PILIPI 2:9 - PERJANJIAN BARU NALCA YUBA

⁹ Wera ban nenesa leboka, Imik Neyung adya dara, alak hyak im nong ok nenewok, anya alak ara yok-yok migib unaʾ era mek so bok, alak danyek hnonok hyak senenggom migib damok era elegok. Yok si nera mek so bok, alja si nenyek hyak imik nenewok.

PILIPI 2:9 Referans Kwoze

WAHYU 19:16

Hnon aljaʾ akleng ek ara, anya eilik ab dara, Mok soko me dub nang nidyaʾ dubnya ulumlakanya, nidyaʾ wenelesak nang dubnya ulumla, wenyaboka momnya domek si nenyek ulumokaʾ ak eibsa.

MATIUS 28:18

Dara Yesus ara sik berem yeiniboka, ”Nidyaʾ imik heikek ulumla migib eb, sokok sam ulumla migib era, nak Neyung bedya seleb eleganyok.

1 PETRUS 3:22

Wera Kristus ara imik heikek Imik Neyung sirikek sam bindewoka, lero nang ek hnon, nidyaʾ dub nang ulumakaʾ ab, senenggom migib ulumlaʾ nidyaʾ ara alja yuba kelemak.

IBRANI 2:9

Bok Yesus ara, seʾ salek amba mek sokok so geboka, lero ara imik geboka, Imik Neyung adya wanaʾ uboka eleksinaʾ adya, nimi nidyaʾ amba somogousululaʾ aboka umok bok, wera alda somogousukaʾ adya, alak si imik nenenaʾ ab, giginaʾ ab gouluwokaʾ ara nunda eillilemab.

WAHYU 5:12

Sikda yuba yeiriwoka saboka wenyalamekaʾ ara, ”Orob domba pam me nenyek danyek, damnya bedya len migib ab, bonaʾ dub ab, ella unaʾ damok ab, yeirin migib ab, alak nauba senewoka gibnaʾ ab, si imik nenenaʾ ab, giginaʾ nauba ab dara, alak danyek dobnamla,” wenyaro seblemek.

IBRANI 1:4

Wera, lero nang ek silisil si nera mek so bok, Imik Neyung adya Yesus ak sib elegok si nera hyak senenggom si nek sibuk. Dara neik so, lero nanga nidyaʾ ara sokok so nenewoka, alja me Yesus anyek hyak senenggom dubnya nenemok.

IBRANI 12:2

Anasa nunda nunja, ganya dib senenaʾ arawoka bo balasilnya be Yesus bek, nunja ganya dib senenaʾ ara pe munaʾ peldaknaʾ ak bo balasilnya bek heng yokaʾ bekoka hyak pe unulumnamab. Alda derelemekaʾ ara eiwaawom aboka, ganya eiya dabnaʾ alsamba ulumokaʾ ara lunuwoka on gal enyek ganya gouluwoka jaboka bobok. Anya wera alda Imik Neyung bedya ekla bunaʾ ek ara sirik ek sam bulumla.

YOHANES 17:5

Anasa, Neyung o, soko anam uyiwanggulum danyek, anablaboka ulunumukanya, si imik nenenaʾ seleb dobsa sok, wenera anja saramek sam neik so imik nenewanenelem,” hyok.

WAHYU 3:21

Nara malya unaʾ oblamagoka nadyaʾ neyung beb alja eklaʾ bunaʾ ak sam neikaʾ bulunuma sok, heknedya malya unaʾ ak ab oblamaganalanya bera, nadya bulumna ekla bunaʾ ak sam or neikaʾ buknenam aboka lebnamna.”

LUKAS 10:22

”Yokaʾ-yokaʾ nidyaʾ ara neyung bedya nak lebnyok. Nimi nidyaʾ ara me ak ara elgom ulumak bok, neyung anak ok hnonok ella ulunelem. Nim adya dara, anak elgom ulunjak bok, anja me nedya danyek, hnonok ella ulunggen. Anya hek nim ek, me nenedya neyung bera ban aboka neksin nang edyaʾ anaba ella ulunjak,” hyok.

WAHYU 11:15

Dara sek lero era, alja benggong lel yabokaʾ enyek, imik heikek lomok ara nauba yuba saro, banaso wenyalamek, ”Sokok an wenen yub ek dara, nunja Wenelesilnya Imik Neyung bedya, alja sekiyimoknya Kristus bedya hnon, danamlakanya, alda dubnya wenesinya dangoka hyak sobaʾ wenelmorulumnesil,” wenyaro balamek.

WAHYU 1:5

Anya Yesus Kristus yuba bojam laga lelesilnya bedya ugunuk ban nidyaʾ elegoka ulusulul. Yesus nong anyek, alak men nimi somoknaʾ ak ab suboka embengaʾ bukiyimoknya uboka, onoʾ al nong anyek nidyaʾ soko dub nang ulumakaʾ sikenek wenewoka bo usinaʾ dubnya ulumla. Dara alak, al Yesus ara nuk wanaʾ uboka, alja eneng edya, nunjaʾ malya unaʾ ak sam ab, blebsuknya bek,

2 PETRUS 1:17

Imik Neyung adya Yesus ak giboka imik nenewokaʾ ara, numba ok ulumoub bok ubok. Ban sum imik senenggom heikek ab yuba kebubaʾ ara, ”Nadya wanaʾ ulumna me nera ban. Alja nadya ganya hekel eleklenel!” hyok.

KOLOSE 1:18

Alda nong ak dara, yuba donaʾ nimi hiboka amba, al Kristus ara, huka, dubnya, ulumla. Alda men yokaʾ nong, anya somoknaʾ ak ab men nonga subuknya ulumla. Anasa, yokaʾ-yokaʾ ab dara, alak danyek, hyak nonokdob.

RASUL 5:31

Dara, nimi Israeli nimi ganya dangawoka malya unaʾ memelemnesilaʾ dobnokaʾ aboka, Imik Neyung adya Yesus ak imik weliyiwoka, alja sirik soruk sam bukiyiwoka, onoʾ nimi diri bo usinaʾ damok hnon, nimi blebsinaʾ damok hnon alak elegemok.

YOHANES 13:3

Yesus ara, neyung bedya nidyaʾ yok-yok migib unulamlaʾ ara, nak seleb elegenyookanya, Imik Neyung ak ab yeilimsaʾ ara, onoʾ saaboka Imik Neyung ak binimna senewoka ella umok.

MATIUS 11:27

Dara Yesus adya lebokaʾ ara, ”Yokaʾ-yokaʾ nidyaʾ ara neyung bedya nak elegoka lobongganyok. Nimi nidyaʾ ara me ak ara elgom ulumak bok, neyung bedya ok hnonok ella ulumla. Nimi nidyaʾ anaba, neyung anak ara elgom ulunjak bok, me adya ok ella ulunggel, anya me adya nadya neyung bera ban aboka amalesin nim edya hnon anak ara ella ulunjak.”

YOHANES 17:11

Nara sokok an loboka anak yanamnaʾ anasa, anyagan unggulumnamna bok, sikenek dara, sokok an or ulumnamak. Anasa, Neyung geisa ululamnya o, anab nab neikaʾ denewoka ulunam sok, sikbabya hnonok nong ulunokaʾ aboka, anja nak elegenulum si migib edya, sikenek bleboka bo ulumnesilim.

YOHANES 17:12

Nara sikeneblaboka neikaʾ ulumouba salek era, ban anja nak elegenulum si migib edya, nara sikenek bleboka pe bo ulusisa. Nadya pe beiyiboka bo ulusisa dara, Imik Neyung yuba momnya dobokaʾ gigiwolulaʾ aboka, weininggeldanaʾ geknemoknya nok, hnonok seleb weiningdok,” hyok.

EPESUS 1:10

Unu seinimokaʾ ara, yokaʾ-yokaʾ wen ulumlaʾ nidyaʾ sidyaʾ daknamla salek enyek, Imik Neyung adya dara, imik ulumlaʾ sokok ulumlaʾ, nidyaʾ hnonokaʾ ak nenewoka Kristus anyek dubnya ulumnamla aboka orowek seinimok.

2 TESALONIKA 1:12

Wera ban nenyek unulumunaʾ adya, wera nunjaʾ Wenelesilnya Yesus ara si imik nenewanalumukanya, onoʾ nunjaʾ Wenelesilnya Imik Neyung adyaʾ aljaʾ wanaʾ uboka eleksinaʾ sunuwoka, nunjaʾ Wenelesilnya Yesus Kristus adya ugunja si neneba imik nenewanasil aboka mololesab.

IBRANI 1:9

Bleknaʾ hwam unaʾ ara lek senen ganya boboka perob jong unaʾ wanaʾ nong ululamaʾ anasa, Imik Neyung adya, anjaʾ neyung Imik Neyung adya dara, anjaʾ hemyab era mek so bok, anak weboka dobjookanya, ei-ei ganya bonaʾ anyek anak nauba elegajok,” hyok.

3 YOHANES 1:7

Anasa wera, Imik Neyung si amba leboka, wa wero yibinemab aboka goubomekaʾ ara, wa welemnaʾ amba dara, Imik Neyung yuba elgom ulumak nim ek ab deknaʾ donggulumak.