MATIUS 6:7 - PERJANJIAN BARU NALCA YUBA

⁷ ”Ugunda heng uboka molowanamun dara, Imik Neyung ak elgom ulumak nim edya waranaʾ mololdibilloklemak sok, ugumba ununggom, mem. Ban unulumak nim edya dara, waranaʾ mololomab dara, Imik Neyung adya kebnesilaʾ anyaʾ aboka unulumak.

MATIUS 6:7 Referans Kwoze

MATIUS 26:44

Wera onoʾ Yesus ara sik eib loboka li winilinya nera, Imik Neyung ak al neik yub enyek saaboka molowok.

MATIUS 6:32

Ban unuruwaʾ nidyaʾ ara, nak yaso senewoka dulumak nim era, yok-yok mok soko nim Imik Neyung ak elgom ulumak nim edya danyek, hnonok unulumak. Ugunjaʾ neyung be imik heikek ululanya bedya dara, ugunja nidyaʾ doboka deisibya senelelumaʾ nidyaʾ ara, alda ella ulumla.

RASUL 19:34

Bok, sikda Aleksander bera Yahudi nanga yokaʾ nong ak okoka eiyimek dara, penya jam anaso hyak yeiriwoka neikebok bii aboka lelemekja, ”Epesus nang edya bisaʾ dubnya Artemis bera senenggomnya ulumla,” aboka lelemek.

MATIUS 26:42

Dara onoʾ Yesus ara saaboka hnon molol byuukanya lebokaʾ ara, ”Wei neyung, ban igin yakaʾ enyek mok nenenaʾ loboka, or kwebnenel bok dara, wera neyung, or anja senemenya nok or unuwolul,” hyok.

MATIUS 26:39

Dara alda mek mok so gogonggoka byuukanya, dunuwoka lero molowokaʾ ara, ”Wei, neyung Imik Neyung o, or senemen bok dara, igina kweboka gweknaʾ damok ara nak ab mok sam gebnelam. Bok neyung, nadya senenanya nek gom, alda anja senelamnya nenyek ok, or unuwolul,” hyok.

MATIUS 18:17

Wera ban nang enedya anda aldib malya ublum aboka lebnemak bok, bera kebnenggunusil dara, alja malya umlyaʾ ara, Imik Neyung yuba donaʾ nim ek laga lebnelum. Wera onoʾ Imik Neyung yuba donaʾ nim edya, wenewanamak bok, kebnenggunusil dara, alda Imik Neyung ak elgomnya gom, mok soko amba rupiah molowoka doro unya gom, anaso ak ulumla senelemnelum,” hyok.