RASUL 15:23 - PERJANJIAN BARU NALCA YUBA

²³ Dara, Antiokhia heikek sam bokol bilimek nang eb neikaʾ momnya donaʾ hnon weboka beiyimekaʾ ara yub era ban: ”Yuba lenaʾ gak nang eb, yuba donaʾ nim bo un nang eb, ugunjaʾ hemyabo nim edya, hemyabo nim ugun Antiokhia sam Siria sam Kilikia sam ululum nim ek perob aboka gibisab.

RASUL 15:23 Referans Kwoze

RASUL 23:26

”Neyung hyak senenggom mak soko damnya Feliks o, Klaudius Lisias bedya perob aboka gibgen.

YAKOBUS 1:1

Nara Yakobus bedya Imik Neyung ab, Wenelesilnya Yesus Kristus amba arawoka welenanya bedya, obadya nang yilaʾ ak, mok soko me nidyaʾ ob lelewoka ululum nim ek nadya perob aboka gibsin.

GALATIA 1:21

Wera Yerusalem heikek ab danyek, nara Siria sokok sam hnon, Kilikia sokok ara, eimik bisa.

RASUL 15:22

Dara, Imik Neyung yuba lenaʾ gak nang eb, yuba dam nang eb, nidyaʾ Imik Neyung yuba donaʾ nim eb, mamagoka yuba saboka nimi wenen nang Barnabas Paulus ab neikaʾ Antiokhia heikek binok aboka bokol binimab aboka lemek. Dara, sikda yuba saboka, Silas beb, Yudas bok yok si nera Barsabas alameknya beblaboka, neikaʾ bokol bilisik. Dara ban penya nang dara, Imik Neyung mab adya sikenek hyak perob senesik nang ek sekiyisik.

3 YOHANES 1:14

Alda anab neikaʾ eibdeinimekanya, ok ab neikaʾ bukoka pe sabnomaʾ aboka, dubla anaʾ loboka yananabok anasa, lobna.

2 YOHANES 1:13

Genong o, anja Imik Neyung adya gaboka domok weis alja mab edyaʾ anaba, anak perob aboka gibenjak.

2 YOHANES 1:10

Anasa wera, nimi hnon Kristus adya neknenggusuk yub enyek, ugunuk lero yanggeisija dara, sikenek giboka ugunja ek doro beilinaʾ ara mem.

2 YOHANES 1:3

Anya wera, Imik Neyung adya hnon, alaʾ me Yesus Kristus adya hnon, nuk perob eleksinaʾ ab, angoo yadyek senewoka arasinaʾ ab, perob ok unaʾ ab, or eleklesururuk e. Ban nidyaʾ ara, nunda dib yuba lomok uboka ganya wanaʾ ubdangoka dobnemab.

RASUL 15:41

Wera Paulus beb, Silas beb dara, Kilikia moka hnon, Siria moka hnon, Imik Neyung yuba aknewoka lel ganaklerek. Dara, sikja Imik Neyung yuba donaʾ nimi ganya kayiwoka ulurek.

RASUL 15:4

Wera sikda Yerusalem heik nong ok lanal byik dara, anyagan Imik Neyung yuba lenaʾ gak nang eb, yuba dam nang eb, Imik Neyung yuba donaʾ nim eb dadya, pe leboka doro diyisik. Dara wera, Paulus Barnabas arob nang edya sikenek pik uboka, nimi Yahudi gom nang ek Imik Neyung adya yokaʾ-yokaʾ nidyaʾ unulumok anyek nekesik.

RASUL 15:1

Wera nimi wene nang Yudea sokok sam ab ara, Antiokhia heikek yeilimeekanya, Imik Neyung yuba domek nang ek wenewoka, ”Ugunda Musa bedya momnya dobok yuba sunuwoka bolaʾ garanaʾ orok dara, dib embengaʾ blebnenggunusil,” aboka lel eleklesik.

RASUL 14:27

Wera Paulus beb, Barnabas beb dara, seleb Antiokhia heikek yarek dara, anyagan Imik Neyung yuba donaʾ nim eb neikaʾ ak mamagiyiwoka, Imik Neyung adya arawoka, sik pik uboka yok-yok heikek nidyaʾ perobaʾ unulumok anyek nekesirik. Dara onoʾ, Imik Neyung adya Yahudi gom nim eneba Imik Neyung ak dib senewoka dolomakaʾ ak hekaʾ huboka pika bakamokaʾ anyek nekesirik.

RASUL 21:25

”Bok Yahudi nimi gom bok Yesus dib senemek nim era, nunja seleb yuba saboka, anyek unuwanamab aboka, sikenek sam momnya donaʾ pik lemobja, Ugunda nim ugumaʾ ak beillilimeijaʾ denaʾ denggom, pam enenga wining enenga salyaʾ denggom, somogalya pam wining salyaʾ denggom, gela salyaʾ salawoka yokaʾ unggom mem, aboka momnya doboka beiyimouba,” hyek.

RASUL 21:3

mek dubuk sokok Siprus mok era, nunja waneng ek gek sam eibuba bok, nunda nera piboka Siria moka byuba. Wera nu bukumouba mek ekla bunaʾ era, alja bonaʾ bomok ara heikek yokoka beibnemok anasa, Tirus heikek an yinggyuba.

RASUL 18:18

Ban nen seleb unumok bok, Paulus bera or nauba Korintus heikek ulwenelemok. Wera Paulus bera Korintus nang ek or pe ululum abgogosuk dara, alda Akwila beb Priskila geblaboka, Siria sokok sam mek ekla bunaʾ adya bukoka bilimek. Men binggumok bok, Paulus bera Kengkrea heikek ab danyek Imik Neyung amba gwanga lomokaʾ ara, alja honga gomek.

RASUL 11:18

Wera Yerusalem heikek ulumek Imik Neyung mab era ban yuba kemek dara, Petrus bek anda meknelelam aboka yuba lolowanggumek. Dara sikda Imik Neyung ak perob aboka giboka lelemekja, ”Yahudi nimi yuba donaʾ orok nim eneba Imik Neyung adya sikja malya unaʾ pik ab ganya dangawoka embengaʾ unaʾ dib dobnok aboka li eleklesil anasa, perob,” wenyaboka Imik Neyung bek giboka lelemek.

MATIUS 4:24

Yesus ara anaso uboka unulamla an yub era mok soko me nidyaʾ oboka lelemok dara, nimi nauba alak yalamek. Nimi nidyaʾ ara igina kweboka, yok-yok neiknaʾ salalesuk nim era Yesus ak bo yalamek. Wera nimi nidyaʾ koma bulumek nim eb, bisaʾ goloklesuk nim eb, nonga heilisuk nim era, Yesus adya meriyisuk.

RASUL 6:9

Bok yok nang edya, sikda Meebdanggogomek Nang e aboka silimek ek Yahudi nim edya yuba don ek dolomek nang edya alak walamek. Ban nang era Yahudi nang bok, si yok-yok, hnonda Kirene nang, dara onoʾ hnonda Aleksandria nang. Dara, hnonda Kilikia mok eb, Asia mok eb, sikda Stefanus beblaboka yuba gangawoka mala lanab dangamek.

RASUL 11:20

Bok onoʾ sik yub dib senewoka domek nang hnon era, Siprus mok eb nang hnon, Kirene mok eb nang edya dara, Wenelesilnya Yesus adya perob lero yanggan yuba enyek boboka, Yahudi nang gom nang ek sam Antiokhia heikek biniboka lel eleklemek.

RASUL 15:2

Bok Paulus beb, Barnabas beb dadya dara, nera sondaʾ lelelum aboka dogom aboka dukaʾ lolom-lolom aboka lelemek. Wenyabdanggiga balameekanya, wera Paulus beb, Barnabas beb, Antiokhia heikek Imik Neyung yuba dib domek nang eb, Yerusalem heikek bindiwoka Imik Neyung yuba lenaʾ gak nang eb, yuba dam nang eb, ban yub enyek sal binimab aboka, lebdangamek.