PILIPI 1:27 - PERJANJIAN BARU NALCA YUBA

²⁷ Yo, anasa wenyek dib nong ara, ugunda Kristus amba lebokaʾ perobaʾ Imik Neyung adyaʾ perob lero yanggan yub enyek, sunuwoka ugunda pe ulumnelum. Ban unu ulumunaʾ adya, yub ok kebnamnaʾ anaba, Imik Neyung adyaʾ perob lero yanggan yub ek ganya dib senewoka un danasa duboka hnonok nonga dangoka ulunobaʾ aboka, yeirilemak anaʾ hnonok ella ubnamna.

PILIPI 1:27 Referans Kwoze

EPESUS 4:1

Ban nenesa leboka, nara Paulus bedya, Imik Neyung amba leboka henga goubnyeknya bedya, ugunuk ara, Ugunja nong unaʾ era, Imik Neyung adya youbuka dobsuk nimi geknewaʾ ulululumaʾ aboka weneweisin.

1 KORINTUS 1:10

Nadya hemyab o, nara nunjaʾ Wenelesilnya Yesus Kristus si sibuka, ugunda ganya bokoldanaʾ hyak loboka, hnonok ganya boboka, hnonok seininaʾ seiniwoka, hnonokaʾ ak hiboka ulululumaʾ aboka, neik so ganya ok yo aldalalulumaʾ aboka, nara ugunuk wenelesin.

2 PETRUS 3:14

Anasa wera, nadya wanaʾ ulusin hemyabo nim o, ugunda Imik Neyung yanamna amok sum enesa diri ululum salek era, ugunja unaʾ era, mekaʾ gegenaʾ ponaʾ loboka, hyak geisaʾ nongaʾ anyek dibaʾ pe ulululum. Imik Neyung ab ugunub neikaʾ pe kwebdangoka unaʾ ara, hyak pe bo uldalalulum.

KOLOSE 1:10

Dara, alja senelamla anyek pe ella ubmun adya, ugunja ululumaʾ ara, al saramek ab dom digum ulumla adya or unu ulunok senewanemlakanya, yokaʾ-yokaʾ unululumaʾ nidyaʾ ara perob senewanamla. Nunda heng uboka mololosab ara, ugunda yok-yok perob wa weboka doka moulumnelumukanya, Imik Neyung ak ella danganaʾ nauba danggiga balalul aboka mololosab.

YUDAS 1:3

Nadya hemyabo wanaʾ ulusin nim o! Nunja neikaʾ dib senewoka domouba blebsinaʾ damok enesa, momnya doboka beibsununaʾ aboka ulumnakanya, onoʾ munaʾ Imik Neyung mab ek dib senenaʾ damok gobdo elegesuknya bemba, ugunda duboka salabmoubnelum aboka, ugunuk dukaʾ lolom-lolom along sok wenyaboka lebnesin senewoka momnya doboka beibsin.

1 TESALONIKA 4:1

Na kabo nim o, wen sidyaʾ lebdaknesin. Imik Neyung perob senewosululaʾ aboka anaso unulumnulum ara ugunuk nekesub dara, keboka wen unululum. Dara, wenyok Wenelesilnya Yesus si sibuka, sobaʾ nauba so dolulaʾ aboka, onoʾ unul sounululumaʾ aboka, dukaʾ lolom-lolom alasab.

PILIPI 2:12

Nadya hyak wanaʾ nong ulusin hemyabo nim o, anasa wera, nara ugun gangganek ulumsa salek enyek, ugunja nadya yuba pe keboka unulum sok, hyak nauba so ara wen mok bokdangoka ulumabaʾ wenyek unulumnunulum. Imik Neyung adya ugun nong ara seleb blebsukaʾ anasa, ugunja pe ululumnya nera nauba perob danggiga balasulul senen ganya boboka dulululum. Imik Neyung ak lok ganya boboka ban nen unulululum.

PILIPI 3:18

Nara sobaʾ hnon ugunuk wenyalasisedyok, onoʾ nimi nauba ara sikja nong unaʾ era, Kristus gal dubuk somogokaʾ ara salyaʾ senewoka malya nenelemak. Bok, wen hnon engelamnakanya, ugunuk onoʾ saawoka lebsin.

2 KORINTUS 13:11

Anya wera, hemyabo nim o, ugunda sobaʾ ei-ei ganya ok boboka, ganya kaboka pe ulunob ganya sobaʾ bololulum. Heknaʾ ganya hnon bololulum. Ugunda neik ganya ok boboka, neikaʾ kwebdangoka ulululum. Dara, Imik Neyung wanaʾ hwam ok uboka, heknaʾ ok ululanya bedya ugunuk ok ulumnesil.

RASUL 4:32

Nimi nidyaʾ men Imik Neyung ak dib senemek nim era, ganya hnonok hiboka, neik nong unaʾ ok ulumek. Nimi ben hnon bonaʾ yokaʾ-yokaʾ nidyaʾ bobna dara, nabeyok gelelenga borunun ganya bonggulumek. Yokaʾ-yokaʾ nidyaʾ, sikenek ulumokaʾ ara neikaʾ bokoka pe bolomek.

2 PETRUS 3:11

Anasa, yokaʾ-yokaʾ nidyaʾ anyek anaso ura denghenemla anasa, ugunuk dara, hekaʾ huboka goʾ ubnemab senelelum do? Ugun nong ara, Imik Neyung amba ok munaʾ gobdo geisa ganya boboka ulululum.

1 KORINTUS 15:58

Hemyabo nadya wanaʾ ulusin nim o, anasa wera, ugunda ganya kaboka migibaʾ anyek ulululum. Ugunja Wenelesilnya bemba nidyaʾ welelum wa nera, salyaʾ lelem danggunusil anasa, ugunda Wenelesilnya bemba yeiriwoka welelulum.

ROMA 1:16

Perob lero yanggan yub ek dara, nara alya dabnenggulunel. Ban yub era Imik Neyung migibaʾ nong ak ulumlakanya, nimi nidyaʾ dib senelemak nim, men nong dara Yahudi nim, dara onoʾ Yunani nim eneba bleblesil anasa, alya dabnenggulunel.

YAKOBUS 3:18

Ek nang nenelesak nim ek ab, namen unaʾ damoka melemakaʾ adya, perob unaʾ dolomak.

PILEMON 1:5

Nera an nong anyek, Wenelesilnya Yesus ak dib senewoka ganya ologoka ulumlakanya, onoʾ nimi yok munaʾ Imik Neyung mab ak wanaʾ ulusil an yuba kelemnaʾ anasa perob aboka ansamba nauba mololenggen.

TITUS 2:10

Hokaʾ donaʾ anaba hyak mem. Sikda pe uboka, wa bojam welemak senen hogung enyek laga geknelenok. Wera ban unulumeija hogung enyek, yok nim edya eiyiwoka, sikda nunja blebsinaʾ dubnya Imik Neyung bedya yub ek gigilenokaʾ aboka, unulunok.

2 TIMOTIUS 4:7

Nara pe yeiriwoka oldalamsa. Nara bik-bikal dakal bilimsa. Nara dib senenaʾ ak pe bojam ulmorulamnyaʾ ara sidyaʾ daknamla.

1 TIMOTIUS 1:19

Anda dib nong yub enyek ganya kweboka salabmoubmenekanya, ganya seininaʾ ak nekel eleklesilnya nek pe keboka, dulaʾ engewoka welelom. Hnon nim era, ban ganya lomok ono wenelelanya nenyek pe kenaʾ orok dara, sikja dib senelemakaʾ ara malya dangoka eiyiba daralamla.

1 TIMOTIUS 1:11

Imik Neyung adya ugunuk youbsukaʾ ara pe weisin senelesululaʾ aboka ugunja dib senenaʾ ak anyek pe sunuwoka, nauba perob danggiga balasululaʾ aboka, sobaʾ ara nunda ugunsamba mololesab.

RASUL 2:46

Sikda hyak sobaʾ Imik Neyung e eremek longowoka yuba sobaʾ dolomek. Dara sikda ganya sokok nenebdangoka, ei-ei ganya boboka, sikja e pik dero yabalamek.

MATIUS 12:25

Yesus adya Parisi nimi ganya dukduk ara seleb eiyisuk. Anasa alja sikenek lebsukaʾ ara, ”Mok soko hnon nimi dub nang ulumakaʾ gigiro isaʾ nang gebdanaseng dara, mok era goʾ pe senenya loboka ubnenggunumso. Anya nauba heika hnon gom, nim e hnon dolubdangoka, yok-yok isaʾ neneldalaseng dara, sikda hyak gobdo dengheneseng.

1 TESALONIKA 3:6

Wera Timotius bera nak seleb yeiniboka ugunda Kristus ak hekaʾ huboka dib senewoka uboka, ugunja wanaʾ uldalalumaʾ ara, perob yub enera neksuk. Dara onoʾ Timotius bedya nuk ara, hekaʾ huboka pero-pero unululumnya nenyek, anya nunja ganya edya dara pelemak senenya nu beklemnemab senelelumnya nenyek seleb neksuk. Anya ugunja dara nuk sikeneb eibdeisibya senelelumaʾ ara, nunjaʾ anaba ugunuk eibdeisibya senelemab sok ulululumaʾ aboka neksuk.

KOLOSE 1:4

Ugunja Kristus Yesus ak dib senelelumaʾ ab, munaʾ Imik Neyung mabo nidyaʾ ak wanaʾ ulumak an yub enyek, seleb kemoubaʾ anasa, unulumab.

PILIPI 2:24

Imik Neyung aralesilaʾ lomok uboka ella ulumnaʾ ara, naba men seʾ kemel yanasin senewoka ella ulunadyok lebna.

EPESUS 1:15

Wera anasa, ugunda Wenelesilnya Yesus ak dib senewoka domeekanya, onoʾ nimi nidyaʾ munaʾ Imik Neyung mab ulumak nim ek wanaʾ ulumak an yuba kebsisa dara,

EPESUS 1:13

Imik Neyung adyaʾ perob lero yanggan yub ugunuk blebsululaʾ aboka leb elegeisik yuba kel yabalum sum enyek, ugumbabya Kristus ab neikaʾ kwebdangoka un nimi dangalum. Dara, seleb dib senelum dara, Imik Neyung adya anasa leboka, alja eleganesin amok Geisinya era, alja mabo dangalamak beknaʾ dibaʾ ugunuk seleb elegousuk.

GALATIA 1:7

Dib nong ara, yok Imik Neyung yub era, hnon unggulumla. Bok nim adya ok perob yuba lelemab alamak nim edyok, ugunja ganya bobnenewoka, Kristus adya perob lero yanggan dib nong yub ek sam-samel meneklemak.

2 KORINTUS 9:13

Ugunja an laga pe unululumnya nenedya, ugunja yuba doblumaʾ anyek sunuwoka unululumaʾ anasa, ugunja an bojam unululumaʾ adya, Kristus adyaʾ perob lero yanggan yub amba anasa, yok nim era, sikda Imik Neyung ak gigilemnemak. Ugunuk an hekaʾ ulusilaʾ anyek, heknaʾ ganya boboka, sikenek hnon, onoʾ nimi yok nang ek hnon bokoka eleklesulumaʾ anasa leboka, sikda Imik Neyung ak gigilemnemak.

2 KORINTUS 4:4

Sokok an malya unaʾ gakaʾ ululanya bedya, yuba dib senenggulumak nimi ganya ibel leblesil. Wera an bisaʾ dubnya benedya, Kristus bera Imik Neyung sununaʾ anedya, Kristus si imik nenen yuba dilinaʾ heng eibijek aboka, heng luma nenelesil.

ROMA 15:29

Anya nara ella ulumnaʾ ara, wera nara ugunuk yanya dara, nara Kristus adya perobaʾ lelenel lomok, hyak senenya loboka unuwanasin senelamna.

ROMA 15:16

Wera anera nara, sik Yahudi gom mok soko nim ek, Geisinya bedya munaʾ yok geisa nenewousukaʾ anyek, Imik Neyung adya alak pe giboka beibnyak senewoka doblul aboka, Yesus Kristus wa wenya dasakanya, Imik Neyung adyaʾ perob lero yanggan yuba Yahudi gom nim ek lero yabalamna.

ROMA 10:8

Bok alja dara, hekaʾ alamla do? Ara ban: ”Imik Neyung yub ara, ugunja si bamaʾ ak hnon, ugunja ganya ak hnon, hyak ok nong ulumla,” alamla. Wera ban ganya aldib senenaʾ anyek, nunja lero yabalamab yub era an.

ROMA 1:9

Nadyaʾ ugunuk seinilisinaʾ beknaʾ aldib anaʾ dibaʾ ara, Imik Neyung adya, alja me nedya perob lero yanggan yub wa pik uboka, nadya ganya gouluwoka laga welemna pik an ella ulumla.

ROMA 1:5

Dara al si pik ab uboka, nunda wanaʾ uboka eleksinaʾ ab, yuba lenaʾ gak wa dara, nidyaʾ yok-yok mok soko nim era yub ak ganya dib donaʾ pik uboka pe keboka, sikda alja si nek aldib senewanok aboka dobub.

RASUL 24:24

Dara, onoʾ li wen maboka gwelegok dara, Feliks bera alaʾ gela Drusila geb neikaʾ halyaʾ alda Yahudi nang ulumok adya yeilirek. Dara onoʾ Feliks bedya, Paulus bek Yesus Kristus bedya yub enyek leblul aboka, anyagan do yoululum aboka orugosuk dara, yuba lelemokaʾ anyek dib senewoka kelemok.

PILIPI 1:5

Nara Imik Neyung ak perob aboka giblamnaʾ damok nong ara, ugun nong anyek anam sum ekaʾ ara moruwoka sumen eneba, ugunda nak arawoka Imik Neyung adya perob lero yanggan yuba wa era neikaʾ welemabaʾ anasa, hyak eiya ganya boboka mololesin.

PILIPI 3:20

Bok nuk dara, imik heikek ab nim ek ulumab. Dara, al neik heikek ab nunjaʾ nimi blebsinaʾ dubnya Wenelesilnya Yesus Kristus ara eimik yanamla. Al nong anyek nunja dara, wera eibsibya senewoka diri ulumab.

PILIPI 4:1

Nadya wanaʾ ulusin hemyabo nim o, wera anasa ugunda Wenelesilnya bek hyak dib senewoka ganya ologoka ubmoublulum. Nara ugunuk hyak eibsisinya senen ulusin. Ugun nong anyek, nadya ganya hekoka nadyaʾ deknaʾ dibaʾ nim ululum.