MATIUS 5:4 - PERJANJIAN BARU NALCA YUBA

⁴ Igin ganya bolomak nim era, Imik Neyung adya sikenek ganya sangab eleganesil bok anasa, pe ulumak!

MATIUS 5:4 Referans Kwoze

WAHYU 21:4

Imik Neyung adya sikja heng mekaʾ nidyaʾ ara lubnesil. Youmaʾ ek malya nenelesukaʾ damoka nidyaʾ ara denghenemlaʾ adya, somoknaʾ damok ara hnon ubnenggunumla. Ganya sugunaʾ ab, engenaʾ damok ab, ok ulusilaʾ ab, yokaʾ-yokaʾ nidyaʾ igina kwelesilaʾ ara, hnon sounuwoka ubnenggunumla,” wenyalamok.

LUKAS 6:21

Ugunda wen gwaneng ok ulusil nim era, eimik era, mona buknesilaʾ anasa, pe ululum. Ugunda wen engelelum nim era, eimik era, oksewanalumaʾ anasa, wera pe ululum.

YAKOBUS 1:12

Yokaʾ-yokaʾ sunulyamalamla salek enyek, ganya siklewoka ululanya bera pelemlaʾ nong ara an. Anasa wera, ban benera unu sunuwalyebok, alda ganya pe siklewoka ulumlya dara, wera Imik Neyung adya alak wanaʾ ulumeija nim ek embeng unaʾ eleganesin wenyasuknya nera, al hnon eleganamlaʾ anasa, pe ulumla.

LUKAS 16:25

”Bok Abraham bedya benyek lebokaʾ ara, najabo banyek seiniwanalam: anda or anam embengaʾ ululum dara, perobaʾ ok doboka boboka delelum, alda Lazarus bek dara malyaʾ ok doboka dereklemok. Amba wenyek dara, Lazarus bera perobaʾ ak bukla bok, anak dara, nauba gweklelam.

LUKAS 6:25

Onoʾ ugunda wen gwanenga denaʾ mona bukoka delelum nim era, eimik era gwaneng oka nauba kwebnesilaʾ anasa, omom nong ak ululum. Onoʾ ugunda wen okselelum nim era, eimik era ganya suguwoka engewanalumaʾ anasa, omomaʾ ak ululum.

LUKAS 7:50

Bok Yesus ara ban gel genyek an, ”Anda nak dib senenelemaʾ adya, anak seleb blebgelaʾ anasa, anda ei-ei ganya boboka, or binilam!” hyok.

LUKAS 7:38

Wera gel gera Yesus delemok ak sam alda weilik sekoka, engenaʾ gadyaʾ eboka, alja heng mekaʾ era Yesus adyaʾ yan sangak sam niniwoka, Yesus adya yan ak ara, alja hong edya heng mekaʾ luboka, giboka, perob ngiknaʾ mek era an yanek an yek golumok.