MATIUS 5:32 - PERJANJIAN BARU NALCA YUBA

³² Bok wenyek dara, nara ugunuk dib lebnesin, Heknedya alja gel gera meknenaʾ orok bok, lobna dara, gel gera onoʾ yoknya bedya dolomla dara, wera gel genyek malya unaʾ dangallilimla. Anya heknedya yoknya bedya lobna gel genyek dolomla dara, beneba malya ulumla,” hyok.

MATIUS 5:32 Referans Kwoze

ROMA 7:3

Anasa alja nenya anam ulumla salek, alda yoknya bedya gel dangalamla dara, alak ara mouna kwelemla gel genyaʾ alamnamak. Bok alja nenya seleb somogan enyek, alda yoknya bedya gel dangalamla dara, unuwanalum an yub ek ab goʾ dangalamla anasa, mouna kwelemla gel genyaʾ wenyanggulumla.

LUKAS 16:18

”Heknedya alja gel gek lolomlakanya, onoʾ yok gel ge dolomla dara, alda yok nang gel gek hokaʾ dololanya ulumla. Anya seleb lomna gel genyek dololanya beb dara, albabya yok gel hokaʾ salalanya ulumla,” hyok.

1 KORINTUS 7:4

Gel alja nong ara, alaʾ mokaʾ ak unggulumla. Alda alja nenya amba hnon ulumla. Anasonya neikik, nenya anaba alja nong ak dara, alaʾ mokaʾ ak unggulumla bok, alja gel gemba hnon ulumla.

MATIUS 5:28

Bok wenyek dara, nadya ugunuk banyek dib lebnesin, Nimi ben hnon yok gel salaweisinya senen ganya lomok bolomla dara, bera gel genyek seleb ganya lomok salalamla.

LUKAS 9:35

Wera ban debaʾ enyek anyeb yuba sabnemokaʾ ara, ”Nadya weboka domsa me nera ban e. Alak ok pe keblulum,” hyok.

LUKAS 9:30

Wene sab-sab enyek, nimi penya nang ara Musa beb, Eli beb, imik heikek ab dilinaʾ yeboka, warak loboka, sikda laga goboka sekdek. Dara sikda Yesus anyek mek anam Yerusalem heikek ab ura somoganamok yub enyek, neikaʾ salamek.