RASUL 2:22 - PERJANJIAN BARU NALCA YUBA

²² Onoʾ Petrus sikenek wenyasuk, ”Nadya hemyab Israeli nim o, nadya ugunuk ban dib lebnesin anyek keblulum. Yesus Nazaret mok ebnya bera, Imik Neyung adya seleb ugunsamba wa weblul aboka wa doboka elegemok anyek, beknaʾ elegesuk. Beknaʾ ara, Imik Neyung adya Yesus ak ab uboka ugun gangganek sam yokaʾ-yokaʾ lok so migib ununaʾ ab, senenggom lok so ununaʾ ab, yok so beknaʾ ab, unumokaʾ ara seleb eiyilum. Anasa, ugumbeyok ban nidyaʾ ara seleb ella ululum.

RASUL 2:22 Referans Kwoze

YOHANES 3:2

inimnek enyek, Yesus ak sam yeiniboka, ”Neyung neklesilimnya o, anja yokaʾ-yokaʾ migib unululamaʾ anyek, Imik Neyung adya anak aragenaʾ orok dara, wera unuwanggunusomaʾ anasa, anak dara Imik Neyung adya aldib sokok sam neksinya bokol yeilinjoknya bek ululamaʾ ara, nunda ella ulumab,” hyok.

RASUL 4:10

Neyung yab dub nang ugumbabya hnon, onoʾ Israeli sokok nimi nidyaʾ hnon, ella danalum. Ban heimokaʾ anyek embengaʾ seklelanya benera si ara, Yesus Kristus Nazaret mok ebnya bedya migib adya, ugunja hogunguk hyak eikaʾ sekla. Ugunja seleb oboka gal ak glablum dara, somogok bok, Imik Neyung adya somoknaʾ ak ab suboka bukiyimoknya bedya migib adya ubla ara, ella ubnalum.

LUKAS 11:20

Bok nak dara, bisaʾ yaklamnaʾ ara, Imik Neyung migib adya yaklamna, anya anyek unulamna dara, wera Imik Neyung adya ugun gangganek seleb wenelesilaʾ ara ulusil an.

MATIUS 12:28

Bok nak dara, Imik Neyung Geisinya migib adya, bisaʾ ara yaklamna dara, wera anara Imik Neyung adya seleb ugun gangganek wenelesilaʾ ara an seleb yal an,” hyok.

MATIUS 9:8

Wera Imik Neyung adyaʾ senenggom migib era, nim ek seleb elegosukaʾ anasa leboka, nimi nidyaʾ ban unumokaʾ anyek eibek nim edya dara, ganya lok uboka Imik Neyung ak gigilemek.

IBRANI 2:4

Imik Neyung ara aljaʾ lok so beknaʾ eb, senenggom lok so ununaʾ eb, lok so migib ununaʾ eb, hnon alja unuwanamna senemokaʾ sunuwoka, Geisinya anyek alja bokosuknya neb dadya, blebsinaʾ damok enyek laga amasuk.

2 KORINTUS 12:12

Nara aldib Kristus adya yuba lenaʾ gaknya laga beknaʾ ulumlaʾ ara, wa wenaʾ geknebaʾ ak lok soʾ beknaʾ hnon, senenggom lok so ununaʾ hnon, yok-yok migib ununaʾ ab dadya, ugun gangganek ab, nara hyak ganya siklewoka laga okoka welemsa.

RASUL 26:26

”Dara, Agripa dubnya beneba, nera aldib lelemla senewoka ella ulunel. Wera anasa, nara alja hogung ak ara asaʾ ganya boboka lelemna. Ban nidyaʾ lelenanya nera, hyak doknowoka unuwanggumok anasa, hnonok mekaʾ sirigaʾ anaba, alda eibnenggumoknya nera unggulumla senelamna.

RASUL 26:9

”Nababya youmaʾ dara, nadyaʾ yokaʾ-yokaʾ unulamsa ara, Nazaret mok ebnya Yesus alameknya bek blekoka lololonun senewoka yeiriwoka unulamsa.

RASUL 24:5

Nunja laga gaboka eillilimab ara Paulus bek dara, alda hyak soko me yok-yok soko nidyaʾ alja adya malya nenewoka dolul meneklamla. Onoʾ alda Nazaret mok eb lanabok mal gaknya ulumla.

RASUL 22:8

Dara nadya, Neyung o, anda heknya do aboka heibsa. Dara alja lebnyok ara, Nara anja olonelemnya, Nazaret mok ebnya Yesus ulumna, hyok.

RASUL 21:28

wenyamek, ”Wei Israeli nim o, aral yousululum o. Wera benedya nidyaʾ yok-yok mok soko biniboka, nunja mok nang ek malya nenesinaʾ damoka neklesilnya bera an. Hnonda Musa bedya unuwanalum an yub ek blekoka, onoʾ Wenelesilnya bedya ek malya e aboka bleklelanya bera alan. Anya onoʾ Yunani nang en Paulus bedya Imik Neyung adya geisa ek an aboka bo yalamla anasa, malya ullilimla hnon,” aboka lelemek.

RASUL 14:27

Wera Paulus beb, Barnabas beb dara, seleb Antiokhia heikek yarek dara, anyagan Imik Neyung yuba donaʾ nim eb neikaʾ ak mamagiyiwoka, Imik Neyung adya arawoka, sik pik uboka yok-yok heikek nidyaʾ perobaʾ unulumok anyek nekesirik. Dara onoʾ, Imik Neyung adya Yahudi gom nim eneba Imik Neyung ak dib senewoka dolomakaʾ ak hekaʾ huboka pika bakamokaʾ anyek nekesirik.

RASUL 13:16

Wera Paulus bera sekoka, soruka moub-moub aboka lebokja, ”Wei, hemyab Israeli nang sokok nang eb, onoʾ hemyabo yok nanga hnon Imik Neyung ak lok ganya boboka ululum nang o, ugunda nak or kebnenulum.

RASUL 6:14

”Stefanus bedya dara, Nazaret mok ebnya Yesus adya Imik Neyung e nenyek golowoka beibnamlakanya, Musa bedya Israeli nang unulumnulum aboka elegosukaʾ nidyaʾ ara yoknya dangawanamla alamla kemouba,” aboka lelemek.

RASUL 5:35

Dara, alda Yahudi Imik Neyung yuba dub nang ek, ”Hem yab Israeli nang o, ugunja ban Yesus adya yuba doboka lelemak nang ek unululum anyek, ugunja pe seiniwanalum.

RASUL 3:12

Wera, Petrus bera nimi nauba eiyimok dara, sikenek, ”Wei ugunda Israeli nim o, ugunda hekasa ban unumlaʾ ak loka dasil do? Ugunda hekasa nuk ngekellublesulum do? Ban nonga heiboknya bera nunja migib edya gom, nunda hyak pe ulunam adya gom, yan ingi yabalamla senelum de.

YOHANES 19:19

Wera Pilatus bedya, Yesus oboka glamek gal ak sam ara, Yesus ara Nazaret mok ebnya, Yahudi nimi dubnya an momnya donaʾ enyek doboka geregolulum aboka orugousuk.

YOHANES 15:24

Yok nim edya hyak ununggulusengnya nek, sik gangganek ununggulusinya dara, sikja malya unaʾ unggulususo bok, wenera, nadya unulamnaʾ eillilimak bok, nak lek senelenyaakanya, neyung beneba lek senelemak.

YOHANES 12:17

Onoʾ, Yesus adya Lazarus bek goboka yalom amookanya, suboka embengaʾ bukiyimokaʾ ak nauba longowoka eiyimek nim edya dara, Yerusalem heikek alsamba nekoka yuba lero yabalamek.

YOHANES 11:47

Dara, Parisi nang eb, sikja Imik Neyung yuba wa gakaʾ dub nang eb adya, yuba sabnobaʾ aboka, mok soko dam nang ak molowoka, sikda nidyaʾ eb bolobdangoka longowoka Yesus ara yokaʾ-yokaʾ hyak nauba lok soʾ ara beknaʾ dibaʾ unulamlaʾ anasa, nunda hekaʾ hubnemab do aboka yuba salamek.

YOHANES 10:37

Nadyaʾ neyung bedya nak welelom aboka elegenyok wa nenyek unuwoka wenaʾ orok dara, wera ugunda nak dib senenenggom mem.

YOHANES 9:33

Nak hwebnelnya bera, Imik Neyung ak ab yanggumso dara, alda yokaʾ-yokaʾ unuwanggunumso,” hyok.

YOHANES 7:31

Bok, nimi nauba longomek nim era Yesus ak dib senewoka lelemekja, ”Kristus adya nimi blebnesil aboka eimik eleganesilnya yalya dara, ban ben unulamla sok, yokaʾ-yokaʾ lok soʾ anyek beknaʾ dibaʾ unuwanamla de?” hyek.

YOHANES 6:27

Anasa wera, ugunda blolomla songa lelemla gwaneng emba yeiriwoka wenggom mem. Nimi nonga ganya embengaʾ nenelesil gwaneng enesa, yeiriwoka welelulum. Ban gwaneng era nimi dibaʾ me adya eleganesil. Alja neyung bedya pe unulamna aboka alak beknaʾ beiyimok anasa, alja ugunuk eleganesil,” hyok.

YOHANES 6:14

Nimi nauba Yesus adya unumok anyek, hyak lokso unumok eiyimek dara, ”Lok so beknaʾ ununumnaʾ lebnelanya sokok an yanamla, youmaʾ wenyalamekaʾ ara wera alan,” hyek.

YOHANES 5:36

Bok nak geklewoka lelemla yub era, hnon senenggomaʾ ulumlakanya, Yohanes Pembaptis bera mek so lelenyok. Anasa wera, nadya wen hekaʾ unulamnaʾ ara, neyung be na bokol yeilinyoknya bedya unuwoka welelom aboka orugenyokaʾ anyek welemnaʾ adya, wera nara aldib Imik Neyung bedya bokol yeilinyokaʾ anyek geklewoka lelenel.

YOHANES 4:48

Dara, Yesus ara ban soko dubnya bek, ”Ugunda yokaʾ-yokaʾ lok so beknaʾ senenggomaʾ, lokol danaʾ eilinggululum dara, dib senenggululum,” hyok.

YOHANES 1:45

Pilipus bedya Natanael be eiyiboka alak, ”Musa bedya unuwanalum an yub sam alak weboknya bera, ununumnaʾ lelemek nang alak wemeknya bera, eiyimab. Nazaret heik nang Yusuf bedya me Yesus alak eiyimab,” hyok.

LUKAS 24:18

Dara onoʾ penya nang danara, ben hnonda alja si nera, Kleopas bedya Yesus ak, ”Neyung o, anak hnonok wera Yerusalem heikek anara sekel yanggannya benya bek ululamaʾ adya, wene salek yokaʾ-yokaʾ unulamlaʾ ara, okoka eilinggululam de?” aboka heibuk.

MATIUS 2:23

Wera Galilea sokok ara, Nazaret alamek heikek sam ulumek. Ban unumoknya nera, Yesus amba leboka ununumnaʾ lelemek nang edya, ”Alda Nazaret mok ebnya,” henemak ameknya nenyek gigiwolulaʾ aboka umok.

RASUL 2:19

Nara yokaʾ-yokaʾ hyak lok so anyek imik eini sam unulumnamna. Onoʾ hyak lok so hnon ounu sokok sam an unulumnamna. Eneng ab, uk ab, senenggom solom ab, lanawanamla.

RASUL 2:43

Obadya nang Imik Neyung yuba lenaʾ gak nang edya, yokaʾ-yokaʾ senenggom lok so ununaʾ ab, lok so beknaʾ ab danyek, nauba unulumek dara, nimi nidyaʾ ganya loka daboka ulumek.

RASUL 3:6

Bok, Petrus bedya heimoknya bek, ”Rupiah yokaʾ-yokaʾ ara nak hnon unaʾ orok anasa, wera alda nak dan yokaʾ don hnonok ulumlaʾ anyek eleganenggen. Yesus Kristus Nazaretnya bedya si sibuka, anda sekoka yabalom,” wenyaboka hwemok.

LUKAS 18:37

Dara yok nim edya benyek an, ”Nazaret mok ebnya, Yesus anyek pik enyegan yabalamla,” hyek.