MATIUS 8:31 - PERJANJIAN BARU NALCA YUBA

³¹ Dara ban bisaʾ dara, Yesus ak, ”Anda nim ek ab goboka yibinelum aboka oruganasilim dara, wera pam ak weklulum aboka oruganasilim,” hyek.

MATIUS 8:31 Referans Kwoze

MARKUS 5:12

Dara ban bisaʾ gong danedya, Yesus ak, ”Nuk ban pam danyek an gologol binilum aboka orugeisilom,” wenyaboka molowek.

WAHYU 12:12

Wera anasa, imik heik ab, ane lomok nidyaʾ ulumunya nera, eiya hlaboka globlulum! Bok bisaʾ dubnya Iblis ara, seleb yinggilaʾ anasa, sokok mekek ululum nang nidyaʾ o, hyak lobaʾ nenewoka obnesilaʾ ak ululum. Iblis ara unun salek era seleb mek ok ubla senewoka seleb ella ublakanya, hyak yu asaʾ ganya bolomla,” wenyaboka lebok.

MARKUS 5:7

Wera hyak nauba bii aboka, ”Hyak imik ululanya Imik Neyung bedya me Yesus o! Anab nab dara, hekaʾ hnon ulusil do? Imik Neyung si sibuka, nak ol yangganenaʾ ara lobnenelem, hen!” alamok.

MATIUS 4:24

Yesus ara anaso uboka unulamla an yub era mok soko me nidyaʾ oboka lelemok dara, nimi nauba alak yalamek. Nimi nidyaʾ ara igina kweboka, yok-yok neiknaʾ salalesuk nim era Yesus ak bo yalamek. Wera nimi nidyaʾ koma bulumek nim eb, bisaʾ goloklesuk nim eb, nonga heilisuk nim era, Yesus adya meriyisuk.

MATIUS 7:6

”Gam adya anak saaboka saboka obgelyek anasa, yokaʾ-yokaʾ hyak perobaʾ ara, gam ak eleknenggom, mem. Pam adya meilik ara yan ingib saboka malya nenewalyek anasa, pam ak eleknenggom, mem,” hyok.

MATIUS 8:30

Wera sik ulurek ak ab dara, mok so ara, pama nauba yuʾ delemek.

MATIUS 8:32

Dara Yesus adya bisaʾ danyek, ”Bululum!” wenhyok dara, bisaʾ era goboka pam pik wekdo yibek. Wera pam gong dara, yeiriwoka mok soko abomok langa diniwoka mek gwanek sam malyingginiboka meka si deregoka somokdo yibek.