RASUL 16:34 - PERJANJIAN BARU NALCA YUBA

³⁴ Wera nimi henga gereksinaʾ dubnya bera Paulus beb, Silas beb, alja ek sam eboka bo biniboka denaʾ siksamba urusuk. Dara alab, alja ek nimi nidyaʾ Imik Neyung ak wen dib senewab senewoka, sikja ganya ak eiya dasuk.

RASUL 16:34 Referans Kwoze

ROMA 15:13

Wera Imik Neyung al ganya wenaʾ damoknya bera, ugunuk nidyaʾ eiya bon ganya eb, pe namenaʾ un ganya eb, ugunja ganya dib senenaʾ pik uboka nidyaʾ gigiwoka unulusulul. Anedya ugunda Geisinya migib pik uboka, ganya wenaʾ ara hyak nauba danggiga balamnelum.

PILEMON 1:7

Hem Pilemon o, anja nidyaʾ yok Imik Neyung mab ek wanaʾ ulusilimaʾ adya, wera nadya ganya heklenelekanya, naba anaso unuweisinya ganya nauba bolomna! Munaʾ Imik Neyung mabo nidyaʾ anja nong unaʾ enesa leboka, hyak nidyaʾ anak ara, ei-ei ganya bolonjak.

ROMA 5:11

Anya onoʾ nenyek ok gom! Hnonda onoʾ, nunja Wenelesilnya Yesus Kristus al pik uboka, nunda ban neikaʾ hinaʾ dobubaʾ anasa, wera nunda Imik Neyung lomok uboka bolboloklemab.

RASUL 2:46

Sikda hyak sobaʾ Imik Neyung e eremek longowoka yuba sobaʾ dolomek. Dara sikda ganya sokok nenebdangoka, ei-ei ganya boboka, sikja e pik dero yabalamek.

1 YOHANES 3:18

Najabo yab o! Nunda sibamaʾ adyok gom, yuba dem adyok wanaʾ uldanaʾ ara mem. Bok nunda ganya goluwoka dib arawoka, dib aralemab anaʾ ara, nunja dib unulumnamabaʾ adya, wanaʾ uldalamnamab.

PILIPI 4:17

Wera nera nak dara, ugunja beibnulumaʾ anyek ganya dibyooka donaʾ ok dob lobnun senen ganya bonggulumna. Alda nadya dara, nim Imik Neyung yuba doboka ulumak nong unaʾ enyek ugunuk sam nauba dosulul senelamna.

PILIPI 4:4

Ugunda Wenelesilnya beb seleb neikaʾ kwebdangoka ululumaʾ anasa leboka, ei-ei ganya sobaʾ bololulum. Onoʾ saawoka hnon wenyhenesin: Ugunda ei-ei ganya bololulum e.

ROMA 5:2

Dara ban ganya aldib senelemabaʾ adya, nunda al pik uboka, perob eleknaʾ ban pik era seleb doboka ulumab. Anya, nunda ban perob eleksinaʾ pikek ulumabakanya, Imik Neyung adyaʾ perobaʾ senenggomaʾ ara, dobnemab senewoka, ganya weboka bolboloklemab.

RASUL 11:14

Petrus bedya alja ugunuk, Kornelius anab, anja mabo silibaʾ e gekman blebnesuk yuba ugunuk neknesil henyok, aboka nuk neksuk,” hyok.

RASUL 8:39

Wera mekek ab ara goboka yabarek dara, Pilipus bera Imik Neyung Geisinya adya wene sab-sab doboka yokok bo bilimok. Dara, Etiopianya bedya dara, Pilipus bek mekaʾ eil donaʾ ara hyak orok. Bok, ban Etiopia dub nang wa wenaʾ dubnya bera ganya eiya daboka alja ek pik bilimok.

LUKAS 19:6

Dara Zakheus bera berra aboka sokok yingginiboka, Yesus ak pika dibok.

LUKAS 15:32

Bok nunda perob senewoka eiya daboka, pam oboka youbabaʾ ara, anja weis era seleb somogok bok, wera embengaʾ bukoka yal, seleb weiningdokjok, onoʾ saaboka eibabaʾ anasa, ubab! hyok,” wenyaboka lebok.

LUKAS 5:29

Dara alda Yesus ab neikaʾ denenam aboka, alja ek denaʾ youlomok. Rupiah molowoka dolosik nang gong eb, nimi nauba yok nim eb neikaʾ bukoka delemek.

GALATIA 5:22

Imik Neyung Geisinya adya ganya dok ara, wanaʾ ganya hnon, ei-ei ganya hnon, namen ganya hnon, siklenaʾ ganya hnon, heknaʾ ganya hnon, pe ununaʾ ganya hnon, bojam un ganya hnon,

RASUL 16:15

Wera dara, Lidia geb alja ek nimi nidyaʾ meka dasik. Seleb Lidia gera meka dabgogomek dara, alda nuk nadya ek sam yanalum aboka e bilisuk. ”Hem yab o, ugunja nak alda Imik Neyung pik uboka Yesus ak dib domla senemun dara, wera ugunda nadya ek sam mabnelum,” aboka e bilisuk. Dara, alja nadya pe keboka unuwanok, lobijek senewoka dukaʾ lolom-lolom asukaʾ adya, yo amouba.

RASUL 16:35

Ampum maboka gwelegok dara, Roma dub nang edya yin bonaʾ nang ek, nimi henga gereksin ek sam Paulus beb Silas beb henga lobsinok aboka, wenyal bululum wenyamek dara, bokol yeilimek.