RASUL 14:20 - PERJANJIAN BARU NALCA YUBA

²⁰ Bok, yuba doro diriga ban nang era, Paulus omek ak akneb ganagoka diri seklemek dara, Paulus bera bukoka, on heikek sam wekel yeilimok. Wera ampum maboka gwelegok dara, heik era loboka, Barnabas beblaboka neikaʾ Derbe heikek birik.

RASUL 14:20 Referans Kwoze

2 KORINTUS 6:9

Yok nim edya elgom ulusak nang anaso ulumabakanya, onoʾ nimi hyak nidyaʾ ella ulusak nang ulumab. Nim adya dara, somogununaʾ aboka ulumak nang eneso senelesak bok, onoʾ embengaʾ ulumab. Nunda saboka olosak nang bok, nunda dibaʾ somoknenggulumab nang ulumab.

RASUL 20:1

Wera Epesus heikek ara yok-yok malya yub edya yeiriwoka, iriri aboka lelemok ara seleb dengamok dara, Paulus bera Imik Neyung yuba doro diriga ban nang mamagoka, wera anyagan ugunda pe ulululum aboka wenebgogowosuk dara, perob aboka gibgogowoka wenewoka ubsuk dara, Paulus bera alda Makedonia sam lanawoka balamok.

RASUL 16:40

Paulus beb, Silas beb, sikda nimi henga lobsikaʾ seleb gobdek dara, Lidia gedya ek bilirek. Wera e nenyek an Imik Neyung yuba domek nim ek sam, pe ululum aboka wenewoka ganya hekiyiwesirik seleb dara, Paulus Silas ara lanawoka birik.

RASUL 14:6

Wera sik penya ban unuwoka ngoroknaʾ delemekaʾ anyek eiyirek dara, Likaonia moka Listra heik sam hnon, Derbe heik sam hnon, doknol bilirek.

RASUL 16:1

Wera Paulus bera balamok ara Derbe heikek ab uboka dara, onoʾ Listra heikek byuk. Dara, anyagan ara Yesus ak yuba doro diriga balamoknya si Timotius ben hnon ulumok. Alja genong gera Yahudi nimi yokaʾ bok, Yesus ak dib senewoka domok gel. Bok alja neyung bek dara, Yunani nang ulumok.

RASUL 14:28

Wera Barnabas Paulus ara, anyagan Imik Neyung yuba doro diriga ban nang eblaboka neikaʾ nauba ulwenelemek.

RASUL 12:17

Wera, Petrus bedya ugunda yuba iriri anaʾ ara mem loblulum aboka soruka moub-moub aboka lesuk dara, onoʾ alja sikenek Wenelesilnya Imik Neyung bedya nimi henga gereksin ek ab hekaʾ huboka henga loboka bo gobonel anyek, longomek nang ek nekesuk. Dara, Petrus bedya, ”Ban nak unuwanel anasa, hemyab o, yok nang ek hnon, Yakobus bek hnon, wenyaboka neknelum,” aboka lebsuk. Seleb wenyaboka lebgogobok dara, Petrus bera anyagan ara loboka yokok sam lo bilimok.

RASUL 11:26

seleb eibdangerek dara, onoʾ Antiokhia heikek bobdanga yeiniboka, anyagan yuba donaʾ nim eb neikaʾ uboka, nimi nauba ak yuba leb elegoka, sikba yuba doboka ulumek salek era gibnaʾ hnonok gobdo lemok. Dara, ban Antiokhia heikek ab men youbuka, Yesus yuba doro diriga ban nang ek Kristen nang aboka si sib einimek.

RASUL 14:22

Wera men balarek sum enyek, Imik Neyung yuba leb elekgiga bilirek heik dara, yanggan sam era on pik yanggarek dara, Imik Neyung yuba doro diriga ban nim ek, dib senenaʾ ak mel-mela salabmoboka ulunokaʾ aboka wenebgiga yalarek. ”Nim Imik Neyung bedya wenesin heikek weknemak ara, sokok an igin yakaʾ hnon sum kwellilimnesil bok,” aboka wenebgiga sik yalarek heik pik era yeilirek.

RASUL 11:29

nimi nidyaʾ Yesus yuba doro diriga ban nang edya yuba saboka, numba bolomabaʾ sunuwoka, nunja hemyabo Yudea sokok ulumak Imik Neyung mab enesa, elek arawanamab aboka yuba samek.