RASUL 19:11 - PERJANJIAN BARU NALCA YUBA

¹¹ Imik Neyung adya hyak lok so migib ununaʾ senenggomaʾ anyek, Paulus be pik uboka nauba unulumok.

RASUL 19:11 Referans Kwoze

RASUL 5:12

Dara, yuba lenaʾ gak nang adya nimi gangganek yokaʾ-yokaʾ lok so beknaʾ ab, senenggomaʾ lok so ununaʾ gong gong anyek, unura yabalamek. Wera Imik Neyung yuba dolomek nim era ganya hnonok uboka Salomo pik sindamak sam mamagoka yuba dolomek.

IBRANI 2:4

Imik Neyung ara aljaʾ lok so beknaʾ eb, senenggom lok so ununaʾ eb, lok so migib ununaʾ eb, hnon alja unuwanamna senemokaʾ sunuwoka, Geisinya anyek alja bokosuknya neb dadya, blebsinaʾ damok enyek laga amasuk.

RASUL 8:13

Simon be nimi hwelesuknya beneba, dib senemok. Dara onoʾ alba meka dabgogomok seleb dara, Pilipus beblaboka neikaʾ uro yabalerek. Wera Pilipus bedya, Imik Neyung adya hyak lokso migib anyek beknaʾ dibaʾ unulumok dara, Simon bera hyak lok anasa, ngolukdo ulumok.

RASUL 16:18

Hyakaʾ li wen sob-sobaʾ gel gera wenyal giriklemok. Dara, yok sum era, Paulus bera siklelonaʾ loboka, alda gel genyek an keeboka lemokja, ”Yesus Kristus si sibuka lebgen, Ban weklum bisaʾ era goboka yibilom,” hyok. Dara, al wene salek enyek, bisaʾ era gel genyek abaʾ ara goboka bilimok.

GALATIA 3:5

Imik Neyung ara alja Geisinya ugunuk elegoka, aljaʾ yokaʾ lok soʾ migib ununaʾ senenggomaʾ ara ugun gangganek unulusil. Ban unulusilaʾ ara unuwanalum an yub ek pe unululumaʾ adya unulusil gom, Kristus amba yub enyek ugunda keboka dib senelumaʾ adya unulusil gom?

RASUL 15:12

Wera danyek, anyagan longomek nimi nidyaʾ yuba sanaʾ loboka gelegemek. Anya yuba gelegoka, Paulus beb, Barnabas beb dadya, Imik Neyung ara sik pik uboka nimi yok soko nim Yahudi gom nim ek yokaʾ-yokaʾ lok so beknaʾ ab senenggomaʾ lok soʾ anyek sik gangganek unulumok anyek neklesirik dara, sikenek kero bulumek.

RASUL 14:3

Dara, Paulus beb, Barnabas beb dara, Ikonium heikek ara liga nauba so mandewoka ubdarek. Wera ulurek ab dara, hyak asaʾ ganya boboka, Wenelesilnya bedya yuba nauba lelerek. Wera Wenelesilnya bedya anaba, nadya wanaʾ uboka eleksinaʾ yub ara, dib ulumla ella danokaʾ aboka, lok so beknaʾ ab, senenggom lok so ununaʾ ab, elegesuk.

YOHANES 14:12

”Heknedya nak dib senewanenel dara, nadya welemsa wa nera, alba unuru welemnamla. Dara, nara Neyung bek binimnaʾ anasa, alda nauba so welemnamla asinaʾ ara, dib lemna.