PILEMON 1:9 - PERJANJIAN BARU NALCA YUBA

⁹ nunda wanaʾ uldalanamnya nenesa, unuwanalam aboka molowagenaʾ ok. Nara seleb yamen danakanya, wera Yesus Kristus amba leboka gasa ek seleb henga geregoka beinyek.

PILEMON 1:9 Referans Kwoze

EPESUS 4:1

Ban nenesa leboka, nara Paulus bedya, Imik Neyung amba leboka henga goubnyeknya bedya, ugunuk ara, Ugunja nong unaʾ era, Imik Neyung adya youbuka dobsuk nimi geknewaʾ ulululumaʾ aboka weneweisin.

2 KORINTUS 5:20

Anasa nuk dara, Kristus adya nadya wa webnokaʾ aboka boklesil nang ulumab. Imik Neyung ara nu pik uboka, alja yub era lelemla. Nunda Kristus amba leboka, ugunda Imik Neyung ab, neikaʾ hiblulumaʾ aboka yeiriwoka molowasab.

ROMA 12:1

Wera anasa hemyabo nim o, Imik Neyung adya angoo yadyek senewoka arasisinaʾ amba leboka, anedya ugunda ugunja nong enyek embengaʾ gebman, hyak pe yok munaʾ elegoka, an nenyek Imik Neyung ara pewanel senewanamlaʾ ara an anasa, nara ugunuk wenewanasin. Wera an nenyek ugunja eleknaʾ hyak pe eleklelumaʾ nong ara al an ulumla.

EPESUS 3:1

Ban nenesa leboka, ugun Yahudi gom nim enyek, nara Paulus bera Kristus Yesus amba leboka gasa ek henga gouboka beibnyeknya bedya, ugunsamba mololesin.

1 PETRUS 2:11

Nadya wanaʾ ulusin hemyabo nim o! Ugun nong ara sekel yanggan nim uboka, salyaʾ soko pik dongol girikna nim ululumaʾ anasa, nimi malya ubsinya ganya bolomakaʾ anyek, nimi ganya lomok sam malya ul eleklesilaʾ anyek, ugumba hnon ununaʾ mem aboka yuba garawoka sekna.

IBRANI 13:19

Anya hyak okoka dara, nara ugunuk men berra aboka saawoka elegeisinokaʾ aboka, nara ugunuk wenewanasinaʾ ara ugunda banera unulumnelumaʾ ak lebna.

2 KORINTUS 6:1

Nunda neikaʾ welemab nang edya, Imik Neyung adya ugunuk wanaʾ uboka eleknaʾ dololumaʾ anyek, salyaʾ lelem domunuk aboka dukaʾ lololosab.

GALATIA 3:26

Ugunda Kristus Yesus ak dib senelumaʾ adya, wera ugunda nidyaʾ Imik Neyung mabo dibaʾ ululum.

EPESUS 6:20

Wera Imik Neyung adya perob lero yanggan yub enesa lelelulaʾ aboka, bokol yanyokaʾ anasa welemna dara, alsamba yuba sanaʾanya dasa, wera anasa gasa ek henga gouboka beibnyek. Anasa, asaʾ ganya boboka, onoʾ pe lelenunaʾ aboka, ugunda nasamba mololenululum.

1 TIMOTIUS 1:12

Nara nunja Wenelesilnya Yesus Kristus ak perob aboka sob-sobaʾ giblamna. Alda nak aralenululaʾ aboka migiba seleb elegenyok. Wera wa nen wen dara, Paulus bera bojamnya senewoka sekiyinyokaʾ anasa, perob aboka giblamna.

TITUS 2:2

Nengmabo nauba nang ek dara, sikda ganya siklewoka kaboka ulunokaʾ aboka, perobaʾ ok seiniwoka ulunokaʾ aboka, hnonda yok nim edya perob senelesak nang geknebaʾ ulunokaʾ aboka, onoʾ yuba dib senebmoubuka, hyak wanaʾ ubdangoka, pe siklewoka welenokaʾ aboka pe neklesilom.