PILIPI 1:28 - PERJANJIAN BARU NALCA YUBA

²⁸ Ugunja isaʾ nang ek lok ganya bonaʾ loboka, sobaʾ asaʾ ganya ok bolomnelumaʾ anyek hnon, ella ubnamna. Ban unulumunaʾ adya, wera sikenek orok nenewanasil beknaʾ laga danasilikanya, ugunuk dara, Imik Neyung adya blebnesil beknaʾ laga danasil.

PILIPI 1:28 Referans Kwoze

MATIUS 10:28

Ganya nong anyek on nim era hnon unggulumakaʾ anasa, alda nong bolaʾ dem anyek olomak nim ek, ugunda lok ganya bonggom, mem. Alda Imik Neyung ak hnonok, nong dem ab, ganya nong ab, nidyaʾ hiboka, oboka somoknaʾ dub heikek sam uka desin heikek dabnesilnya bek ok lok ganya bololulum.

ROMA 8:17

Anasa nunda alja mab ulumab dara, wera nunda alja misaʾ don nang ulumab. An wenyhenya nera Imik Neyung adya dobnemak hyokaʾ anyek, nunda Kristus ablaboka imik nenewesinok aboka alja ganya igina berenaʾ anyek dolomnemab dara, numbabya Kristus ablaboka neikaʾ dobnemab.

IBRANI 13:6

Wera anasa, nunda ganya daboka wenyalamabaʾ ara, ”Imik Neyung ara nadyaʾ aranaʾanya ulumla. Anasa nara loka dabnenggulumnamna. Dara nim adya dara, nak ara hekaʾ ak unuwanenyak do?” wenyalamab.

WAHYU 2:10

Wene salek enyek, yokaʾ-yokaʾ igina kwebnenggelnya nenesa leboka, anda lok ganya bonaʾ ara mem. Anda pe beknelamaʾ nong ara, anak sunuwanenggelaʾ ara, Iblis adya ugun gangganek sam hnon nimi doboka gasa ek sam henga geregoka beibnesil. An henga geregoka beiyisilya salek era, lika sagobadya mabnelum. Unuweigijaʾ anaba, anda bojam ululom! Anya somogamen dara, nadya anak dib embengaʾ ulmoubnaʾ huk golunaʾ ek goliyiwanenggen.”

1 TESALONIKA 2:2

Nunda anam Tesalonika heikek yanggumouba salek era, men dara Pilipi heikek ulumouba salek enyek, nim ara nuk derelesik, olosikaʾ ara, ugunda ella ululum. Nimi nauba nuk ara lek aboka lelesik bok, Imik Neyung adyaʾ asaʾ ganya elegosukaʾ adya, ugunuk perob lero yanggan yuba lelesuba.

LUKAS 3:6

Dara, nimi nidyaʾ ara Imik Neyung adya blebsinaʾ ara eimik era, henga boro beiyiboka eibnemak,” wenyaro momnya dobokaʾ ak, wenyalamok.

RASUL 28:28

Paulus ban lemookanya onoʾ lemok ara, ”Anasa wera, ban ak ella danalum. Imik Neyung adya nimi blebsinaʾ damok yub anyek, yok soko nang ek sikenek leb elegeisinok aboka seleb orugosuk. Dara, sikda ban yuba kebnamak,” hyok.

YOHANES 16:8

Wera, Geisinya ben yalya dara, soko nim edya malya unaʾ ek hnon, pe unaʾ ak hnon, yana lelesinaʾ ak hnon, sikja seinilimakaʾ anyek, nenegom aboka, okoka neknesil.

MARKUS 3:3

Wenyek Yesus adya soruka darasam somogomoknya bek, ”Hnoumung an sekel yalom,” hyok.