RASUL 16:15 - PERJANJIAN BARU NALCA YUBA

¹⁵ Wera dara, Lidia geb alja ek nimi nidyaʾ meka dasik. Seleb Lidia gera meka dabgogomek dara, alda nuk nadya ek sam yanalum aboka e bilisuk. ”Hem yab o, ugunja nak alda Imik Neyung pik uboka Yesus ak dib domla senemun dara, wera ugunda nadya ek sam mabnelum,” aboka e bilisuk. Dara, alja nadya pe keboka unuwanok, lobijek senewoka dukaʾ lolom-lolom asukaʾ adya, yo amouba.

RASUL 16:15 Referans Kwoze

RASUL 11:14

Petrus bedya alja ugunuk, Kornelius anab, anja mabo silibaʾ e gekman blebnesuk yuba ugunuk neknesil henyok, aboka nuk neksuk,” hyok.

IBRANI 13:2

Dara hnon nim era, yok nim ek, ek yoululum amek dara, sikda elgom bok, wera lero nang ek denaʾ elegemekaʾ anasa, ugunda nimi yok nim ek, ek yanalum aboka perobaʾ lenaʾ ara hiliknenggom mem.

RASUL 16:33

Dara, al neik inimnek enyek, wera nimi henga gereksinaʾ dubnya bera, Paulus Silas ak doboka bo biniboka sikja eneng menengaʾ mek elegoka ubsuk. Dara, al dubnya beb, alja ek nimi nidyaʾ eb, wene salek enyek meka dabsik.

LUKAS 24:29

bok sikja danyek alak banggom aboka salaleng sok ubdek. Anya sikja alak, ”Wera seleb iniwalaganya gunaʾ dalaʾ anasa, anda nunja ek an mabnelam,” aboka lebdek. Dara Yesus ara sikjaʾ ek mabnunaʾ aboka neikaʾ wekek.

3 YOHANES 1:8

Anasa wera, nun yuba donaʾ nim ulumabaʾ ara, nunja hemyabo ban anaso ulumak nim ek arawoka ulumnemab. Anadya wera, onoʾ sikeneb neikaʾ dib yub amba angawoka welemnamab.

3 YOHANES 1:5

Nadya hem o! Nunja hem yabo yuba dolomak nim emba welelam dara, hnonda an ella ululam nim emba hnon, hnonda amba elgom ululam bok, yuba dolomak nim emba hyak yeiriwoka bojam weboka aralesilim.

1 PETRUS 5:12

Nadya ban burum momnya donaʾ beibsinaʾ anara, Silas benya arawoka beibsinem. Nadya dara, Silas bera nunjaʾ hem be yuba donaʾanya bojamnya bek ulumla. Nadya ban weboka beibsinaʾ anara, Imik Neyung adya perobaʾ eleklesilaʾ dibaʾ anyek, ugunuk unuwaneseng senewoka, unuwanalumaʾ anyaʾ aboka beibsin. Ugunda ban unu eleklesilaʾ anyek pe salabmoubuka ulululum.

PILEMON 1:17

Anasa wera nenesa leboka, nunda neik yuba don nang ulumabaʾ anasa, anja nak perobaʾ leboka dolonelem sok, onoʾ Onesimus beneba neik so perobaʾ leboka dobnelamaʾ anasa lebna.

PILIPI 1:7

Ugun nong anyek, nong unaʾ ak dara, mok-mok ulumab bok, ganya ak dara, na dam an sobaʾ neikaʾ ulumab senen ulumlaʾ anasa, wera ban nadya ganya enera wanoksodya unu seiniwanasisinyaʾ anaba gigiwoka ubnesinya. Anya hnonda Imik Neyung adya aljaʾ wanaʾ uboka eleksinaʾ era wen an nara gasa ek sam ulumna wenesa gom, loboka Imik Neyung adyaʾ perob lero yanggan yuba wa webnesinya danasa gom, alja wanaʾ uboka eleksinaʾ era ugun hnon, na hnon, neikaʾ doro beillilemabaʾ anasa, perob senewanasinya.

EPESUS 1:1

Ugunda Epesus heikek munaʾ Imik Neyung mabo Kristus Yesus ak doboka bojam ululum nim ek perob aboka gibsin. Imik Neyung ganya adyok seiniwoka, Kristus Yesus adya yuba lenaʾ gaknya nenewanyoknya, nara Paulus bedya,

GALATIA 6:10

Anasa, pe unun salek ulumla dara, nunda yok nimi nidyaʾ ak pe unulumnemab bok, nauba so ara, neik yub ek dib senelemab nim ek pe unulumnemab.

2 KORINTUS 12:11

Nak dara, hyak salyaʾ anya ulunabok, yokaʾ-yokaʾ pe ununaʾ ak sam amba dara, senenggom yuba lenaʾ gak nang eneba sikda senenggomaʾ bok, nak dara mekaʾ sirikaʾ ak ara, hnon unggulumla. Ban neneso leboka, ugunja nak ara pelemla senewoka gigiwananesom bok, ugunda unuwanggunulumaʾ adya, nara dongdang anaʾ anya beneso dangalamna.

2 KORINTUS 5:14

Kristus alja wana usinaʾ adya, nuk goluwoka bo ulusil. Dara, nimi ben hnon nimi nauba amba somogosuk dara, wera nimi nidyaʾ ara seleb somogekaʾ ak ulumakaʾ anyaʾ senelemab.

ROMA 16:23

Nak hnon, yuba donaʾ nim ak hnon, aralesilnya Gayus bedya, ugunuk perob aboka gibisil. Moksoko amba rupiah beillililanya, Erastus bedya hnon, nunja hembe, Kwartus bedya hnon, ugunuk perob aboka gibisirik.

2 YOHANES 1:10

Anasa wera, nimi hnon Kristus adya neknenggusuk yub enyek, ugunuk lero yanggeisija dara, sikenek giboka ugunja ek doro beilinaʾ ara mem.

RASUL 18:8

Dara, Imik Neyung e damnya Krispus bera, alja mabo gelewa nidyaʾ ab, Wenelesilnya bek dib senewoka domek. Dara, nimi nauba Korintus nang eneba yuba keboka dib senewoka yuba dolomek dara, sikbabya meka dasik.

RASUL 8:38

Dara onnya bedya, ”Pam e nera anyagan dek-deka sobnanam,” aboka orugumok dara, sikda anyagan balarek ara dek-deka sorek. Dara Pilipus beb, Etiopianya beb, mek inik yingginiboka, Pilipus bedya alak meka dabok.

RASUL 8:12

Bok, Pilipus bedya sik Samaria nim ek, Imik Neyung yuba leboka, nimi blebsinaʾ dubnya si Yesus Kristus adya, eimik wenelemnesil aboka lelemok dara, Samaria nim era Pilipus bedya lelemok yub ek dib senemek. Dara, sikda gelewa anaba, nengmab anaba, nidyaʾ meka dalasuk.

LUKAS 14:23

Dara onoʾ masa denaʾ damnya bedya, Anda nauba pik gwandanyaʾ ak gokgobok sam biniboka, nadya ek an nimi diblulaʾ aboka hyak anja yub edya dukaʾ lolowoka e yanasilim.

MATIUS 10:41

Heknedya ununumnaʾ lelenanya bek, alda ununumnaʾ lelelanya bek bar aboka, perobaʾ leboka dololanya bera, albabya lunuwoka ununumnaʾ lenaʾ deknaʾ ak dobnamla. Onoʾ nimi ben hnon yoknya bek benyek pelelanya anasa aboka, perobaʾ leboka dololanya bera, albabya lunuwoka perobnya anasa dolomak deknaʾ dobnamla.

MATIUS 3:6

Anya, sikja malya unaʾ eib kweboka laga lelemek dara, Yohanes bedya Yordan mek ek dalasuk.

RASUL 16:31

Paulus beb, Silas beb dadya lebdekja, ”Anda Wenelesilnya Yesus ak dib senewanalam dara, an nong ara blebnenggel. An nong ab, anja ek nimi nidyaʾ blebnesil,” arek.

RASUL 16:34

Wera nimi henga gereksinaʾ dubnya bera Paulus beb, Silas beb, alja ek sam eboka bo biniboka denaʾ siksamba urusuk. Dara alab, alja ek nimi nidyaʾ Imik Neyung ak wen dib senewab senewoka, sikja ganya ak eiya dasuk.