RASUL 2:30 - PERJANJIAN BARU NALCA YUBA

³⁰ Imik Neyung adya orowek seleb poboka, Daud be pik uboka an nang yilaʾ gangganek ab, Imik Neyung adya dubnya hnon sekiyiwanamla aboka leb elegemok. Daud bera alda ununumnaʾ lenya ulumok adya, Imik Neyung adya alak dib unuwanamna amokaʾ ara, eimik era dib unuwanamla senewoka ella uboka diri ulumok.

RASUL 2:30 Referans Kwoze

2 PETRUS 1:21

Nera Imik Neyung yub ara, hnon nim adya ok salyaʾ ganya doboka lebnesinya senewoka lenggulumek. Bok, alda Imik Neyung Geisinya anyek, Imik Neyung yuba leblulaʾ aboka, nimi ganya ak wekemok nang edya lelemek.

2 TIMOTIUS 2:8

Banyek pe beknelam: Nadya perob lero yanggan yuba lero yeilimsaʾ ara, Daud nang yilaʾ ak abnya Yesus Kristus nimi somoknaʾ damok ak ab seleb embengaʾ suboka welewokaʾ ara, beklemnelam.

ROMA 1:3

Alja me nek dara, nim ek sam dara, Daud nang yilaʾ ak ab beibek;

MARKUS 12:36

Nenesa dara, Daud bera Imik Neyung Geisinya gologomokaʾ adya lebokja, Wenelesilnya bedya, nadyaʾ wenelenelnya bek lebokaʾ ara, Anda nadyaʾ sirik soruk sam bulumenaʾ moruwoka, anja isaʾ nang era, nadya anjaʾ yan damumduk sam bo yanenggen, wenhyok,” hyok.

WAHYU 19:16

Hnon aljaʾ akleng ek ara, anya eilik ab dara, Mok soko me dub nang nidyaʾ dubnya ulumlakanya, nidyaʾ wenelesak nang dubnya ulumla, wenyaboka momnya domek si nenyek ulumokaʾ ak eibsa.

WAHYU 17:14

Anya sikda domba me ak mala boboka oldalamnamak. Bok ban domba me ara nidyaʾ wenelesak nang sikja senenggom Wenelesilnya ulumnamlakanya, nidyaʾ dub nang dubnya ulumlaʾ anasa, alab, sikenek weboka doboka alak bojam ulumak nang eb dadya, oblamaganamak,” wenyaboka nekenyok.

IBRANI 7:21

Bok Yesus ak dara, anyek perobaʾ eleganenggen aboka, laga yuba lenaʾ gaknya ulumnelam aboka, Imik Neyung adya sekiyiwok sum enyek, Imik Neyung adya dib unuwanamna hyokaʾ ara, ”Wenelesilnya bedya seleb laga lebokaʾ ara, onoʾ saawoka yoka lebnenggunumla, anda aldib senenggom yuba wa gaknya sobaʾ amba ulumnelam,” hyok.

IBRANI 6:17

Anasa Imik Neyung adya dara, alja anyek eleganesin aboka lebsuk nim ek ara, nadya lebnaʾ ara hyak dib unuwanamna ok aboka, wera Imik Neyung ara al damnya si sibdangoka lebdok.

IBRANI 4:7

Anasa leboka, Imik Neyung ara, yok sum hnon meewokaʾ ara, ”Ban sumen,” hyok. Dara onoʾ eimik gibnaʾ gong lemok bok, Daud be pik uboka, Imik Neyung adya laga unuwanasin aboka lebokaʾ ara, ”Ugunda sumen, Imik Neyung yuba kebmunjok dara, onoʾ saawoka gasa ganya bonggom mem,” hyok.

IBRANI 3:7

Anasa wera, Imik Neyung Geisinya adya wenyalasil sok, ”Ugunjaʾ neyung yab edya youmaʾ ek hwalek sam ab Imik Neyung ak lobaʾ nenewoka blekoka ulumek sok, ugunda sumen Imik Neyung yuba kebmunjok dara, saawoka gasa ganya bonaʾ ara mem.

ROMA 15:12

Dara Yesaya beneba wenyalamokaʾ ara, ”Isai bedya damok ab be hnon lanawanamla, alda yok mok soko nim ek wenewousunun aboka lanawanamla, dara yok-yok mok soko nim era alak ok ganya dib beiliwanamak,” wenyaboka lelemok.

RASUL 1:16

”Hem yab o, Imik Neyung yuba momnya dobokaʾ ara, gigiwoka unuwanamla. Geisinya bedya uboka Daud bedya lemokaʾ ara, Yesus henga goubuka obnemak aboka duba dangamoknya Yudas bemba lemokaʾ ara, gigiwoka unuwanamla.

LUKAS 24:44

Seleb dara Yesus adya sikenek, ”Ban yub enyek ugunda nablaboka anam ulumouba dara, seleb ugunuk leb elegesisa ara, Imik Neyung yuba bukuk sam, Musa bedya unuwanalum an yuba webok bukuk sam hnon, ununumnaʾ len nang edya webek bukuk sam hnon, Mazmur yub ek momnya dobokaʾ nidyaʾ ara gigiwoka unuwanamla amsaʾ ara an,” hyok.

MATIUS 27:35

Nen seleb dara, oboka glameekanya, yina bomdewoka, alja boksom dobnobaʾ aboka yina akleng bomdewek.

MATIUS 22:43

Wenyek Yesus adya, ”Wera anaso dara, Imik Neyung Geisinya pik uboka, Daud bera, hekasa nimi blebsinaʾ dubnya bek Wenelesilnya aboka lemok do? Wera Daud bedya lebokaʾ ara,

IBRANI 1:1

Hyak youmaʾ dara, Imik Neyung ara yuba sabnamna dara, nunjaʾ neyung yab ek li gong-gong ununumnaʾ lelemek nang pik uboka yokaʾ-yokaʾ adya sunuwoka yuba salamok.