RASUL 14:4 - PERJANJIAN BARU NALCA YUBA

⁴ Bok, heik enyegan nimi sik moumen dukaʾ lolowoka bokdangoka, hnonda Yahudi nang ek sam bokoka makal balamek dara, hnonda Imik Neyung yuba lenaʾ gak nang ek sam mamagel bilimek.

RASUL 14:4 Referans Kwoze

RASUL 28:24

Wera Yahudi nang edya dara, hnon darasam nang era sondaʾ lelemla senewoka dib senewanggumek dara, hnon nang era dib senewoka ganya ologomek.

RASUL 19:9

Bok sik gangganek ara, nimi hnon ganya gasa uboka, Imik Neyung yuba dib senewanggunusibya senemek. Dara, anyagan longolomek nang ek sam, ban nang edya Imik Neyung adya Yesus pik uboka nim embengaʾ blebnesin amok anyek, lek aboka sonda anasa lelemak aboka blekoka lelemek. Anasa wera, Paulus bera sikenek ab loboka, Yesus yuba doro diriga ban nang eblaboka neikaʾ senenggom sekolah dolomek e si Tiranus ekla ak sam bilimek. Dara anyagan ara li sob-sobaʾ Paulus bera yok nang eb heibdangoka unulumek.

RASUL 14:14

Wera yuba lenaʾ gak nang Barnabas beb, Paulus beb dara, nim adya sikenek im nang nenewoka pama oboka gibsinoba unulumek anyek kerek dara, sikja ongorek aklenga gweldekoka beiyiwoka gibsinoba ulumek nimi hnoum berra biniboka lerekja,

1 KORINTUS 9:5

Wenelesilnya Yesus alja weisab edya hnon, onoʾ yok yuba lenaʾ gak nang edya hnon, Petrus benedya hnon, yuba dolomna gelewa bomnakanya, neikaʾ yabalamek sok, nara yuba dolomla gel geneba doboka neikaʾ yibinggunusinim de?

RASUL 13:2

Dara sikda gwanenga denaʾ loboka, Wenelesilnya bek giboka ulsinilimek sum enyek, Imik Neyung Geisinya adya sikenek, ”Barnabas beb, Saulus beb, nadya sikja webnerak senemsa wa webduruk aboka, nasamba gaboka sekiyiwanalum,” hyok.

YOHANES 7:43

Anya wenyaboka, nimi nauba Yesus amba gangganaʾ lolobdangoka obdanobaʾ ulumek.

LUKAS 2:34

Dara Simeon bera sikenek perobaʾ leb elegousuukanya, dara me nen aljaʾ genong Maria gek wenhyokaʾ ara, ”Hyak dib nong ara ban me nera, nimi gong Israel sam ara hnon golugiyiwoka, hnon sekiyiwoka ubsululaʾ aboka orowek memewookanya, nimi nauba ara alak malya aboka walamnemak aboka, alda yokaʾ nong lok so beknaʾ danamla.

RASUL 13:45

Dara, Yahudi nang yokaʾ nong adya kemelemek enyek, nimi nauba Barnabas beb, Paulus beb dadya, lelemek yub ek dolomekaʾ eiyimek dara, sikda hman ganya boboka ulumek. Dara, sikda Paulus bek anda malya nong aboka, alja lelemok yub ek sondaʾ anasa lelemla aboka blekoka derewoka lelemek.

RASUL 13:50

Bok, anyagan heik yokaʾ senenggom dub nang eb, Imik Neyung ak lok ganya boboka ulumek dub gelewa eb dara, sikenek Yahudi nang edya wenyaro doblesik. Wera danyek, sikda Barnabas Paulus ak isaʾ nang geboka oboka, ugun penya dara, nunja ak sam ab lo binirum aboka waboka yakasik.

RASUL 14:2

Bok onoʾ Yahudi nimi darasam hnon nim era bokoka, Yesus yuba donaʾ lek senewoka ulumek nim era, Yahudi gom nim ek wenewoka sondaʾ anasa lelerak aboka wenewoka lelesik adya, wera sikbabya Yesus ak dib senewoka dolomek nim ek malya senelemek.

RASUL 14:5

Wera danyek, Yahudi gom nim eb, Yahudi nimi yokaʾ nim eb, sikja dub nang eb, Paulus beb, Barnabas beb danyek, girik adya gweboka saboka obnemab aboka yuba sal gegelemek.

RASUL 14:19

Dara onoʾ danyek, Yahudi nang edya wene nang Pisidia moka Antiokhia heikek ab hnon, Ikonium heik ab hnon ara, Listra heik yeilimeekanya, wenewoka lelesik adya, nimi nauba ganya dangawoka Yahudi nang ek sam makal bilimek. Wera sikda heik enyegan nang era, Yahudi nang eblaboka neikaʾ hiboka, Paulus bek girik adya saboka oboka, eremek weilik sam bologol bilimek. Sikja dara, Paulus bera seleb somogamla senemek.

1 TESALONIKA 2:14

Nadyaʾ hemyabo nim o, ugunuk an igina kweboka malya nenelesilaʾ ara, Yudea sam Imik Neyung yuba doboka, Yesus Kristus mabo dangamek nim eneba unulusil. Ugunuk an igina kwellilisakaʾ ara, ugunjaʾ meneng mok nang edya ulusak, dara Yudea sam yuba dolomak nim igina kwellilisakaʾ anaba sikja mok nimi Yahudi nang edya ulusak.