RASUL 15:1 - PERJANJIAN BARU NALCA YUBA

¹ Wera nimi wene nang Yudea sokok sam ab ara, Antiokhia heikek yeilimeekanya, Imik Neyung yuba domek nang ek wenewoka, ”Ugunda Musa bedya momnya dobok yuba sunuwoka bolaʾ garanaʾ orok dara, dib embengaʾ blebnenggunusil,” aboka lel eleklesik.

RASUL 15:1 Referans Kwoze

GALATIA 5:6

Nimi Kristus Yesus lomok ulumak nim era, bolaʾ garalamakaʾ, orokaʾ ara, hnon dib nong ak unggulumla. Alda dib senenaʾ ara, wanaʾ unaʾ adya welemla dara, nenyek dib nong ara an.

RASUL 15:5

Bok, Parisi nang ulumek nang bok, Imik Neyung yuba dib senemek nang hnon nang adya sekoka, ”Yahudi yokaʾ gom nang bok Imik Neyung yuba dib senelemak nang era, Musa bedya bolaʾ garaldalalulum unuwanalum an hyokaʾ sunuwoka unulumnamak,” aboka lemek.

KOLOSE 2:8

Dara youmaʾ uru balamek yub eb, sokok an nimi sirikaʾ ganya ak ab yub ara, Kristus adya senenggululanya bok, or orok salyaʾ hwam yub adya, ugunja ganya ek henga goubsijek anasa, pe keeboka ulumnelum.

RASUL 15:24

Nunja anyaganyeb kemab dara, anyagan nun gangganek ab ugunuk an yeiniboka, sikja lemek adya ugunuk sam malya nenewoka hnon ugunuk ganya soro-wara eiyiwoka, ugunuk unulusak anaʾ ara kemab. Nunja dara, sikenek unulululum aboka oruksinaʾ ara orok bok, unulusak.

YOHANES 7:22

Bolaʾ garelelulum aboka, Musa bedya yuba weboka elegosukaʾ anasa, Sabat mem sum bok, merewoka bolaʾ garelelum. Dara, ban yub era Musa bedya gom, alda nunjaʾ neyung yabo Musa be anam salek men youmaʾ enyek orowek bolaʾ garelemek.

GALATIA 2:1

Wera onoʾ eimik gibnaʾ meijaʾ dubukaʾ badya seleb lebok danyek, nara Yerusalem heikek onoʾ bisaʾ ara, Barnabas be hnon neikaʾ bunuma. Anya, Titus be hnon neikaʾ byuba.

RASUL 15:3

Wera dara, Antiokhia heikek Imik Neyung yuba donaʾ nim edya, sikenek bo heik gokgobok sam bo bisik dara, sikda Fenesia pik uboka, Samaria heik ab ara unuwoka byik. Dara, pikik balamek ab ara, Yahudi gom nim eneba, Imik Neyung ak ganya dangawoka yuba dolomak aboka wenyaboka nekgiga balamek. Dara, anyagan Imik Neyung yuba doboka ulumek nim era, ban yuba kemek dara, sikda hyak ganya eiya dasuk.

RASUL 6:14

”Stefanus bedya dara, Nazaret mok ebnya Yesus adya Imik Neyung e nenyek golowoka beibnamlakanya, Musa bedya Israeli nang unulumnulum aboka elegosukaʾ nidyaʾ ara yoknya dangawanamla alamla kemouba,” aboka lelemek.

KOLOSE 2:16

Anasa, ugunda nim adya denaʾ amba gom, mek amba gom, perob sum emba gom, Sabat mem sum emba leboka, yana lelewoka igina kweiyiweisijik anasa, mem.

RASUL 21:20

Paulus bedya ban wenyaboka nekesuk anyek seleb kemek dara, perob aboka sikda nidyaʾ Imik Neyung ak giblemek. Danyek onoʾ sikja Paulus bek, ”Hem Paulus o, Yahudi nimi yokaʾ nong ara deng sal-salyaʾ anyek Yesus ak dib senelemak. Sikda Musa bedya unuwanalum an yub ek perob senewoka ganya oloklemek nang bok, Yesus ak dib senemek.

RASUL 15:22

Dara, Imik Neyung yuba lenaʾ gak nang eb, yuba dam nang eb, nidyaʾ Imik Neyung yuba donaʾ nim eb, mamagoka yuba saboka nimi wenen nang Barnabas Paulus ab neikaʾ Antiokhia heikek binok aboka bokol binimab aboka lemek. Dara, sikda yuba saboka, Silas beb, Yudas bok yok si nera Barsabas alameknya beblaboka, neikaʾ bokol bilisik. Dara ban penya nang dara, Imik Neyung mab adya sikenek hyak perob senesik nang ek sekiyisik.

RASUL 1:15

Dara onoʾ yok sum enyek, yuba dolomek nim era, hiboka denga dombadya ebdobnya lindigin badya (seratus dua puluh orang) longomek dara, Petrus bedya yuba lebnun aboka sekoka yuba lemokja,

RASUL 15:23

Dara, Antiokhia heikek sam bokol bilimek nang eb neikaʾ momnya donaʾ hnon weboka beiyimekaʾ ara yub era ban: ”Yuba lenaʾ gak nang eb, yuba donaʾ nim bo un nang eb, ugunjaʾ hemyabo nim edya, hemyabo nim ugun Antiokhia sam Siria sam Kilikia sam ululum nim ek perob aboka gibisab.

RASUL 15:32

Wera Yudas beb Silas beb dara, Antiokhia heik ubdaboka, al sik nong ara ununumnaʾ len nang ulurek adya wera, Antiokhia heik sikja hemyab ek ganya migib geboka, onoʾ pe wenewoka pe ululum aboka ganya kayiwoka lelesirik.

GALATIA 6:12

Nimi nuk perob seneweisinokaʾ aboka hogunga bo elemak nang edya, bolaʾ garanaʾ yub ara, unuwanalumaʾ aboka goklesak. Sikda ban unulumaknya nera, Yahudi nang edya Kristus oboka gal ak glamek yub emba leboka lobaʾ neneweisijik aboka ulumak.