MATIUS 4:13 - PERJANJIAN BARU NALCA YUBA

¹³ Yesus ara Nazaret heikek ara loboka, alda Zebulon Naftali sokok sam Galilea mek gemek sam Kapernaum heikek bindiwoka ulumok.

MATIUS 4:13 Referans Kwoze

YOHANES 4:46

Dara, Yesus ara Kanaan heikek mek sirikaʾ bok anggur meka nenemok heikek onoʾ yeilimok. Kapernaum heik ara, soko dubnya bedya me neiknaʾ salamokaʾ ak malamok.

MARKUS 1:21

Wera sikda balamekaʾ ara, Kapernaum heikek lanal byik. Wera Sabat mem sum dok dara, Yesus ara Yahudi nim edya yuba don ek sam wekoka yuba nek einiwousuk.

MATIUS 11:23

Anya Kapernaum heik o, anak imik nenewoka imik heikek sam nenewanenggel de? Hyak orok! Anda hyak somokna nim heikek ak sam boboganenggel! Anasa an ululamaʾ gangganek an lok soʾ senenggom damok unulamnaʾ ara, men Sodom heikek seleb unusinya dara, Sodom heik ara weneba or ubnamso!

YOHANES 6:59

Yesus adya ban nidyaʾ lebokaʾ ara, Kapernaum heikek Yahudi nim edya yuba don ek ab yuba lelesuk sum enyek lebok.

YOHANES 6:24

Dara nera, Yesus ab alja yuba doboka diriga ban nang ab, anyagan unaʾ eibnenggumek dara, nimi nauba ara mek ekla bunaʾ bukoka, Yesus ak ebgiga Kapernaum heikek bilimek.

YOHANES 6:17

mek eklaʾ bunaʾ ak bukumek. Dara, sikda Kapernaum heik binobaʾ aboka garal balamek. Ban salek era seleb inimok bok, Yesus ara sik dam ak berra yanggumok.

YOHANES 2:12

Ban seleb unubgogomok dara, Yesus ab, alja genong geb, al kabo nang ab, alja diriga ban nang eb, Kapernaum heikek bilimeekanya, liga wen ono sam ulumek.

MATIUS 17:24

Wera Yesus ab alja yuba doro diriga ban nang eb dara, sikda Kapernaum heikek yek dara, Imik Neyung e amba rupiah molowoka dolomek nang edya, Petrus bek, ”Ugunja neyung neklesilnya bera, alda Imik Neyung ek weknamnaʾ amba dara, rupiah beillilamla gom, orok gom?” aboka heibek.

LUKAS 4:23

Dara, alda sikenek, ”Ugunda nak ban bol nenenaʾ yub enyek wenyhenenulumaʾ ara, ’Wei, hwelesilimnya o, an damnya hweldalalom. Nidyaʾ yokaʾ-yokaʾ hyak lok soʾ anyek, Kapernaum heikek seleb unululumaʾ kelemoubaʾ ara, wera anyek anjaʾ meneng mok ok an, anyeganyebaʾ unululom henenulumaʾ anyaʾ,” hyok.

MATIUS 4:14

Yesus adya ban unumoknya nera youmaʾ ununumnaʾ lelemoknya Yesaya bedya lemokaʾ anyek gigiwolulaʾ aboka ubokaʾ ara,

MATIUS 4:15

”Zebulon soko Naftali soko o! Yordan meka gemek sam senenggom gwan mek pik banaʾ ak sam, Yahudi gom nim ulumak sokok Galilea o!

MATIUS 9:1

Yesus ara onoʾ mek ekla bunaʾ ak welewoka bukoka dara, onsok alja heikek sam yok.

MARKUS 2:1

Wera lika wen ubokaʾ ara, Yesus ara saaboka onsok Kapernaum heikek yok dara, Yesus ara anyagan ulumla an yub era oboka lelemok.

LUKAS 10:15

Alda Kapernaum heik o, anak dara, im nongok eini nenewananel senelelam de? Orok! Alda anda gobdo somoknaʾ nim heikek boboganenggel!” hyok.