, eimik era unuwoka lebnenggunumak. Wenyek dara, nimi hnonda yok-yok yuba salamak bok, eimik era dengaro lobnamla. Wenera nimi yokaʾ-yokaʾ nidyaʾ ella dangalamak bok, eimik era denghenemla.

1 KORINTUS 13:1

Nara nim adya yuba nidyaʾ ella dangoka salasinya bok, lero nang yub anaba ella dangoka salasinya bok, yok nim ek, wanaʾ unaʾ orok dara, wera nadya ella dangoka salasinya yuba danara, abya meklaʾ ak moka go-go alamla sokaʾ ak, senenggom nyonyanaʾ nyo-nyo alamla sokaʾ ak, ulumnesinya.

RASUL 13:9

Bok Saulus bedya, alja yok si nera Paulus alameknya bera, Imik Neyung Geisinya adya dib sekoka migiba gologomoknya bedya, nimi hwesinaʾanya bek okoka eiyiwoka lebokja,

RASUL 2:11

Yahudi nimi yokaʾ ab, hnonda Yahudi nimi gom bok, Yahudi nimi yuba domek nang eb, hnon Kreta nim ab, hnonda Arab nim ab bok, Imik Neyung adya alja senenggom migib unulamla anyek, nunja yuba yokaʾ-yokaʾ sunuwoka lelesak adya nunda pe kelemab,” aboka lelemek.

LUKAS 12:12

Anasa alda ugunja hekaʾ ak lebnelumaʾ ara, Imik Neyung Geisinya adya lebnelum salek ok neknesil,” hyok.

1 KORINTUS 14:18

Nak dara, yok-yok yuba edya ugunda mek salalum bok, nara nauba salamnaʾ anasa, Imik Neyung ak perob aboka giblamna bok,

ROMA 15:13

Wera Imik Neyung al ganya wenaʾ damoknya bera, ugunuk nidyaʾ eiya bon ganya eb, pe namenaʾ un ganya eb, ugunja ganya dib senenaʾ pik uboka nidyaʾ gigiwoka unulusulul. Anedya ugunda Geisinya migib pik uboka, ganya wenaʾ ara hyak nauba danggiga balamnelum.

RASUL 4:8

Petrus Imik Neyung Geisinya adya deknewoka ulumoknya bedya sikenek, ”Wei, ugunda Israeli dub nang uboka, Imik Neyung yuba dam nang o,

YOHANES 20:22

Dara, ban wenyabgogomokaʾ seleb dara, sikenek hibaʾ gob goluwoka, ”Wera Imik Neyung Geisinya doblulum,” asuk.

LUKAS 4:1

Wera Yesus ara, Imik Neyung Geisinya adya boro loboknya bera, alda Yordan mekek abaʾ ara yanggok dara, Imik Neyung Geisinya adya hwalek sam mok bo byuk.

1 PETRUS 1:12

Imik Neyung adya ununumnaʾ lelemek nang ek ara, ugunsamba leldanggululum, alda eimik ulumnemak nim emba lelelum aboka nekesuk. Anara ugun wen an Imik Neyung yuba len nang ek ab, Yesus Kristus amba yuba kelelumaʾ anyek lelesik. Sikja ugunuk lero yalasikaʾ ara, Imik Neyung Geisinya adya, imik heikek abaʾ ara, eleklesilaʾ anyek ugunuk lelesak. Dara, lero nang edyaʾ anaba, sikja lelesak yub era ella danob senewoka dulumak.

1 KORINTUS 14:5

Ugunda nidyaʾ yok-yok yuba salamnasom dara, perob senewanesinya. Bok, hyak nauba perob nong ara, ugunda Imik Neyung adya unuwaseng senelamlaʾ anyek, nim ek lel eleklemnesom dara, nauba perob senewanesinya. Imik Neyung yuba lelemak nang ek dara, hyak dib nong nang ulumak bok, yok-yok yuba salamak nim era, yuba danganaʾ orok dara, or mek so ulumak. Alda yok-yok yuba salamak nim era, yuba dolomak nim enyek migibaʾ dangiyiwanobaʾ aboka, yuba dangawanamla dara, pellilimnesil.

RASUL 11:15

”Dara, nara anam yuba saboka leb einimsa dara, Imik Neyung adya Geisinya era, nuk men youmaʾ Imik Neyung adya elegesuk sok, onoʾ sikenek yinggilisuk.

RASUL 6:5

Dara, nimi nidyaʾ obadya nang lebsik yub era perob senemek dara, nimi si Stefanus bek, Imik Neyung Geisinya adya ok alja ganya deknewoka, Yesus ak hyak dib senewoka, ganya ologoka domoknya bek sekiyimek. Dara onoʾ, yok nang hnon sekiyisik nang era, hnonda Pilipus, hnonda Prokhorus, hnonda Nikanor, hnonda Timon, Parmenas, Nikolaus Antiokhia mok ebnya hnon, sekiyimek. Nikolaus bera alda Yahudi nang gom bok, Yahudi nang Imik Neyung yuba ak wekoka domok.

RASUL 6:3

Dara wera, unulum anasa leboka, ugun gangganek ab yuba saboka, ugunja lelum ara webnok aboka, sikja ganya geremseng uboka Imik Neyung Geisinya adya ok deknewoka ulumeija nang ek, sekbadya sekiyiwanamab.

RASUL 1:8

Bok, ugunda Imik Neyung Geisinya ugunuk sam seleb yeisilya dara, ugunda migibaʾ dobnelum. Dara, Yerusalem heik ab, nidyaʾ Yudea sokok ab, Samaria sam ab ara, nidyaʾ soko dagolongnaʾ me nidyaʾ, nasamba yuba bo lero yabalemnelum,” hyok.

LUKAS 1:15

Anasa alda, Wenelesilnya bedyaʾ saramek ab senenggomnya danamlakanya, yu mek gom, anggur dok mek ab dara, denggulumnamla. Anya alda anam beiblya salek ebaʾ ara moruwoka, Imik Neyung Geisinya adyok deknewoka ulumnamla.

EPESUS 6:18

Dara, Imik Neyung Geisinya adya, ugun nonga bo ulusilaʾ adya, nidyaʾ salek enyek, yokaʾ-yokaʾ amba mololelulum. Dara, sobaʾ websiniwoka, munaʾ Imik Neyung mabo nidyaʾ amba bulugul lonaʾ loboka, mololsinilelulum.

EPESUS 3:19

Anya Kristus adya wanaʾ ulusilaʾ ara, nimi ganya sirikaʾ adya dara, nidyaʾ pe olowoka ella danggunusengnya nenyek, ugunda ella dolulum aboka mololesin. Dara, ugun nong ara, Kristus adya wanaʾ unaʾ pe olowoka ella ulumunukanya, Imik Neyung hnonok ok ulumla nong unaʾ enyek, deknewousululaʾ aboka mololesin.

RASUL 11:24

Ban Barnabas benera, alda Imik Neyung Geisinya adya dib sekoka, alda dib senenaʾ ganya deknewoka uboka, hyak perobnya ulumok. Dara, nimi nauba alsamba leboka Wenelesilnya bek dib senelemek.

RASUL 6:8

Stefanus bera Imik Neyung adya wanaʾ uboka eleksinaʾ ab migib unaʾ ab dadya, deknewoka ulumok adya, alja hyak lok soʾ ab, senenggom beknaʾ anaba nimi hnoum nauba unuro yabalemok.

LUKAS 21:15

Ugunjaʾ isaʾ nang edya, ugunuk malya nenewoka obneboka, ugunja lebnemun yub era sondaʾ amba lebak senen dalyek aboka, nadya ugunuk sabnemun yub eb, ella dangan geremseng eb eleganesin.

LUKAS 1:67

Dara Zakharia, Yohanes eili bera, Imik Neyung Geisinya adya deknewoka ubookanya, anaso unuwanamla aboka ununumnaʾ lebokaʾ ara,

LUKAS 1:41

Dara Elisabet gera, Maria gedya gibel yabokaʾ anyek kel yabok sab-sab, alja mon lomok bomok me nera nauba ebegookanya, Elisabet gera Imik Neyung Geisinya adyok deknero lobok.

MATIUS 10:19

Bok ugunuk henga geregoka yana lelewanasab aboka, nimi yana lelesinaʾ ek sam bo binisak dara, ugunda hekaʾ huboka yuba sekdanamna do, yuba harsonya pe sabnamna senen ganya bonaʾ ak sam ara ugunda lok ganya bonggom, mem. Anasemba dara, ugunja yuba sabnemunaʾ damok ara, eleganesin senemlyaʾ sum eleganesululaʾ.

2 PETRUS 1:21

Nera Imik Neyung yub ara, hnon nim adya ok salyaʾ ganya doboka lebnesinya senewoka lenggulumek. Bok, alda Imik Neyung Geisinya anyek, Imik Neyung yuba leblulaʾ aboka, nimi ganya ak wekemok nang edya lelemek.

RASUL 2:3

Dara, uk bokaʾ lolong-lolong aboka nimi nidyaʾ ellaʾ gigiro singiro buru yabalesukaʾ ak, eiyimek.

RASUL 8:17

Dara, Petrus beb, Yohanes beb dadya, Samaria nim ek sikja soruka salawoka heng uboka lelesirik dara, wera Imik Neyung adya Geisinya ara dib domek.

RASUL 10:47

”Wera ugunda kendululum! Nuk men youmaʾ Imik Neyung adya Geisinya domoba sok, sikbabya dobakaʾ kendululum. Anasa wera, sikenek meka dabnesibya dara, yok nim edya, mem loblulum heneseng de?” hyok.

RASUL 15:8

Dara, Imik Neyung adya nimi nidyaʾ ganya ella ulusilnya bedya, alja Yahudi gom nang ek doro dibnesuk amba dara, seleb laga amasuk. Unuwoka amalasuknya nera, Imik Neyung adya alja Geisinya benyek, nuk men youmaʾ seleb elegesuk sok anyek, onoʾ sikenek hnon seleb elegesuk adya, amasuk.