RASUL 13:27 - PERJANJIAN BARU NALCA YUBA

²⁷ Anasa, Yerusalem heik ulumek nim eb, sikja dub nang eb dara, Yesus ara nimi blebsinaʾ dubnya senen ganya bobnenggumek. Sikda ununumnaʾ lelemek nang edya Sabat mem sum sikenek einilisik yub era, wera Yesus ak henga geregoka obek dara, ban unulumekaʾ nong adya, wera anadya ununumnaʾ lelemek nang edya lelemek yub era dib gigimok.

RASUL 13:27 Referans Kwoze

RASUL 3:17

”Wei hemyab o, anasa wera, ugunub ugunja dub nang eb, Yesus ak unulum ara, elgom adya unulum anyek, wera nara ella ubsin.

ROMA 11:25

Hem yab nang, wera anedya ugunda nunugok hyak ella ulumab senewoumunuk anasa, ban damok enyek ugunda ella doululum aboka, nara wenyhenesin: Israeli nang era sikja ganya hyak gasa adya, yok mok soko nim enyek hyak nauba wekel yok.

RASUL 15:21

Hyak youmaʾ enyek moruwoka, Musa bedya Imik Neyung yuba momnya domok anyek, heika nidyaʾ sam nauba einiwoka lelemeekanya, onoʾ wenababya Sabat mem sum nidyaʾ ara Yahudi nim edya yuba don ek sam einilimak anasa,” hyok.

LUKAS 24:20

Imik Neyung yuba wa gakaʾ dub nang eb, nunjaʾ Yahudi sokok sam dub nang eb dadya, bera oboka dibnelum aboka doboka elegeisik dara, wera seleb oboka galak glarob!

2 KORINTUS 4:4

Sokok an malya unaʾ gakaʾ ululanya bedya, yuba dib senenggulumak nimi ganya ibel leblesil. Wera an bisaʾ dubnya benedya, Kristus bera Imik Neyung sununaʾ anedya, Kristus si imik nenen yuba dilinaʾ heng eibijek aboka, heng luma nenelesil.

2 KORINTUS 3:14

Israeli nim era, sikja ganya seleb ong ibsuk. Dara onoʾ wenebabya, sikda youmaʾ wenyaldanaʾ yuba anam einilimak salek eneba, hogung goulunaʾ anaso anam sikja ganya ak ulusil. Kristus pik uboka adya ok, ban goulunaʾ era gloklamla.

1 KORINTUS 2:8

Dara, wen sokok an dub nang ulumak nim edya dara, Imik Neyung adya geremseng unaʾ nunsamba beiyisukaʾ ara, ella danggumek. Anasa wera, sikda hnon ella uluseng bok dara, Wenelesilnya hyak perobnya bera oboka gal ak glabnenggumneseng.

RASUL 28:23

Dara onoʾ, sikja Paulus bek anda sumenyek ansamba yana lelewoka lebnesilim anasa yanamab aboka leiyimek. Wera Yahudi nang edya Paulus bek an ululam ak yanamab amek sum era seleb yenebok dara, wera nimi nauba so yeilimek. Wera seleb yeilimek dara, Paulus bedya yeilimek nim ek, Imik Neyung adya senenggom wenesinaʾ yub amba geklewoka laga yana lelewoka leboka, Musa bedya unuwanalum an yub eb, ununumnaʾ lelemek nang edya hnon, Yesus anasa eimik era unuwanamla aboka lemeknya okoka laga poboka gararob aboka leb elegesuk. Wenyaboka yuba en lebdibigemok salek era lugunaʾ ebaʾ ara sin dok.

YOHANES 15:21

Bok, sikda nak bokol yeilinyoknya bek elgom ulumakaʾ anasa, nadya si nemba leboka, ban yokaʾ-yokaʾ ugunuk unulumnasak.

1 TIMOTIUS 1:13

Men dara, nara alak dib senewanggumsaʾ adya, nadya alak malya lelemsa, alja mab olomsa, yu ganya boboka ulusebok, elgom adya unulamsaʾ anasa, nak angoo yadyek senewoka arawanyookanya, ban wa nen welelom aboka elegenyok.

YOHANES 16:3

Ban unuwanasakaʾ ara, sikda neyung beb nab elgom ulusakaʾ adya, ugunuk eimik unulumnasak.

YOHANES 8:28

Anasa wera, Yesus adya onoʾ sikenek ara, ”Ugunda Imik Neyung adya bokol yeilimoknya nimi dibaʾ me, imik beibnelum sum enyek, nara heknya ulumnaʾ ara, ella danalum. Dara, onoʾ nadya yokaʾ-yokaʾ unulamnaʾ ara alja ganya doboka ununggulumok, alda al bokol yeilimoknya bedya lelemokaʾ ok sunuwoka lelemokaʾ ara, ella danalum.

LUKAS 22:34

Anasa Yesus adya Petrus bek, ”Petrus o, anda banyek dib senewanalam, sumen enesoʾ anyek wining yuba anam sabnenggumlya salek, anda nak lika winilya sondaʾ amba bobnenewoka nara bera elgomnya henenelem,” hyok.

MATIUS 22:29

Wera anasa Yesus adya sikenek, ”Ugunda Imik Neyung yuba momnya dobokaʾ ab, Imik Neyung migib ab, elgom ululumaʾ adya, wera meknewoka leblum.

LUKAS 23:13

Pilatus bera yuba wa gakaʾ dub nang eb, yuba neksin nang eb dem salyaʾ nim eb mamagiyiwosuk.

YOHANES 5:39

Ugunja dara, Imik Neyung yuba momnya dobokaʾ einiwoka ulumeibya adya embengaʾ unaʾ dobnemab senewoka nauba einililum. Wera, ban bukuk sam anaba nasamba geklewoka yuba lelelabok,