MATIUS 6:19 - PERJANJIAN BARU NALCA YUBA

¹⁹ ”Sokok an nim adya hokaʾ doboka, mura gluboka gereremaʾ delemlaʾ ak an, perob bonaʾ nauba ugun dam nang amba beilinggom, mem.

MATIUS 6:19 Referans Kwoze

IBRANI 13:5

Dara Imik Neyung yub ara banaso lelemla, ”Nara anak ara hyak mekaʾ dogom ab lobnenggununggenekanya, nara anak ara hyak mekaʾ gwab lobnenggununggen,” wenyalamlaʾ anasa, ugunda rupiah ak nauba dolonun ganya ek ab leiblelulum. Alda ugunuk an ulusilaʾ anyek, eiyasa gigibdangoka ulululum.

LUKAS 12:21

Anasa, Imik Neyung adya perob senelamlaʾ duboka unuwonun senenaʾ loboka, nimi ganya adya ok seiniwoka duboka nanokok bonaʾ dubnya donun senewoka yeirilemak nim era, sikenek anaso unuwanasil,” hyok.

LUKAS 18:22

Yesus ara ban nenyek kebok dara, alja lebnemokaʾ ara, ”Hyak hnonok anam or anaso unuwanalamaʾ ara, anja bonaʾ nidyaʾ ara dekoka rupiah dobmen dara, rupiah era bonaʾ garan ulumak nim ek boknesilim. Dara anda imik heikek ulumla bonaʾ enyek dobnelam. Ban unubgogowamen dara, anda nak diriga yananelem,” hyok.

1 TIMOTIUS 6:17

Anda sokok sam bonaʾ dub nim ek sobaʾ ulmoubnenggulumla bonaʾ emba leboka dengdang ganya boboka, bonaʾ ak ganya dib beiliwomunuk aboka, wenyaboka neklesilom. Bok saawoka, alda Imik Neyung nuk yokaʾ-yokaʾ nauba gigiwosulul senewoka, eleklesilnya bek ok ganya kweboka welenokaʾ aboka, neklesilom.

LUKAS 12:33

Ugunja bonaʾ rupiah dekoka doboka, dobmun rupiah era, bonaʾ garan ulumak nim ek elegolulum. Ban unulumun dara, ugunja songa leboka blobnenggunumla rupiah beilinaʾ memelelum, nera imik heikek beillilesil bonaʾ dibaʾ ara an. Ban bonaʾ era hokaʾ donaʾ orok uboka, gereremaʾ denggunumla.

LUKAS 18:24

Dara, Yesus ara ban bera bonaʾ dub adya hyak igin ganya bobokaʾ ak eibuk dara, alja lebokaʾ ara, ”Bonaʾ dub nim era, Imik Neyung wenesin heikek weknaʾ ara, hyak okna!

MATIUS 19:21

Danyek Yesus adya alak, ”Anda munaʾ pe ulumnamna aboka dara, anjaʾ ek biniboka, anjaʾ bonaʾ nidyaʾ ara rupiah amba beibnelam. Dara, anedya imik heikek perob bonaʾ dobnelamaʾ anasa, anjaʾ unu dobmen rupiah era bonaʾ garan ulumak nim ek eleganesilim. Unubgogowamen dara, anda nak or diriga yananelem!” hyok.

MATIUS 6:20

Alda imik heik anyek, nim adya hokaʾ dol yangganaʾ loboka, mura glubnaʾ loboka, gereremaʾ mekaʾ denggulumlaʾ ak sam anyek, perob bonaʾ bolowoka beillilelulum.

LUKAS 12:39

Ugunda ban nenyek beknelum! Nimi ben hnon hokaʾ dolomak nang alja ek wekel yalamla salek ella ululanya bera, nadya ek yeijek aboka, hyak pe welemla dara, hokaʾ donggulumak.