RASUL 15:11 - PERJANJIAN BARU NALCA YUBA

¹¹ Nera hyak mem nong! Wera Wenelesilnya Yesus alja wanaʾ uboka eleksinaʾ pik uboka, numba hnon, sikda hnon, neik so bleblesil senelemab,” hyok.

RASUL 15:11 Referans Kwoze

ROMA 3:24

bok wanaʾ uboka eleksinaʾ adya, Kristus Yesus pik uboka malya unaʾ ak ab seleb munaʾ dekoka dobsukaʾ adya, or goʾ perobaʾ nenelesil.

TITUS 2:11

Anasa Imik Neyung ara seleb orowek soko nimi nidyaʾ ak, blebsinaʾ damoka bo yalasil wanaʾ unaʾ era, seleb aawosuk.

GALATIA 2:16

Anyek babya, nimi perobaʾ nenelamlaʾ ara, unuwanalum an yub unulumakaʾ adya gom, Yesus Kristus ak dib senewoka ganya oloknaʾ adya, perobaʾ nenewousululaʾ aboka dib senemouba. Nimi nidyaʾ ara unuwanalum an yub ununaʾ adya dara, perobaʾ nenenaʾ ara, okna dangalamla.

2 KORINTUS 13:14

Wenelesilnya Yesus Kristus adya ugunuk wanaʾ uboka eleksinaʾ hnon, Imik Neyung adya wanaʾ ulusilaʾ hnon, Imik Neyung Geisinya adya ganya kweldanaʾ hnon, ugunuk ulusulul. Nara Paulus bedya gibsin e.

2 KORINTUS 8:9

Ugunda Yesus Kristus, nunjaʾ Wenelesilnya ululanya bedya wanaʾ uboka eleksinaʾ ara, seleb gobdo ella ululum. Kristus ara ugunsamba bonaʾ garannya danyaʾ adya, ugunuk bonaʾ dub nimi dolulumaʾ aboka, alda dubnya bok bonaʾ garannya dok.

1 KORINTUS 16:23

Wera Wenelesilnya Yesus adya wanaʾ uboka eleksinaʾ ugunuk sobaʾ ulusulul.

ROMA 6:23

Malya unaʾ adya deknaʾ ara, somoknaʾ damok ak ulumla, bok Imik Neyung adya perob eleknaʾ era, nunja Wenelesilnya Kristus Yesus lomok ulumla embengaʾ ulmoubnaʾ unaʾ ak ulumla.

ROMA 5:15

Bok Imik Neyung bedya perob eleknaʾ ara, Adam bedya meknemokaʾ anaso gom, yok so. Wera hnonoknya bedya meknenaʾ enesa leboka, nimi gong ara somogomek bok, hyak nauba so ara, Imik Neyung adya wanaʾ uboka eleksinaʾ ab, Yesus Kristus be hnon pik uboka perob eleknaʾ ab, nimi gong anasa leboka hmaboka elegousuk.

GALATIA 1:6

Kristus adyaʾ perob eleknaʾ pik uboka youbsuknya, Imik Neyung bek ara onoʾ loboka, alja dib perob lero yanggan yub era weilik geboka, yok lero yanggan yub alamaknya nenyek doboka ululumnya nera, nara lok anasa ngoluklesin.

WAHYU 5:9

Anya sikda wenyok yok ber enyek an wenyaro seblemekaʾ ara, ”Anda seleb objeekanya, an anja eneng edya, anda sik yok-yok nimi yilaʾ ulumakaʾ ak ab, sik yok-yok yuba salamak nim ek ab, sikja nimigumaʾ yok-yok unulumak nim ek ab, sik yok-yok mok soko ulumak nim ek ab dara, Imik Neyung amba dekoka doblum anasa, al anak danyek ban buku kerobaʾ en dobnelamakanya, alja beknaʾ denenaʾ danera, or anja baknelam.